Бекзат өнер

СОҢҒЫ ЖАРИЯЛАНЫМДАР

11 медаль!
11:05 24.01.2023 597

Абайлаңыз, көктайғақ!
11:02 24.01.2023 607

Мәселелерді жедел шешу - шарт
11:01 24.01.2023 546

Жаңа әкімдердің жүгі қандай?
10:58 24.01.2023 617

Қолтаңбасы өшпейтін қайраткер
10:55 24.01.2023 811

Автонесие: ескіден жаңасы артық
10:52 24.01.2023 591

Бал өндірісінен «бал тамбай тұр»
10:50 24.01.2023 468

Жұмыс тәулік бойы жүргізілуде
10:49 24.01.2023 608

Ауылда мәдениет үйі салынуда
10:46 24.01.2023 634

Шетелдік көліктерді заңдастыру басталды
18:10 23.01.2023 566

Квота көбейеді
11:02 22.11.2022 2922

Қала дамуы қарқынды
11:01 22.11.2022 2813

Баянауылдық «бай-барымташылар бандасы»
10:59 22.11.2022 2780

Жастар белсенділік танытты
10:55 22.11.2022 2868

ІТ-индустрияны қалай дамытамыз?
10:54 22.11.2022 2828

Қаныштың қамқорлығын көрген...
09:34 22.11.2022 2925

Бүгінгі таңдау - ертеңге бағдар
09:27 22.11.2022 2996

Жан жылуы
09:38 21.11.2022 2726

Жаңа үй салынады
09:37 21.11.2022 2724

Кәсіп бастау тетігі – «Даму»
09:36 21.11.2022 2848

Емханаларға тіркеу аяқталды
09:35 21.11.2022 2778

28.05.2022

Бекзат өнер

Жуырда отбасымызбен Нұр-Сұлтан қаласына сапармен шығып, балет театрына барайық деп шештік.

Театрдағы қойылымды тамашалаудың өзі - бір ғанибет, рухани тазару, күш-қуат жинау мүмкіндігі. Театр әр елдің мәдени деңгейін сипаттайтын көрсеткіштерінің бірі іспеттес. Қазақстанда бүгінде 60-қа жуық театр бар. Үшеуі - опера және балет театры, біреуі – балет театры. Студент кезімізде Алматыда Абай атындағы опера және балет театрына жиі баратынбыз. Студенттік тәжірибе кезінде, көп жылдар алюминий зауытының қызметкері ретінде одақтың Москва, Ленинград, Новосибирск, және т.б. басқа қалаларына іссапармен барғанда, опера және балет театрларында қойылымдарды тамашалау мүмкіндігін қалт жібермеуге тырысатынбыз. Әлбетте, опера және балет театрында топтар бір шаңырақ астында қызмет жасап, бірін-бірі толықтырып, вокал мен балет үйлесімі жаңа сападағы өнер туындысын қалыптастырады. Өткенде елордамыздағы «Астана опера» театрында «Қыз Жібек» операсын тыңдап керемет сұлулықтың куәсі болғанбыз. Нұр-Сұлтан қаласындағы «Астана балет» театры жеке отау құрып, жарты кварталға жуық кеңістікте орналасқан. Зәулім көз сүріндірер әсем ғимарат. Жанында әртістерге арналған жатақхана, жасөспірімдерді оқытып тәрбиелейтін мектеп, басқа да қосалқы ғимараттар бар. Театрдың ішкі құрылымы тамаша. Көркем безендірілген фойе. Отырып, тұрып, жүріп сұхбаттасатын, сусын, тәтті тағам ұсынатын орындар, түрлі қажеттілікті қанағаттандыратын жайлар. Мың орындық партері, бірнеше ярусты балконы бар көрермендер залы кең, төбесі биік, ауасы таза, кіріс-шығыс жүйесі ұқыпты реттелген. Театр босағадан басталады. Кіреберісте келгендерді ықыласпен қарсы алған фойеде, залда көрермендерге сыпайылықпен қызмет көрсеткен жастар. Жинақы, таза киінген көрермен. Келгендердің арасында шет ел азаматтарын да байқадық. Мың кісілік ортада оғаш сөз, артық дыбыс естілмеді. Көрермен зал лық толды. Мәдени ордада жұртшылыққа кеңінен танымал қазақ лиро-эпостық жырының желісімен жазылған белгілі композиторымыз Ақтоты Райымқұлованың «Қозы Көрпеш-Баян сұлу» балет-операсын тамашаладық. Эпостың басты тақырыбы – махаббат пен өшпенділік, адалдық пен опасыздық осы қойылымда көрініс тапқан. Сахнадан иен дала әуені естіледі, көшпелі тұрмыс мәдениеті жаңғырады. Қойылымның кейіпкерлері бақытты болуға асық, дегенмен, тағдырдың жазуынан қашып құтыла алмайды. Олардың тағдыры бірімен-бірі жұптаса өрілген, соңы қасіретті аяқталады. Екі ғашық мына жалғанда бақытты болып, махаббатқа бөлену жазбаған екен. Олар үшін махаббат пен адалдық өз өмірлерінен де қымбат болғаны. Олар осы жолды таңдады. Ал таңдаған таңдауы қаншалықты дұрыс? Оған біржақты жауап жоқ. Балет кейіпкерлері шын сүйіп, махаббат сезімін танып бұл жалғанмен мәңгілікке қоштасты. «Қозы Көрпеш – Баян сұлу» аңызы – өшпес мәдени мұра. Осы күні де әрқайсымызды мазалайтын шын махаббат пен адалдық, ізгілік пен зұлымдық деген мәңгілік сауалдардың жауабын осы дастаннан, оның желісімен қойылған балет-эпостан іздейтініміз һақ. Екі сағаттан астам уақыт көп көрермен бір кісідей ұйып, балет әртістерінің бекзат өнерін тамашалады, композитордың әсем әуенін тыңдады. Қойылымның соңында бірі кетпей тік тұрып, өнер иелеріне үздіксіз қол шапалақтады. Иә, бізде қойылымнан ұмытылмас рухани азық алғандай болдық.

Ерсайын БИМАҒАНОВ,

1-шағын аудан ардагерлер
кеңесінің төрағасы,

Павлодар қаласы.

Количество показов: 777

Возврат к списку