«Қазөнер» қолдаусыз қалмады

ЖЕДЕЛ ЖАҢАЛЫҚТАР

«Алдымен экономика, содан кейін саясат»: қиындықтарды жеңу
03.08.2021

Қола - қалтада
03.08.2021

Өрт азайған
03.08.2021

QazVac жеткізілді
03.08.2021

Кезең-кезеңмен шешіледі
03.08.2021

Шарапаты мол
03.08.2021

Алғабастың жолы жөнделе ме?
03.08.2021

Сарыарқа самалы, 3 тамыз, сейсенбі
03.08.2021

Энергоблок жаңаруда
31.07.2021

«Тапсырам домбырамды Шолпаныма»
31.07.2021

Тағы да жапондықтар жайлы
31.07.2021

Жақсылыққа шақырады
31.07.2021

Күміспен күптелді
31.07.2021

«Қазақ поэзиясына құштармын»
31.07.2021

Ауызсу тарифі неге әртүрлі?
31.07.2021

Той-томалақ тыйылмай тұр
31.07.2021

Індет қайта өршіді
31.07.2021

Ертеңін ойлаған екпе алады
31.07.2021

Ұтымды ұқсату керек
31.07.2021

Ауылдың ажары артты
31.07.2021

Сарыарқа самалы, 31 шілде, сенбі
31.07.2021

Тартысқа толы Токио
29.07.2021

«Sary qyz»
29.07.2021

Жаяу Мұса
29.07.2021

Антиденені тексеру неге тиімсіз?
29.07.2021

Әдемі мектеп – әдепті оқушыға
29.07.2021

Вакциналаудың қарқыны төмен
29.07.2021

«Достықтың» мәселесі шешілуде
29.07.2021

Жұмыс күші жеткіліксіз
29.07.2021

Тәжірибе шаруаны ширатады
29.07.2021

Түгендесек, төбедегі келеді...
29.07.2021

Ауылдардың берекесін қалай арттырамыз?
29.07.2021

Сарыарқа самалы, 29 шілде, бейсенбі
29.07.2021

Қоржында – қос қола
27.07.2021

ӨМІРДІҢ ӨЗІНЕН
27.07.2021

Ел үміті ақталса игі
27.07.2021

Белгісіз батыр
27.07.2021

Молдовадан табылды
27.07.2021

Әкім бол, халқыңа жақын бол
27.07.2021

«Сырлы аяқтың сыны кетпес»
27.07.2021

Сарыарқа самалы, 27 шілде, сейсенбі
27.07.2021

Сарыарқа самалы, 24 шілде, сенбі
24.07.2021

Сербтердің мысын басты
24.07.2021

Мерейі үстем Мыңбаевтар
24.07.2021

Циклахена - ғаламдық проблема
24.07.2021

Инновациялық панельден салынады
24.07.2021

Ауылда да маркет бар
24.07.2021

Білімді мыңды жығады
24.07.2021

Дәрі-дәрмек жеткілікті ме?
24.07.2021

Арнайы жоспар қажет
24.07.2021

Түркістанға әуе кемесі қатынайды
24.07.2021

Қордаланған мәселе көп
24.07.2021

Кешенді жұмыс – келешектің қамы
24.07.2021

Штаб құрылды
24.07.2021

Құрылыс қалдықтары көп
24.07.2021

Күнбағыс кәсіпорны ашылады
22.07.2021

«Қайта құрудың» зардабы аз болмады
22.07.2021

Стамбул сұлулығы
22.07.2021

Кескіндеме өнерінің көсемі...
22.07.2021

Абызбай атыңа сай ең...
22.07.2021

«Қазөнер»  қолдаусыз қалмады 16.02.2021

«Қазөнер» қолдаусыз қалмады

Биыл облыста кәсіпкерлерді қолдауға бағытталған «Business Ertis» өңірлік бағдарламасы бастау алды. Аталмыш бағдарламаның аясында тегін өндірістік цех алып, ісін дөңгелетіп отырғандардың бірі – «Қазөнер» жеке кәсіпкерлігі. Бұл кәсіпорынның шеберлері облыс тұрғындарының талғамына сай келетін ұлттық нақыштағы дүниелерді дайындап, жергілікті нарықты өзіміздің өніммен қамтып отыр. 


Осыдан төрт жыл бұрын павлодарлық Гүлназ Қадыр мен Мейіргүл Абзалова облыс орталығында «Қазөнер» дүкенін ашып, күмістен жасалған зергерлік бұйымдарды, қыз-келіншектерге арналған орамалдарды сатуды қолға алды. Бірнеше жыл бойы ұлттық нақыштағы дүниелерді саудалап, тәжірибе жинаған соң «Неге өз өнімімізді дүкен сөрелеріне қоймасқа?» деген ой келген екен. Сөйтіп, екі кәсіпкер былғарыдан әмияндарды, ағаштан сандықтарды жасауға кірісті. 
DSC_1655.JPG

- Шыны керек, осыдан біраз жыл бұрын көпшілік арасында «Ұлттық үлгідегі өнімдерге қызығушылық аз», «Сапалы дүниелерді шығаратын жергілікті кәсіпорындар жоқ» деген пікір болды. Біз бұл ойды жоққа шығарып, көздің жауын алатын, сапасы шетелдік тауарлардан кем түспейтін өнімдерді дайындай алатынымызды дәлелдегіміз келді. Сөйтіп, әлі дами қоймаған былғары аксессуарлар нарығына қарай қадам бастық. Тұрғындардың тапсырыстары бойынша оюлы әмияндар жасауды ұйғардық. Бұрын-соңды жергілікті нарықта болмаған, тұтынушыларға таңсық бұл өнімдер аз уақыт аралығында жоғары сұранысқа ие болды. Жақын-жұрағатына, туған-туысына сыйға тарту үшін есімдерін оюлатып жазуды қалайтындардың қатары көбейді. Бүгінгі күні былғары әмияндарға сұраныс артпаса, төмендеген жоқ, - дейді Гүлназ Қадыр. 
«Қазөнер» жеке кәсіпкерлігі ағаштан сандықтарды дайындау ісімен де айналысады. Павлодарлық шеберлердің қолынан шыққан оюлы сандықтарға да сұраныс жоғары көрінеді. Тіпті, Нұр-Сұлтан, Өскемен қалаларынан тапсырыс берушілер баршылық. Көп жағдайда ұлттық нақышта заманауи үлгіде жасалған тұрмыстық затты әжелерге, аналарға сыйлық ретінде әрі қыз жасауының бөлшегі ретінде сатып алады екен. 

DSC_1563.JPG
  Әмияндарды дайындауға қажет басты шикізат – былғары Алматы қаласындағы тері зауытында өндіріледі. Қосымша фурнитуралар Қытайдан жеткізіледі. Ал сандық жасауға қажет ағашты Ресейдің Новосібір облысындағы кәсіпорыннан сатып алады. Бұл ретте Мейіргүл Абзалова пандемияға байланысты шикізатты, құрал-жабдықтарды жеткізуде біраз қиындықтың туындағанын алға тартты. Өнімнің сапасын одан әрі арттырып, санын көбейтуге мүмкіндік беретін кейбір құрылғылар әлі елге жетпеген көрінеді. Бұл мәселе бір ай аралығында шешілуі тиіс. 
- «Қазөнердің» өнімдері облыс орталығындағы екі дүкенде сатылады. Сондай-ақ, интернет желісі арқылы тапсырыстарды қабылдап, қаладағы тұтынушыларға тегін жеткізіп береміз. Карантин шаралары күшейтіліп, сауда орталықтарының жұмысы шектелген тұста Instagram парақшасы арқылы сауданы оң жолға қоюымыз көп көмегін тигізді. Соның нәтижесінде ісімізде іркіліс болған жоқ. Тек шикізатпен қамту, құралдарды жеткізу ісінде бірқатар кедергі кесе-көлденең шықты. Бірақ оларды да еңсеріп, бірінші кезекте қажет құрылғыларды жеткізіп алдық. Бастысы, өндірістік цех мәселесіне бас қатырмайтын болдық, - дейді Мейіргүл Абзалова. 
Бұған дейін әмияндарды да, сандықтарды да көлікжайларда жасаған кәсіпорын енді «Іскер» шағын индустриялық аймағынан өндірістік орынды тегін алды. Ай сайын коммуналдық ақыларды уақытылы төлесе болғаны. Гүлназ Қадырдың айтуынша, бұл – кәсіпкерге көп көмек. 
- Көктем-жаз кезінде көлікжайларда жұмыс істеу аса қиын бола қойған жоқ. Ал қыстың күні жылуы жоқ нысандарда сапалы өнім дайындау оңай емес. Абырой болғанда, «Іскер» шағын индустриялық аймағынан орын бұйырып, кәсібіміздің тасы өрге домалады. Жылуы, жарығы, суы – барлығы бар ғимаратта жұмыс істеу бір ғанибет! Жалдау ақысының жоқтығы тіпті жақсы. Мемлекеттік қолдау болмаған жағдайда, дәл осындай шағын цехты жалдау үшін айына кем дегенде 50-60 мың теңге төлейтін едік. Ал «Business Ertis» өңірлік бағдарламасының аясында тегін ғимарат берілуінің нәтижесінде жалдау ақысына жоспарланған қаржыны өндіріске жұмсап, аяққа нық тұрып кетуге болады, - дейді Г.Қадыр. 
Бұл – ұлттық нақыштағы өнімдерді шығаратын кәсіпорынға көрсетілген мемлекеттік көмектің бір парасы ғана. Өңірлік кәсіпкерлер палатасының мамандары да әркез кеңес беруге әзір. 
- Жеке есепшілердің көмегіне жүгінер болсаңыз, бір қабылдау үшін кемінде 5 мың теңге сұрайды. Сондықтан есеп-қисапқа қатысты сұрақтар туындаса, бизнес-жоспар жасау қажет болса бірден Өңірлік кәсіпкерлер палатасының көмегіне жүгінеміз. Білікті мамандар барлығын егжей-тегжейлі түсіндіріп береді. Ол үшін ақы да алмайды. Ісін жаңа бастаған біз сияқты кәсіпкерлер үшін бұл – зор қолдау. Жалпы, облысымызда бизнес бастап, кәсіп кеңейтуге ниетті жандарға көп көмек көрсетіледі. Мемлекеттік гранттар, жеңілдетілген несие- лер беріледі. Қаржылай емес қолдау тағы бар. Осындай мол мүмкіндіктер жасалған тұста оларды тиімді пайдаланып, шағын және орта бизнестің дамуына үлесімізді қоссақ дейміз, - деп атап өтті Г.Қадыр. 
 «Қазөнер» жеке кәсіпкерлігі алдағы уақытта оюлы сөмкелер, үй жиһаздарын шығаруды жоспарлап отыр. Бұл бағыттағы түрлі идеяны іске асыру мақсатында мемлекеттік бағдарламаларға қатысу ойда бар. Ал әзірше «Іскер» шағын индустриялық аймағынан тегін берілген шағын цехта тұтынушылардың тапсырыстарын сапалы әрі уақытылы орындау үшін еңбек етпек.

Құндыз ҚАБЫЛДЕНОВА 

Количество показов: 187

Возврат к списку