«Ақсу» сенімді ақтады

Соңғы бір-екі жылда Павлодар футболы тоқырауға ұшырағаны рас. Орталық стадион ойсырап, жанкүйерлердің еңсесі түскені жасырын емес. Қуанышқа орай, өкініш ұзаққа созылмады. «Ақсу» командасы мықтылар топтасқан ел чемпиона-тының премьер-лигасына жолдама алды.

Бірінші лиганың жеңімпазы атанған жерлестеріміз тарихтың жаңа бетін ашты. Орталық стадионға жанкүйерлер ағылатын болды! Жасыратыны жоқ, ел чемпионатының 5 дүркін жеңім-
пазы «Ertis»-тің аянышты тағды-рынан кейін Павлодарда футбол думаны тоқтап қалғандай еді. Туған жеріңнің командасы болмаса ел біріншілігін теледидардан тамашалаудың өзі біртүрлі екен. Орталық стадионнан ары-бері өткен сайын сағынышқа беріліп, үлкен футболды аңсап жүргеніміз рас. Биыл Қазақстан Бірінші лигасында облыс намысын қос команда – «Ақсу» мен «Екібастұз» қорғады. Екібастұздықтардың жағдайы мәлім. Соңғы жылдары қаржылық қиындықтардың салдарынан турнир кестесінің көш басынан табылып көрген емес. Тіпті, Өзбекстанға оқу-жаттығу жиынына барып, қаражаттың жоқтығынан елге қайта алмай, ұятқа қалғаны бар. Ал «Ақсу» жайлы әңгіме бөлек. Екінші лигада оза шауып, бірден Бірінші лиганың үздіктеріне айналған ақсулықтар биыл биік мақсат қойды. Премьер-лиганың жолдамасын алуға серттесті. Асқақ арман орындалды! Естеріңізге салсақ, ақсулық команда 2018 жылы құрылып, сол жылы Екінші лигада 15-орын алды. Келесі жылы 13-орынға тұрақтады. 2020 жылы Екінші лиганың чемпионы атанып, Бірінші лигаға жолдама алды. Енді, міне, бірден Бірінші лигада топ жарды. Небары 3-4 жылдың ішінде жерлестеріміз жоғары көрсеткіштерге қол жеткізіп отыр. Биыл ақсулық шабуылшы Мирас Тұрлыбек біріншілікте 21 доп соғып, үздік сұрмерген атан-ғанын атап өткен жөн. Бүгінде «Ақсу» жаңа маусымға барынша дайындалуда. Коман-даның логотипі ауыстырылып, жаңа ойыншылар шақырылуда. Алғашқылардың бірі болып қатарға нигериялық орталық қорғаушы Фэйт Обилор қосылды. Ол 1991 жылы туған. Бұған дейін «Тараз» командасының намысын қорғаған. Елді елең еткізген жаңалық – бас бапкер қызметіне атақты испан маманы Альберт Риераның келуі. Әу баста мұны болжам ретінде қарастырғандар көп болды. Бірақ, ақпарат шынайы сияқты. Себебі, испан жаттықтырушысы Павлодарға жаттығу жиынының соңында келеді деген ресми ақпар тарады. Жалпы, аймағымызда 2025 жылға дейінгі футболды дамыту тұжырымдамасы қолға алынғаны белгілі. Оған сәйкес, инфрақұрылым мәселесі, балалар-жасөспірімдер футболын жандандыру жұмыстары жалғаспақ. Осылайша, ел чемпионатының 5 дүркін чемпионы болған «Ertis»-тің жеңісті жолы қайта жанданады деген сенім мол.

Оралхан ҚОЖАНОВ.

Количество показов: 808

Возврат к списку

Сарыарқа самалы, 20 қаңтар, бейсенбі

Раздел не найден.