Ардагерлер - тарландар...

Облыс әкімі Әбілқайыр Сқақов бұған дейін өңірдің ауылдық аймақтарында тұратын соғыс ардагерлерінің үйлеріне барып, Жеңіс күнімен құттықтағанын жазған едік. Бұрнағы күні аймақ басшысы облыс орталығында тағы 10 ардагерді құттықтады.

Әбілқайыр Сқақов әуелі Иван Кондрашовты құттықтады. 1-інші Белорус майданында Сталинградтан Берлинге дейін жүріп өткен ардагерге ерлігі үшін алғыс айтты. 97 жастағы ардагер Николай Поддубный Солтүстік-батыс және Украин майдандарында соғысқан. Сапер әрі штаб қызметкері болған. Соғыс ардагері өзі шығарған өлеңдерін әкімге оқып берді. Ардагер Николай Ступка Жапониямен соғысқа қатысқан. Ол бүгінгі бейбіт өмірге шүкіршілік етеді. Әбілқайыр Сқақов қарияны Естай атындағы мәдениет сарайының әртістері ардагер үйінің ауласында ұйымдастырған концертті тамашалауға шақырды. Аймақ басшысы сондай-ақ Михаил Горбуновке ерік-жігер мен күш-қайрат тіледі. Ол Забайкальск майданында соғысқан. Бейбіт заманда Павлодар құрылыс саласында еңбек еткен. Ардагер Василий Григораш та облыстың дамуына зор үлес қосты. Ол Павлодарға 1951 жылы көшіп келіп, локомотив депосына жұмысқа тұрды. 1988 жылы деподан зейнетке шыққанда еңбек кітапшасында бір ғана жазба болды. Әбілқайыр Бақтыбайұлы ардагерге еңбегі мен белсенді өмірлік ұстанымы үшін алғыс айтты. Өз кезегінде Василий Иванович жас ұрпаққа жұмыста табысты болуын тіледі. 96 жастағы Евдокия Попова да облыс басшысын қуанышпен қарсы алды. Соғыс жылдары Евдокия Ивановна ұрыс даласында санитар болған. Ардагер әлі күнге дейін үй шаруашылығын өзі жүргізеді. Бүгінде Павлодар қаласында тұратын Мария Курбатова Мәскеу-дегі мергендер мектебіне өз еркімен түсіп, оны аяқтаған соң Украин майданында дивизиясында шайқасты. Соғыстан соң сауда, бухгалтерия салаларында жұмыс істеген. Облыс әкімі Белоруссия мен Польшаны азат етуге қатысқан Андрей Рыбалконың үйіне де барды. Ол 37-ші дивизияның 114-ші полкінің құрамында Шығыс Пруссияға дейін жетті. Елге оралған соң туған ауылында тракторшы, көлік жүргізушісі болып жұмыс істеді. Ұлы Отан соғысының ардагері Сергей Выжутович те аймақ басшысын жақсы көңіл-күймен қарсы алды. Ардагер облыс әкіміне Польша аумағын жаудан азат еткені туралы айтып берді. Соғыстан соң Павлодардағы ата-анасына оралып, «Октябрь» зауытына токарь болып жұмысқа тұрды. Әбілқайыр Сқақов ардагер Петр Ташлыковтың үйіне де барды. Ол 1942 жылы Владивосток қаласындағы жаяу әскер училищесін аяқтаған. 1945 жылы Жапонияға қарсы автоматшылар взводының командирі болды. Прокуратура саласының ардагері. Әкім қарт майдангерге мықты денсаулық, күш-қайрат пен ерік-жігер тіледі.

Облыс әкімінің баспасөз қызметі.

Суреттерді түсірген -
Валерий Бугаев.

Количество показов: 708

Возврат к списку