Қарыз емес, парыз!

СОҢҒЫ ЖАРИЯЛАНЫМДАР

11 медаль!
11:05 24.01.2023 1214

Абайлаңыз, көктайғақ!
11:02 24.01.2023 1079

Мәселелерді жедел шешу - шарт
11:01 24.01.2023 1150

Жаңа әкімдердің жүгі қандай?
10:58 24.01.2023 1255

Қолтаңбасы өшпейтін қайраткер
10:55 24.01.2023 1422

Автонесие: ескіден жаңасы артық
10:52 24.01.2023 1150

Бал өндірісінен «бал тамбай тұр»
10:50 24.01.2023 1099

Жұмыс тәулік бойы жүргізілуде
10:49 24.01.2023 1239

Ауылда мәдениет үйі салынуда
10:46 24.01.2023 1294

Шетелдік көліктерді заңдастыру басталды
18:10 23.01.2023 1160

Квота көбейеді
11:02 22.11.2022 3409

Қала дамуы қарқынды
11:01 22.11.2022 2976

Баянауылдық «бай-барымташылар бандасы»
10:59 22.11.2022 2921

Жастар белсенділік танытты
10:55 22.11.2022 3386

ІТ-индустрияны қалай дамытамыз?
10:54 22.11.2022 3432

Қаныштың қамқорлығын көрген...
09:34 22.11.2022 3557

Бүгінгі таңдау - ертеңге бағдар
09:27 22.11.2022 3642

Жан жылуы
09:38 21.11.2022 2891

Жаңа үй салынады
09:37 21.11.2022 2947

Кәсіп бастау тетігі – «Даму»
09:36 21.11.2022 3359

08.11.2022

Қарыз емес, парыз!

Қазақстан отбасылардың ажырасуы бойынша алғашқы ондықты өкшелеп келеді. Бұған баласын құшағына қысып қалған аналар мен жауапкершіліктен қашқан әкелердің көрінісі дәлел. Ең сорақысы, бауыр еті баласынан баз кешіп, арадағы балаға алимент төлеуге құлқы жоқ азаматтардың қатары көбеюде. Бала анадан ажыраса мейірімнен, әкеден алыстаса өжеттіктен қол үзеді. Сондықтан бала алдындағы ақшалай қарыздан бөлек, ата-аналық парыз да барын ескеру керек. Аталмыш мәселе жайында Павлодар облысы полиция департаменті көші-қон қызметі бастығының орынбасары Ғомар Шабиденовпен әңгімелестік.

- Облыста алимент төлеуден жалтарып жүрген ата-аналардың саны қанша? Олармен қандай жұмыстар жүргізілуде?

- Борышкерлер мен алимент төлемейтіндерді іздестіру көші-қон қызметінің негізгі бағыттарының бірі болып табылады. Кейбір ата-аналар балаларына материалдық көмек көрсетуден үзілді-кесілді бас тартып, алимент төлеуден жалтарады. Мұны біраз борышкерлер ешқайда жұмыс жасамайтындығымен түсіндіреді. Бірақ ол бала алдындағы міндетінен ешқашан қашып құтыла алмайды. Сол себепті, егер азамат еш жерде жұмыс жасамаса, атында ешқандай мүлік болмаса, балаға төленетін ақша мөлшері жинала береді. ҚР Қылмыстық кодексінің 139-бабы бойынша қарызы 6 айдан асып кетсе, қылмыстық іс қозғалады. Алимент төлемей, қашқақтап жүрген болса заңда көрсетілгендей, 2 жылға дейін бас бостандығынан айырылады немесе бас бостанды-ғынан шектеледі. Кодекстің 75-бабына сәйкес, егер ата-анасы алименттерді төлеуден бас тартса, онда олар ата-ана құқықтарынан айрылады. Ағымдағы жылдың басынан бастап Павлодар облысының полицейлері алимент төлеуден жалтарған 264 борышкердің 196-сын анықтады. Алимент төлеуден жалтарған борышкерлерге қатысты алимент өндіріп алу туралы атқару құжатының талаптарын мәжбүрлеп орындауға бағытталған ең қатаң ықпал ету шаралары қабылданады. Алимент төлеуді міндеттейтін заңнама нормаларын елемегені үшін ҚР Қылмыстық кодекстің 139-бабымен қылмыстық жауаптылық көзделген.

- Алиментті біз ажырасқан әкенің өз баласына төлеуге міндетті ақысы деп білеміз. Алайда, бұл төлем тек әкеге ғана емес, сонымен қатар, анаға да жүктелетіні көпшілікке жаңалық болуы мүмкін.

- Иә, баланың алдында әке мен ананың жауапкершілігі бірдей. Жүргізілген талдау көрсеткендей, өкінішке қарай, міндетті алименттік төлемді тек ер адамдар ғана емес, сонымен бірге балаларының тағдырына қызығушылық танытпайтын аналар да төлемейді. Тәртіп сақшылары мұндай борышкерлердің тұрғылықты жерін анықтап, заң бойынша балаға тиісті материалдық көмекті өңдіріп алып жатады. Мәселен, полицейлер ажырасқаннан кейін үш кәмелетке толмаған баласын тәрбиелеуді тоқтатқан 36 жастағы әйел борышкердің орналасқан жерін анықтады. Сондай-ақ, екі баласына қарыз болған 34 жастағы алимент төлемеуші Май ауданында ұсталды. Көп адамдар отбасы кодексінің бар екенін біле бермейді. Баланы асырау –
ата-анасының заңмен бекітілген міндеті, бұл жерде ата-анасының некеде болуы, азаматтық некеде немесе ажырасқан болуы да мүлде маңызды емес. Қамқорлықта, қорғаншылықта немесе патронаттық тәрбиедегі балалар, сондай-ақ, асырап алынған балалар да алиментке құқылы.

- Алимент қандай мөлшерде төленуі тиіс?

- Ажырасу барысында ерлі-зайыптылар баланы асырау туралы өздері келісу керек. Алименттер сол келісім бойынша төленеді. Егер ондай келісім болмаса, онда Кодекстің 139-бабына сәйкес кәмелетке толмаған балаларға алиментті ата-анасы сотпен төлетеді. Алименттер ай сайын ата-анасының еңбекақысынан немесе өзге табысынан төленуі тиіс. Мәселен, 1 балаға – табысының төрттен бір бөлігі, 2 балаға – табысының үштен бір бөлігі, 3 және одан да көп балаларға табысының жартысы төленеді. Кейбір жағдайларда осы үлестер мөлшері тараптардың материалдық немесе отбасылық жағдайын және басқа балалар және өзге де назар аударатын жағдайларды ескерумен азайтылуы немесе ұлғайтылуы мүмкін. Павлодар облысының полицейлері азаматтарға балаларға қамқорлық жасау және оларды тәрбиелеу ата-аналардың табиғи құқығы мен міндеті болып табылатынын, ал кәмелетке толмағандардың құқықтары мен заңды мүдделерін қорғау полиция қызметінің басты бағыттарының бірі болып табылатынын еске салады.

- Әңгімеңізге рахмет.

Сұхбаттасқан - А.ЕЛЕМЕСҰЛЫ.

Количество показов: 2929

Возврат к списку