Аймақтағы ахуал тұрақты

СОҢҒЫ ЖАРИЯЛАНЫМДАР

Алтын аға
10:30 04.08.2022 615

Балабақшалар қалай бақыланады?
10:28 04.08.2022 628

Әнші арманы
09:57 02.08.2022 637

«Мектепке жол» акциясы басталды
09:54 02.08.2022 819

Жол жабылмайды
09:52 02.08.2022 622

Мәшһүр Жүсіп және Бекасыл хазірет
09:49 02.08.2022 651

Пәтер кезегін себепсіз жылжытқан
09:47 02.08.2022 632

Денсаулық пойызы келді
09:45 02.08.2022 650

06.08.2022

Аймақтағы ахуал тұрақты

Облыстың ақ желеңділері өңірде COVID-19 дертіне шалдығу деректері өсіп келе жатқанымен, эпидемиологиялық ахуал алаңдатарлықтай емес деп отыр. Дей тұрғанмен, өңірде асқазан-ішек жолдарының қоздырғыштары өршіп тұр. Тұрғындардан ішек инфекциялары жиі анықтала бастаған.

Бұл туралы Өңірлік коммуникациялар қызметінде өткен баспасөз мәслихатында облыстық санитарлық-эпидемиологиялық бақылау департаментінің басшысы Батырбек Әлиев мәлім етті.

– Бұл аурулар бойынша эпидемиологиялық жағдай жалпы алғанда тұрақты болып сипатталады. Жіті ішек инфекциясы тобының 156 жағдайы тіркелді. Өткен жылы дәл осы уақытта бұл көрсеткіш 181 жағдайды құраған. Ротавирустық инфекциямен ауыру 2,7 есеге азайды, - дейді департамент басшысы. Жыл басынан іш сүзегі, сіреспе, безгек, полиомиелит, дифтерия, қызылша, қызамық, көкжөтел, паротит және дизентерия жағдайлары тіркелген жоқ. Осы аптада Денсаулық сақтау министрі Ажар Ғиният Павлодар облысында коронавирустық инфекцияның тәуліктік аурушаңдығы күрт өзгеріп, эпидемиологиялық жағдай 6,3 есеге дейін көтерілгенін айтқан. Облыс бойынша бүгінде екі ковид орталығы бар. Оның бірі облыстық Ғ.Сұлтанов атындағы облыстық ауруханада орын тепсе, екіншісі Екібастұз қаласында орналасқан. Қазіргі күні барлығы 130 инфекциялық төсек ұйымдастырылған. 15 реанимациялық бөлім қарастырылған. Бұлардың жүктемесі бүгінде шамамен 30 пайызға ғана жетіп тұр. Жалпы саны 39 науқас ем алуда. Оның 10-ы - жүкті әйелдер. Науқастардың жағдайы орташа деп бағалануда. Ведомствоаралық комиссияның мәліметінше, өңірде бейсенбі күні 71 адам COVID-19 дертін жұқтырған. Емханалар жанында 145 мобильді бригада жұмыс істейді. Орташа есеппен тәулігіне 70 шақыртуға үйде қызмет көрсетіледі. Амбулаториялық деңгейде 519 емделуші бақылауда және емделуде. Ауруханаларда оттегі, басқа жабдықтар, медициналық қызметкерлер де жеткілікті. Стационарларда 45 күнге жететін препараттар резерві бар. Полимеразды тізбекті реакция (бұдан әрі – ПТР) әдісімен тәулігіне 4484 зерттеу жүргізе алатын 9 вирусологиялық зертхана жұмыс істейді. Өңіріміздің бас дәрігері Айдар Сейітқазинов COVID-19-дың тез таралуына себеп болған жағдайларды атады. Оның айтуынша адамдар еңбек демалысы уақытында және демалыс күндері жиі саяхаттап, өзге адамдармен байланысады. Емханаларда бастапқы көмек көрсету буынының жұмысы күшейтілген. Облыстың барлық аудандары мен қалалары «жасыл» аймақта орналасқан. Аймақ тұрғындары «QazVac», «Vero cell» және «Комирнати» вакциналарын салдыра алады. Бүгінгі таңда вакцинаның I компонентін өңір халқының 77,3 пайызы (384 700 адам), II компонентін – 75,5 пайызы (375 924 адам) қабылдаған. 159 372 адам қайта вакциналаудан өтті (42%).

Айдана ЖЕҢІСҚЫЗЫ.

Количество показов: 428

Возврат к списку