Ауылда мәдениет үйі салынуда

СОҢҒЫ ЖАРИЯЛАНЫМДАР

11 медаль!
11:05 24.01.2023 1209

Абайлаңыз, көктайғақ!
11:02 24.01.2023 1074

Мәселелерді жедел шешу - шарт
11:01 24.01.2023 1146

Жаңа әкімдердің жүгі қандай?
10:58 24.01.2023 1251

Қолтаңбасы өшпейтін қайраткер
10:55 24.01.2023 1418

Автонесие: ескіден жаңасы артық
10:52 24.01.2023 1145

Бал өндірісінен «бал тамбай тұр»
10:50 24.01.2023 1094

Жұмыс тәулік бойы жүргізілуде
10:49 24.01.2023 1234

Ауылда мәдениет үйі салынуда
10:46 24.01.2023 1289

Шетелдік көліктерді заңдастыру басталды
18:10 23.01.2023 1156

Квота көбейеді
11:02 22.11.2022 3404

Қала дамуы қарқынды
11:01 22.11.2022 2974

Баянауылдық «бай-барымташылар бандасы»
10:59 22.11.2022 2919

Жастар белсенділік танытты
10:55 22.11.2022 3381

ІТ-индустрияны қалай дамытамыз?
10:54 22.11.2022 3428

Қаныштың қамқорлығын көрген...
09:34 22.11.2022 3552

Бүгінгі таңдау - ертеңге бағдар
09:27 22.11.2022 3637

Жан жылуы
09:38 21.11.2022 2891

Жаңа үй салынады
09:37 21.11.2022 2944

Кәсіп бастау тетігі – «Даму»
09:36 21.11.2022 3355

24.01.2023

Ауылда мәдениет үйі салынуда

Бүгінде Павлодар ауылы тұрғындарының ұзақ жылдар бойы күткен арман-тілегі орындалып, мерекелік шаралар ұйымдастыратын өнер ордасының есігі қайта ашылмақ. Елді мекеннің мәдени саласын дамыту мақсатында бой көтеріп жатқан орталық құрылысының аяқталуын тұрғындар да асыға күтуде.

Қазіргі таңда аталған аумақта жұмыс қарқынды жүргізілуде. Павлодар ауылының әкімі Сырым Рушановтың айтуынша, тұрғындар тарапынан мәдениет үйі жоқтығына байланысты өтініштер жиі түскен. Нәтижесінде бұрынғы клубтың орнында жаңа әрі заманауи мәдениет мекемесін салу туралы шешім қабылданды.

- Жалпы, ертеде ауылымыздағы Совет көшесінің бойында ауылдық клуб болды. Тоқсаныншы жылдардың басында мұнда өрт шығып, салдарынан ағаш едендер мен өзге де құрылымдар өртеніп кеткен болатын. Тек кірпіш қабырғалары мен ғимарат орны сақталып қалды. Содан бері мерекелік кеш өткізетін орталық болмады. 2014 жылы жергілікті әкімдік «Павлодармостпроект» жауап-кершілігі шектеулі серіктестігімен бірлесіп, мәдениет үйінің құрылысына жобалық-сметалық құжат әзірлеуге шарт жасады. Осылайша 2020 жылы облыстық бюджеттен қаражат бөлу мақұлданып, құрылыс жұмыстары 2021 жылдың сәуір айында басталды, - дейді С.Рушанов. Қазіргі күні ғимарат электр қуатына қосылған, жылыту жүйесі яғни қазандық орнатылған. Мәдениет үйіне ішкі әрлеу жұмыстары жүргізіліп, сыртқы безендіру аяқталуға жақын. Сонымен қатар, кірме жолдарға асфальт төселген. Ендігі кезекте іргелес аумақтағы саябаққа көшеттер, орындықтар мен қоршауларды орнату ісі қалды.

- Екі жылға жоспарланған жобаны «КазЕвроСтрой» мердігерлік ұйымы іске асыруда. Жалпы мекеменің құрылысына 752,4 млн теңге сомасында қаражат жұмсалды. Одан бөлек өткен жылы облыстық бюджеттен 475,8 млн теңге бөлінді, - деп атап өтті ол. Мәдениет мекемесінің ішінде 9 кабинет жұмыс істейтін болады. Оның ішінде ардагерлер кеңесі залы, 2 кітапхана, қолөнер, би, ән ұжымдары ашылмақ. Ғимараттың бірінші қабатында үйірме сабақтарына арналған және әкімшілік бөлмелер, хореография залы, 300 орындық аудитория болса, екінші қабатында проекциялық бөлме, радиоорталық ашылмақ. Бұлар дыбыс және проекциялық жүйелерге, сондай-ақ, сахналық жарықтандыру жүйесіне техникалық қызмет көрсетуге және басқаруға арналады. Атап өтер болсақ, былтыр мамыр айында елді мекендегі өзін-өзі басқару ұйымының ұсынысымен және облыстық мәдениет басқармасының шешімімен салынып жатқан мәдениет ордасына Роза Бағланованың есімі берілді.

- Павлодар ауылының тұрғындары ашылу салтанатын ерекше күтуі бір бөлек те, құрметті тұлғаның есімін беру - екі есе үлкен қуаныш. Жаңа мәдениет үйінің ұжымы КСРО мен Қазақстанның Халық әртісі, Халық қаһарманы Роза Бағланова атын абыроймен биік ұстайтынына сенім мол. Жоспарға сәйкес осы жылдың сәуір айында мәдениет үйі ашылып, пайдалануға беріледі, - деді С.Рушанов. Бұған дейін облыстық мәдениет, тілдерді дамыту және архив ісі басқармасы басшысының міндетін атқарушы Медет Тауасқан осы жылы Екібастұз және Павлодар қалаларына қарасты екі елді мекенде мәдениет мекемелерін салу жоспарланғанын хабарлаған еді. Одан бөлек, облыс бойынша 16 ғимаратқа күрделі жөндеу жұмыстары жүргізіледі. Сондай-ақ, өңірдің мәдениет нысандарында жастардың белгілі бір салада оқып-үйренуі, өздерін дамытуы үшін креативті шығармашылық орталықтар жұмыс істейді. Еске салайық, Ертіс-Баян өңірінде 513 мәдениет мекемесі, соның ішінде 227 кітапхана, 258 клуб мекемесі, 9 музей, 2 театр, бір мәдениет және демалыс саябағы, филармония, 15 жылжымалы мәдени-сауық кешені бар.

Махаббат ТӨЛЕБАЙ.

Суретті түсірген -
Есенжол Исабек.

Количество показов: 1148

Возврат к списку