1-сынып оқушысына планшет керек пе?

СОҢҒЫ ЖАРИЯЛАНЫМДАР

11 медаль!
11:05 24.01.2023 1209

Абайлаңыз, көктайғақ!
11:02 24.01.2023 1074

Мәселелерді жедел шешу - шарт
11:01 24.01.2023 1147

Жаңа әкімдердің жүгі қандай?
10:58 24.01.2023 1251

Қолтаңбасы өшпейтін қайраткер
10:55 24.01.2023 1419

Автонесие: ескіден жаңасы артық
10:52 24.01.2023 1146

Бал өндірісінен «бал тамбай тұр»
10:50 24.01.2023 1094

Жұмыс тәулік бойы жүргізілуде
10:49 24.01.2023 1234

Ауылда мәдениет үйі салынуда
10:46 24.01.2023 1290

Шетелдік көліктерді заңдастыру басталды
18:10 23.01.2023 1156

Квота көбейеді
11:02 22.11.2022 3404

Қала дамуы қарқынды
11:01 22.11.2022 2974

Баянауылдық «бай-барымташылар бандасы»
10:59 22.11.2022 2919

Жастар белсенділік танытты
10:55 22.11.2022 3381

ІТ-индустрияны қалай дамытамыз?
10:54 22.11.2022 3428

Қаныштың қамқорлығын көрген...
09:34 22.11.2022 3552

Бүгінгі таңдау - ертеңге бағдар
09:27 22.11.2022 3638

Жан жылуы
09:38 21.11.2022 2891

Жаңа үй салынады
09:37 21.11.2022 2945

Кәсіп бастау тетігі – «Даму»
09:36 21.11.2022 3355

10.11.2022

1-сынып оқушысына планшет керек пе?

Келесі жылдан бастап оқушылардың сөмкесін жеңілдету мақсатында 400 мыңға жуық 1-сынып оқушысына электронды планшет беріледі. Сонымен қатар әр оқушы үшін арнайы тарифі бар мобильді интернет, тәулік бойы жұмыс істеуі үшін сервистік қызмет сатып алынады. Алайда жаңа заң қоғам арасында қызу талқыланып, пікірлер екіге бөлінді. Бірі жобаны қабылдамас бұрын тәжірибе жасау керек десе, бірі 1-сынып оқушысына планшетті мүлдем бермеу керек дейді. Жалпы, планшет оқушыларға түскен ауыртпалықты қаншалықты жеңілдетеді? Бұл сауалды «Алаңның» талқысына салып көрдік.

Бағдат МУСИН, ҚР Цифрлық даму, инновациялар және аэроғарыш өнеркәсібі министрі (пікір интернеттен алынды):

- Мұндай әдіс бірқатар дамыған елдерде, оның ішінде Ұлыбритания, Норвегия, Оңтүстік Корея және Түркияның мектептерінде нәтижесін берді. Бұған қоса, оқушылар үшін шығармашылық пәндер бойынша өз контентін жасауға мүмкіндік береді.

Аталған елдерде осы шешім негізінде өңірлер арасындағы «цифрлық» теңсіздікті төмендету, оқушылардың рюкзактарын жеңілдету бағытында мақсат қойылды. Ұсынылып отырған механизмнің бірқатар артықшылықтары бар.

Біріншіден, сервистік модельді пайдалану тікелей сатып алуға қарағанда бастауыш сыныптарда 4 жылға арналған келісімшарт сомасын бөлу арқылы бюджетке жүктеме азаяды. Бұл механизм халық пен бизнес арасында телефондар мен планшеттерді сатып алу кезінде белсенді тапсырысқа ие.

Екіншіден, планшеттерді жалға беру қызметінен басқа, оқушылар үшін арнайы тарифпен мобильді интернет, планшеттердің үздіксіз жұмысын қамтамасыз ету үшін сервистік қызмет сатып алынады.

Үшіншіден, рұқсат етілген онлайн ресурстар тізімі, яғни «ақ интернет» қашықтан жаңартылып отырады. Ең бастысы, шетелдік өндірістерге тәуелділікті азайту мақсатында, бұл механизм тек отандық өндірушілер үшін ғана қолжетімді болады.

Жұлдыз БЕГӘДІЛОВА, бастауыш сынып мұғалімі:

- Мәселе оқушыларға қандай планшет беретініне де байланысты. Мысалы, iPad - қымбат әрі басқаларына қарағанда салыс-тырмалы түрде зияны азырақ болып саналады. Сондай-ақ оның мүмкіндігі де көп. Мәселен, Apple корпорациясының басшысы Стив Джобс секілді азаматтар өз балаларына ол құрылғыны пайдалануын шектеген еді. Егер сондай ақылды адамдар өз балаларын шектеп отырса, бізде бірінші сыныптан бастап әлі ешқандай цифрлық иммунитеті қалыптаспаған, әріп танымайтын балаға планшет берейін деп отыр.

Бұл мәселені оқушыларға тіреп қойды. Ал олар мұндай тәжірибеге дайын ба? Айталық, әріпті танымайтын балаға планшетті бердік. Ол мектеп табалдырығын енді аттаған балаға кері әсер етуі мүмкін. Осыны зерттеп алмай, атүсті шешім қабылдау жөн бе? Меніңше, бұл 2023 жылы бюджетке енгізе салатын мәселе емес. Кем дегенде зерттеуге бір жыл керек. Ал цифрлық даму тұрғысынан бізден әлдеқайда көш ілгері тұрған Сингапур сияқты елдердің тәжірибесін қарау керек. 21-ғасырда сауаттылық цифрлық сауаттылықпен өлшенеді. Менің ойымша мұндай заңды енгізбес бұрын жан-жақты зерттеп, әлемдік тәжірибе қаралуы тиіс. Бізде мұның бірі де жоқ.

Алма САБЫРОВА, ардагер ұстаз:

- Иә, кез келген ата-ана ұл-қызының ешкімнен кем болмауын және еш нәрседен тарлық көрмей өсуін қалайды. Бірақ әр нәрсенің өз уақыты мен шегі болады емес пе? Қолына ұялы телефон ұстап, сабақ кезінде шұқылап отыратын оқушылардың қандай білім алатыны жайлы ойландық па? Бұл баланың болашағына кері әсерін тигізбек. Ал ауылдық жерде білім алатын оқушыларды қайтпекпіз? Ауылдық елді мекендердің көбінде ғаламтор мәселесі бар. Планшетті қоя тұрып, алдымен интернет желісін дұрыстап алайық.

Оқушыларды ауыр сөмкеден арылтудың баламалы жолдары бар. Мәселен, қажетсіз пәндерді оқу бағдарламасынан алып тастауға болады. Сондай-ақ жекеменшік мектептердің тәжірибесін негізге алып, оқушылар кітапты үйге тасымауы үшін жеке шкаф беру керек деп есептеймін.

Оқушы жеке заттары мен оқулықтарын сонда қалдырады. Үй жұмысын орындау керек болса, электронды нұсқасы бар, смартфоннан кіріп, қарай алады. Болмаса, өзіне қажет бетті ғана көшіріп алып, дәптеріне жазады. Меніңше, бұл бастаманың артында егжей-тегжейлі ойлану жоқ. Одан да сол қаржыны баланың денсаулығын нығайтуға, оқуына пайдалы әрі тиімді нәрсеге жұмсау керек.

«Алаңды» үйлестірген – Айдана БОРАНБАЕВА.

Количество показов: 3223

Возврат к списку