«Альбомымыз этноәуенге арналады»

СОҢҒЫ ЖАРИЯЛАНЫМДАР

11 медаль!
11:05 24.01.2023 598

Абайлаңыз, көктайғақ!
11:02 24.01.2023 608

Мәселелерді жедел шешу - шарт
11:01 24.01.2023 547

Жаңа әкімдердің жүгі қандай?
10:58 24.01.2023 618

Қолтаңбасы өшпейтін қайраткер
10:55 24.01.2023 811

Автонесие: ескіден жаңасы артық
10:52 24.01.2023 592

Бал өндірісінен «бал тамбай тұр»
10:50 24.01.2023 468

Жұмыс тәулік бойы жүргізілуде
10:49 24.01.2023 609

Ауылда мәдениет үйі салынуда
10:46 24.01.2023 635

Шетелдік көліктерді заңдастыру басталды
18:10 23.01.2023 567

Квота көбейеді
11:02 22.11.2022 2922

Қала дамуы қарқынды
11:01 22.11.2022 2813

Баянауылдық «бай-барымташылар бандасы»
10:59 22.11.2022 2780

Жастар белсенділік танытты
10:55 22.11.2022 2868

ІТ-индустрияны қалай дамытамыз?
10:54 22.11.2022 2828

Қаныштың қамқорлығын көрген...
09:34 22.11.2022 2926

Бүгінгі таңдау - ертеңге бағдар
09:27 22.11.2022 2997

Жан жылуы
09:38 21.11.2022 2726

Жаңа үй салынады
09:37 21.11.2022 2724

Кәсіп бастау тетігі – «Даму»
09:36 21.11.2022 2848

Емханаларға тіркеу аяқталды
09:35 21.11.2022 2778

28.05.2022

«Альбомымыз этноәуенге арналады»

Өңірімізде ерекше өнерімен аты мәлім «QAGAN» этно-фьюжн ансамблі бар. Бұл өнер ұжымы соңғы уақытта елімізге танылып, тіпті, халықаралық байқауларда көзге түсе бастады. Кәсіби мерекеге орай, ансамбль жетекшісі, күйші Ерасыл Әділбековті әңгімеге тарттық.

- «Қаған» этно-фьюжн ансамблінің өзге топтардан ерекшелігі қандай?

- «Қаған» этно-фьюжн тобының ерекшелігі - топ мүшелерінің әрқайсысы кем дегенде 5-6 аспапты меңгерген. Ұжымымыз жеті адамнан тұрады. Авторлық шығармамызды орындаймыз. Бұл шығар-малар құрылысы, әуені жағынан құлаққа әуелгі қалпынан басқаша болып естіледі. Себебі онда ұлттық мәнерден басқа рок, лаундж, джаз және тағы өзге стильдер бар. Біздің шығармашылық топта әр туынды жарыққа шыққан сайын жаңа аспапты, әуенді қосып отырамыз.

- Жуықта Central Asia’s Got Talent халықаралық байқауына қатысып, тәуір өнер көрсеткендеріңізді байқадық...

- Central Asia’s Got Talent - өте ауқымды байқау. Жартылай финалға өткен болатынбыз. Өкінішке қарай, финалға жете алмадық. Дегенмен, әлі де мүмкіндік бар. Себебі, финалға өтпегендердің арасында іріктеу болады. Солардың арасынан топ жарып шығамыз деген сенім бар. Дей тұрғанмен, қарсыластарымыз мықты. Этнотоптардың арасында өтетін байқау болса, қара үзіп келуіміз мүмкін еді. Бұл жерде стиль емес, жанрлар болғаннан кейін жағдай басқа. Бірақ өкінбейміз. Әділ қазылар алқасы жоғары баға берді. Ары қарай өткенімізді қалады. Алайда біз жеткілікті дауыс жинай алмадық.

- Қазіргі таңдағы ән, саз әлемі туралы не айтасыз?

- Өскелең ұрпақ өз заманына сай музыка тыңдап келе жатыр. Әр заманның өз сазы болады. Мысалы, кезінде Бах, Моцарттардың шығармаларына қабақ шыта қарап, таңырқай қарағандар аз болған жоқ қой. Ал қазір классиканы тыңдаушылар қатары көбейді. Мәтіні мен әуенінде мәні жоқ шығармалар бар. Ондай музыканы мен де ұнатпаймын. Жалпы, музыка түр-түрге бөлінеді ғой. Жұбататын, көңілді көтеретін, рухани байытатын музыка болады. Біздің ансамбль тыңдарманды, өскелең ұрпақты рухани тәрбиелеп, патриоттық сезімге баулып жатса, біз оған қуанамыз. Бүгінде қоржынымызда 13-тен астам туынды бар. Өзімнің авторлық күйлерім, сондай-ақ өңдеуден өткен шығармалар бар.

- Өзіңіз жайында айтып өтсеңіз. Ең алғаш қандай аспапта ойнадыңыз?

- Ең бірінші бес жасымда домбыра үйрендім. Анамның қасында жүрдім, ол балаларға домбырадан үйірме жүргізетін. Домбыра шерткен балаларға қызығып, анама маған да үйрет деп қиғылық салдым. Бірақ ол кісінің қолы аса тие бермеді. Домбыраны қолға алып, «Еркем-ай» әнін ойнап кеткенім әлі есімде.

- Топ мүшелеріне бірнеше аспапты меңгеру қиын емес пе?

- Бір нәрсені меңгеру үшін ынта, қызығушылық керек. Біздің қыз-жігіттердің жақсы қасиеті - олар өте ұқыпты әрі өнерге қызыға қарайды. Бұл аспаптарды бір жылдың ішінде жылдам әрі кәсіби деңгейде меңгеріп алды. Біз аспап тартқанда бір жақтылықпен шектелмейміз. Калоборация жасауға, болашақта синтезделген компьютерлік дыбыстарды қосып, шығармаларымызға жаңаша леп беруге ұмтыламыз. Қазіргі таңда өзіміздің жеке альбомымызды шығару ойда тұр. Ол этнобағытта болады. Ол сәтті іске асса, өзге музыкалық бағытты зерттеп, қазақ музыка әлеміне жаңаша леп әкелеміз деген ойдамыз.

- Бұған дейін шетелдерде де өнер көрсетіп келдіңіздер. Өзге елдің көрермені қалай қарсы алды?

- Шетелдіктер жақсы қарсы алады. Біздің халқымыздың әндерін тебірене тыңдап, тамсана қарайды. Олар үшін біздің музыка ерекше, таңқаларлықтай құбылыс болып көрінеді. Осы тарапта әлемдік әндерге кавер орындап жүрміз. Әлемдік деңгейге біздің ән-күйлерімізді таныту - басты мақсат. Ғаламтордағы түрлі музыка платформаларына шығармаларымызды шығарып, алпауыт елдерге паш ету де жоспарымызда.

- Мәдениет қызметкерлері күніне орай әріптестеріңізге лебізіңіз болса, мархабат.

- Мәдениеті жоғары мемлекеттің экономикасы жоғары болады деп айтуға болады. Мәдениетіміз бірінші кезекте болсын. Әріптестеріме шығармашылық табыс, дендеріне саулық, отбасыларына амандық тілеймін! Осы сәтті пайдаланып айтып өтейін, 27 мамыр күні облыс орталығында үлкен концертте өнер көрсетеміз. Соған келіп, өнерімізді тамашалауға шақырамыз.

- Әңгімеңізге рахмет!

Сұхбаттасқан -
Аяулым ТӨЛЕГЕНОВА.

Количество показов: 666

Возврат к списку