Автокөлік берілді

Мемлекет басшысы Қасым-Жомарт Тоқаев құқық қорғау жүйесін реформалауға шұғыл түзетулер енгізу қажеттігін айтқан болатын. Сондай-ақ, күштік құрылымдардың өңірлерде жаңа бөлімшелерін жасақтауды, көліктік және материалдық-техникалық базамен қамтамасыз етуді тапсырды.

Өңірімізде полиция қызмет-керлерінің жаңа имиджін қалып-тастыру, қорғаныс күштерін техникалық құрал-жабдықтармен жабдықтау жұмыстары жүргізілуде. Осы аптада Ақсу қаласының әкімі Жанат Шұғаев жергілікті полиция бөлімінің жеке құрамымен кездесіп, ел алдындағы ерен еңбектері үшін алғыс білдірді. Сонымен қатар, Ақсу қаласына қарасты Қызылжар және Достық елді мекендерінің учаскелік инспекторларына екі автокөлік табыстады.

- Құқық қорғаушыларға атқарып жатқан ауыр да абыройлы қызметтері үшін алғыс айтамын. Сіздерге ел тыныштығы мен қауіпсіздігін, көшелердегі тәртіпті қамтамасыз етумен байланысты үлкен жауапкершілік жүктеледі. Қиын-қыстау кезеңде де алдыңғы шепте болдыңыздар. Ел басшылығының тапсырмасы бойынша сіздерге қолайлы жағдайлар жасау үшін жұмыс істейміз, - деді Жанат Рашитұлы. Сондай-ақ, Ертіс ауданының полиция қызметкерлеріне екі «Нива» автокөлігінің кілттері табыс етілді. Аудан әкімі Аян Бейсекин жергілікті полиция бөлімінің жеке құрамымен кездесіп, батырлық пен ерлік көрсеткен тәртіп сақшыларын Құрмет грамоталарымен марапаттады.

- Төтенше жағдай режимі енгізілген сәттен бастап өңірдегі қоғамдық тәртіп құқық қорғау органдарының қырағы бақылауында болды. Осы уақыт аралығында полиция қызметкерлері азаматтардың қауіпсіздігін қамтамасыз етуде тәулік бойы қызмет атқарды. Сіздерге өңір тұрғындары атынан қызметтік міндеттеріңізді адал атқарғандарыңыз үшін алғыс білдіремін,-деді аудан әкімі. Сонымен қатар, Ақтоғай ауда-нының мәдениет үйінде полицейлер мен әскери қызметші-лердің құрметіне арналған шара өтті. Аудан әкімі Қаршыға Арынов құқық қорғау қызметкерлеріне адал қызметі үшін алғыс білдіріп, Құрмет грамоталарын табыс етті. Еліміздің қиын-қыстау кезеңінде демеушілік көрсеткен кәсіпкерлер аудан әкімінің Алғыс хатымен марапатталды. Салтанатты іс-шарада учаскелік полиция инспекторлары арасында өткізілген республикалық конкурстың облыстық турында 1-орын алған полиция майоры Мереке Жаншоқовқа облыстық полиция департаментінен берілген «Нива» қызметтік автокөлігінің кілті табысталды. Бұған дейін ол «Үздік ауылдық учаскелік полиция инспекторы» медалімен және Ішкі істер министрінің Құрмет грамотасымен марапатталған болатын. Қиын сәттерде қарапайым халықтың арқа сүйер сүйеніші әрі әділеттіліктің жаршысы болған күштік құрылымдардың қызметкерлері алдағы уақытта да азаматтардың құқықтарын қорғап, еліміздің әлеуметтік-экономикалық жағдайын жақсартуға бар күш-жігерін жұмсайтыны аян. Отан алдындағы антына берік, шынайы патриот ретінде танылған полиция қызметкерлерінің елдің тұрақтылығына, бейбіт халықтың тыныштығы үшін сіңірген еңбектері өлшеусіз.

Алтынбек ЕЛЕМЕСҰЛЫ.

Количество показов: 749

Возврат к списку