Абайлаңыз, көктайғақ!

СОҢҒЫ ЖАРИЯЛАНЫМДАР

11 медаль!
11:05 24.01.2023 1211

Абайлаңыз, көктайғақ!
11:02 24.01.2023 1076

Мәселелерді жедел шешу - шарт
11:01 24.01.2023 1148

Жаңа әкімдердің жүгі қандай?
10:58 24.01.2023 1253

Қолтаңбасы өшпейтін қайраткер
10:55 24.01.2023 1420

Автонесие: ескіден жаңасы артық
10:52 24.01.2023 1147

Бал өндірісінен «бал тамбай тұр»
10:50 24.01.2023 1096

Жұмыс тәулік бойы жүргізілуде
10:49 24.01.2023 1236

Ауылда мәдениет үйі салынуда
10:46 24.01.2023 1292

Шетелдік көліктерді заңдастыру басталды
18:10 23.01.2023 1158

Квота көбейеді
11:02 22.11.2022 3406

Қала дамуы қарқынды
11:01 22.11.2022 2975

Баянауылдық «бай-барымташылар бандасы»
10:59 22.11.2022 2921

Жастар белсенділік танытты
10:55 22.11.2022 3383

ІТ-индустрияны қалай дамытамыз?
10:54 22.11.2022 3430

Қаныштың қамқорлығын көрген...
09:34 22.11.2022 3555

Бүгінгі таңдау - ертеңге бағдар
09:27 22.11.2022 3639

Жан жылуы
09:38 21.11.2022 2891

Жаңа үй салынады
09:37 21.11.2022 2945

Кәсіп бастау тетігі – «Даму»
09:36 21.11.2022 3357

24.01.2023

Абайлаңыз, көктайғақ!

Шаһарда жауған қардан кейін қала іші айнадай көктайғаққа айналды. Көпшілікті бірнеше күннен бері құбылмалы ауа райы әбігерге салды. Жылынған күннен қар еріп, артынша ызғар танытқан суықтан жол бойы қатқақ мұз құрсанып шыға келді. Сол сол екен, көпқабатты үйлердің аулалары мен жүргіншілер жолын сірескен көкмұз басты. Салдарынан оқыстан құлап, жарақат алғандар азаймай тұр. Жарақат алған адамдардың саны қанша? Көктайғақ кезінде қалай әрекет ету керек? Бұл сауалдар төңірегінде №1 қалалық емхананың травматология бөлімшесінің меңгерушісі Еркін Нұрғалиевпен сұхбаттасқан едік.

- Жыл басынан бері көктайғақтан зардап шеккендердің саны қанша?

- Біздің жарақат пунктіне жыл басынан көктайғақтан зардап шеккен 1001 адам келіп түсті. Соның ішінде осы аптада 50 пайызға дейін адамдар саны көбейді. 5 күннің ішінде түске дейін 205 адам шағымданды.

- Күніне қанша науқас келеді?

- Бір күнде ауруханаға шамамен 60-қа жуық адамнан шағым түседі. Оның жартысынан көбі мұзға тайып жығылады. Кеше көмек көрсетілген 40 адам мұздан тайып құлаған. Ауруханаға көбінесе егде жастағылар түсуде. Олардың сүйектері жас балаларға қарағанда әлсіздеу болады. Сондықтан сынықпен келсе ота жасап емдейміз. Қол-аяқтың, яғни шынтақтың, иық сүйегінің, тобығының сынуы көп кездеседі.

- Жарақат алғандардың көпшілігі неге шағымданады?

- Көмекке жүгінген науқастар табан мен жілік-білезік буындарының, ауырғанына шағымданады. Сондай-ақ, көп адамдар абайсызда аяғын қайырып алып жатады. Егде жастағыларда жамбас сүйегінің сынуы жиі кездеседі. Тайғақ кезде жасы үлкен кісілерге сыртқа шығуды шектеген дұрыс. Себебі жарақат алу қаупі жоғары немесе резеңкесі бар таяқпен абайлап жүруі қажет. Сонымен қатар айналасындағы адамдардың көмегіне жүгінген жөн.

- Көктайғақта жарақат алмаудың жолдары қандай?

- Тайғақ аяқ киім кимеңіз. Табаны тегіс болмауы керек. Көктайғақ жерлерден аулақ жүруге тырысыңыз. Аяқ киімге сырғы-майтын жапсырма жабыстыру қажет. Сондай-ақ, арнайы тіреуіш бекітуді ұсынамын. Көктайғақтан басқаша жолмен құтыла алмайсыз. Жолды кесіп өткенде, жол ережелерін ұстану керек. Жарақаттар көшені кесіп өтумен байланысты. Сондықтан уақытты есептеп, баяу жүріп өтуге тырысыңыз Көктайғақта құлап, жарақаттанып қалған жағдайда, көгерген, іскен, ушыққан тұстарға (әсіресе тізе, шынтаққа) міндетті түрде 15-20 секундтан аспайтын уақытқа мұздай зат басу керек. Бұл мақсатқа тіпті мұздатқыштағы етті немесе салқын суға шыланған шүберекті де басуға болады. Егер адам жерге қарақұсымен құласа, мұздай нәрсе басу керісінше қосымша қатер төндіруі мүмкін. Мұндай жағдайда тез арада жедел жәрдем шақыру қажет немесе травматологиялық бөлімге көрінген дұрыс.

Сұхбаттасқан –
Айдана БОРАНБАЕВА.

Количество показов: 940

Возврат к списку