Ауылыңызға кітап сыйлаңыз

Қазіргі таңда аудан және ауылдық мекендердегі мектеп пен кітапхана орталықтарында заманауи кітаптар мен жаңа баспа өнімдерінің аясын кеңейту қолға алынуда. Осы тұста ҚР Ақпарат және қоғамдық даму министрлігінің қолдауымен «Ауылыма – кітап» атты республикалық қайырымдылық акциясы өңірімізде қарқынды түрде жүзеге асуда.

Махаббат ТӨЛЕБАЙ

- Аталмыш акцияның негізгі мақсаты – ауыл мектептері мен кітапханаларды жаңа әрі заманауи кітап қорымен байытып, қажетті кітаптардың санын арттыру. Сол арқылы ауыл жастарының кітапқа қызығушылығын арттыру болып табылады. Бүгінде оқимын, ізденемін деген жастарға барлық мүмкіндік жасалуда. Сол себепті, «Ауылыма – кітап» атты республикалық қайырымдылық акциясының маңызы зор, - дейді облыстық «Рухани жаңғыру» бойынша іске асыру бөлімінің басшысы Нұрия Көбенова. Бөлім басшысының айтуынша, акция шеңберінде аймағымызға 600 кітап әкелінген. Бүгінде Павлодар облысы Төтенше жағдайлар департаменті, жоғарғы оқу орындары мен өңірлік іскер әйелдер кеңесінің қолдауымен күн сайын кітаптар саны толығып, аудандарға жеткізілген.

- Успен ауданындағы он тоғыз білім ордасы «Ауылыма – кітап» республикалық қайырымдылық акциясы аясында жаңа кітаптармен толықты. Бұған дейін аудандық кітапхананың қорына әкелінген заманауи кітаптардың таныстырылымы да өткен болатын. Оған қоса, оқушылар мен жастар тарапынан екі тілдегі кітаптарға сұраныс артуда. Сондықтан да Торайғыров университеті, Павлодар педагогикалық университеті, Инновациялық Евразия университетің бастамасымен әкелінген жаңа кітаптарға қайта келдік, - деді Успен аудандық білім бөлімінің әдіскері Айжан Байжанова. Сөз соңында мектеп ұжымы мен кітапхана қорының кеңейгендігін алға тартып, ұстаздар мен ата-аналар тарапынан алғысын білдірді. Акцияға кез келген мекеме, ұйым, тіпті жеке адамдардың да атсалысуға мүмкіндігі бар.

Суреттерді түсірген - Тілеуберді Сахаба.

Количество показов: 769

Возврат к списку

Сарыарқа самалы, 26 қазан, сейсенбі

Раздел не найден.