Заңғар жазушы

Көрнекті жазушы Әбіш Кекіл-баевтың шығармашылығы оқырман қауымға өте жақсы таныс. Әбіш Кекілбаев – Қазақстанның Халық жазушысы, мемлекет және қоғам қайраткері.
Қаламгердің көркем шығар-малары туралы көптеген зерттеу кітаптары, жүздеген мақалалар, ғылыми еңбектер жазылды. Әдебиет айдынындағы тырнақалды туындыларын өлең өрнектерімен төгілткен жазушының сан қырлы таланты әдебиеттің барлық саласында да айшықты көрініс тапты. Ол шығармалар әдебиетіміздің ары мен абыройын асқақтатқан ерекше туындылар болды. Оның әр кейіпкері замана тынысының тамыршысындай оқырманымен біте қайнасып кеткен. Сондықтан да Әбіш Кекілбаев шығармашылығы – қазақ әдебиетінің алтын діңгегінің бірі. Сөз зергерінің қаламынан туған шығармалар талай буынның жан азығына айналды және оның әдеби мұрасы әлі де талай ұрпақтың рухани қазынасына айналары сөзсіз.
Мемлекетіміздің нығаюына өлшеусіз зор үлес қосқан қоғам қайраткері, заңғар жазушы халқымыздың бірлігі жолында да аянбай еңбек етті. Ол кешегі ел билеген көсемдерге кеңес берген данагөй, абыз билердей мемле-кеттік қызметтерге де белсене араласты. Артына өшпес із, басылым бетіндегі ой-толғауларын, сұхбаттарын қалдырды. Қаламгер қоғамның өзекті тақырыптарына жүздеген мақала, сұхбат, очерктер мен эсселер арнады.
«Әбіш Кекілбаев шығармашылығы» атты энциклопедия жазушының шығармашылық мұрасын жанр-жанр бойынша талдайтын 7 тараудан тұрады. Мәселен, «Поэзия» тарауында Ә.Кекілбайұлының 147 өлеңі мен 2 шағын поэмасы және 19 аударма жыры, «Проза» тарауында
жазушының 13 әңгімесі, 10 повесі және 3 романы талданған. Жазушыны әлемге әйгілі еткен шағын прозасын зерделегенде шығармалардың автобиографиялық және географиялық қырларына жете мән берілген. Кітапта суретші К.Бекеновтің арнайы салған иллюстрациялары қолданылған. «Мақалалар» тарауында 660 туынды, оның ішінде сыни, сұхбат, эссе, қазанама сынды
жазбалар да әліпбилік жүйемен тізбектеліп сөз етілген.
Жазушының мол мұрасы келешекте тек туған халқының ғана емес, күллі адамзат қауымының асыл қазынасына айналып, жаһандық өркениет қорына олжа салары сөзсіз.

М.ДЫБЫКЕНОВА,
С.Торайғыров атындағы облыстық кітапхананың
ақпараттық қызмет көрсету секторының кітапханашысы.

Количество показов: 150

Возврат к списку

Сарыарқа самалы, 27 ақпан, сенбі

Раздел не найден.