Қандай мультфильм көріп жүрміз?

СОҢҒЫ ЖАРИЯЛАНЫМДАР

Алтын аға
10:30 04.08.2022 618

Балабақшалар қалай бақыланады?
10:28 04.08.2022 631

Әнші арманы
09:57 02.08.2022 640

«Мектепке жол» акциясы басталды
09:54 02.08.2022 821

Жол жабылмайды
09:52 02.08.2022 624

Мәшһүр Жүсіп және Бекасыл хазірет
09:49 02.08.2022 653

Пәтер кезегін себепсіз жылжытқан
09:47 02.08.2022 634

Денсаулық пойызы келді
09:45 02.08.2022 653

04.08.2022

Қандай мультфильм көріп жүрміз?

Бала тәрбиесінде мультфильмнің алатын орны ерекше. Соңғы жылдары жарыққа шығып, көрерменнің көңілінен шыққан мультфильмдер тізімін ұсынамыз.

«Энканто»

Колумбияда орналасқан, қол жетпес таулар арқылы әлемнен жасырылған аймақ туралы баяндалады. Мирабельдің шытырман оқиғасы отбасылық құндылықтар негізінде құрылған. Сиқырлы үй отбасы мүшелеріне ерекше қабілеттер береді. Мультфильмде Колумбия мәдениеті суреттелген.

«Коконың құпиясы»

Бұл мультфильм - балалармен бірге көруге болатын, барлық отбасы мүшелеріне арналған анимациялық фильм. Басты кейіпкер Мигель ойламаған жерден өлілер әлеміне аттанады. Өз туыстарын кездестірген Мигельдің басынан кешкен оқиғалары баяндалады. Мультфильмнің әлем халықтары балаларына ұнағаны соншалық, кассалық жиналымы рекорд орнатқан.

«Андрюша күнделігі»

Басты кейіпкер Андрюша - ерекше бала. Бірақ күнделікті кішігірім кедергілерге қарамастан, ол шынайы әрі адал, тұла бойы сүйіспеншілікке толы бала болып қала береді. Қандай қиындық кездессе де, мойынсынбай, әр кедергіні жеңіл қабылдайды.

«Жан»

Мультфильмде егде жастағы Джо Гарднер есімді мектепте ән-күйден сабақ беретін мұғалім туралы баяндалады. Бір күні ол атақты саксофоншы Доротея Уильямспен бір сахнада өнер көрсету мүмкіндігіне ие болады. Қатты қуанған Джо жүгіріп бара жатып, аузы ашық тұрған кәріз құдығына құлап кетеді. Есін жиған ол о дүниеге апарар жолда тұрғанын түсінеді. Фильмде жеңіл, көңіл-күйді көтеретін көріністер де бар. Сонымен қатар мәні терең диалогтар арқылы еріксіз ойландырып қоятын сәттер де жеткілікті.

«Аңдар шаһары»

Джуди Хопс - тәртіп сақшысы болуды армандайтын кішкентай ғана қоян. Аю, бұқа, жолбарыс секілді айбатты аңдар арасында оны бұл арманы үшін сөгетіндер көп. Өйткені, оның кішкентай денесі қорқыныш тудырмайды. Соған қарамастан Джуди арманынан бас тартпайды. Бойындағы өзге мықты қырларын өз саласында жетістікке жету үшін пайдалана біледі және жануарлар арасында тепе-теңдік орнайтынына кіршіксіз сенеді. Мұны көрген балалар қоғамды әлсіз, мықты деп бөлмеу қажеттігін және арман деген ұғымның көп еңбекті талап ететінін ұғынады.

Өз тілшіміз.

Количество показов: 512

Возврат к списку