Бағаны негізсіз өсірген

Дүкен сөрелеріндегі жұмыртқа ай сайын қымбаттап жатыр. Басқа түгілі әлеуметтік маңызы бар тауарлар тізіміне кіретін бірінші санаттағы жұмыртқа бағасының өзі бір ай аралығында 40-50 теңгеге өскен еді. Бәсекелестікті дамыту және қорғау комитеті бұған бағаны келісіп көтерген екі жергілікті құс фабрикасы кінәлі деген байламға келіп отыр.

Статистикалық деректер бойынша, соңғы бір ай дересінде өнімнің бағасы 1,2 пайызға қымбаттады. Бұған дейін өз өңірімізде өндірілетін өнімнің неліктен қымбат екенін білмек болып, екі бірдей құс фабрикасына да хабарласқан едік. Сол тұста «Павлодар-Құс» ЖШС басшысы Ербол Досыбаев бағаның өсуіне жем-азықтың қымбаттауы себеп дегенді алға тартқан болатын. Ал таяуда Бәсекелестікті дамыту және қорғау агенттігінің өкілдері бағаның құбылуына не себеп болғанын мәлім етті. Аталмыш ведомство мамандары 2021 жылғы жұмыртқа өндірісі мен оның көтерме саудада сатылу барысын саралай келе, құс фабрикалары бәсекелестікке қарсы келісім жасады деген қорытындыға келді. Яғни, сарапшылардың пайымынша, жұмыртқа өндірушілер бірінші санатқа жататын өнімнің бағасын келіскен түрде белгілеп, оны ұстап тұрған. Бүгінде бұл жағдайға байланысты «Шарбақты-Құс» және «Павлодар-Құс» кәсіпорындарына қатысты тергеу жұмыстары басталды. Айта кетейік, облыс тұрғындары күніне 550 мың дана жұмыртқа тұтынады. Жоғарыда аталған екі фабрика тәулігіне 600-650 мың дана жұмыртқаны нарыққа жөнелтеді. Демек, тәуліктік сұраныс толығымен өтеледі. Бұл кәсіпорындар тұтынушылардың жылдық сұранысын да қамтамасыз етуге қауқарлы. Бір жылда өңірдегі тұты-нушыларға шамамен 200 млн дана жұмыртқа керек болса, фабрикалар оның 253 млн данасын шығарады.

Құндыз ҚАБЫЛДЕНОВА

Количество показов: 465

Возврат к списку

Сарыарқа самалы, 20 қаңтар, бейсенбі

Раздел не найден.