«Болашағым не болмақ?»

СОҢҒЫ ЖАРИЯЛАНЫМДАР

11 медаль!
11:05 24.01.2023 589

Абайлаңыз, көктайғақ!
11:02 24.01.2023 598

Мәселелерді жедел шешу - шарт
11:01 24.01.2023 537

Жаңа әкімдердің жүгі қандай?
10:58 24.01.2023 608

Қолтаңбасы өшпейтін қайраткер
10:55 24.01.2023 802

Автонесие: ескіден жаңасы артық
10:52 24.01.2023 582

Бал өндірісінен «бал тамбай тұр»
10:50 24.01.2023 463

Жұмыс тәулік бойы жүргізілуде
10:49 24.01.2023 600

Ауылда мәдениет үйі салынуда
10:46 24.01.2023 625

Шетелдік көліктерді заңдастыру басталды
18:10 23.01.2023 559

Квота көбейеді
11:02 22.11.2022 2918

Қала дамуы қарқынды
11:01 22.11.2022 2812

Баянауылдық «бай-барымташылар бандасы»
10:59 22.11.2022 2779

Жастар белсенділік танытты
10:55 22.11.2022 2866

ІТ-индустрияны қалай дамытамыз?
10:54 22.11.2022 2820

Қаныштың қамқорлығын көрген...
09:34 22.11.2022 2916

Бүгінгі таңдау - ертеңге бағдар
09:27 22.11.2022 2987

Жан жылуы
09:38 21.11.2022 2723

Жаңа үй салынады
09:37 21.11.2022 2721

Кәсіп бастау тетігі – «Даму»
09:36 21.11.2022 2845

Емханаларға тіркеу аяқталды
09:35 21.11.2022 2777

20.08.2022

«Болашағым не болмақ?»

Таяуда грантқа түсіп, жоғары оқу орнында тегін оқуға мүмкіндік алған түлектер тізімі жарияланған. Олардың қуанышынан бөлек, ҰБТ-да шекті балл жинай алмай қалғандардың өкініші бар. Олар биылғы тестілеу қорытындысы бойынша жоғары оқу орнына түсе алмайды. ҰБТ-да шекті балл жинай алмай қалған балаларға қалай қолдау көрсету керектігі жайлы психолог Анаргүл Мәуліқызы айтты.

Маманның айтуынша, университетке түсе алмай қалған жағдайда балада да, ата-анада да қорқыныш туындайды. «Өмірім енді не болмақ? Қатарымнан қалатын болдым. Достарым алдында беделім түсті» деген ойлар жас түлекте міндетті түрде пайда болады.

«Қорқыныш - ол алдыңда не күтіп тұрғанын білмеу, жағдайды жаман оймен ушықтыру». Жоғары оқу орнына түсе алмаған түлектер қандай психологиялық дағдарысқа ұшырайтынын айтсақ: емтихан, әрине, ол маңызды жағдай, бірақ әр оқушы ҰБТ кезінде, сондай-ақ ұпай жинағаннан кейін оны не күтіп тұрғанын жақсы білуі керек.

Ата-ана баласына қандай жағдай болмасын, яғни грантқа оқуға түсе алмаса да, ақылы оқу орнына түсуге ұпай жетпесе де, қолдау білдіруі қажет. Бұл тұста ең маңыздысы - сөйлесу. «Сенің қолыңнан бәрі келеді», «Сенің басқа қабілетіңді қолдануға мүмкіндігің бар», «Биыл болмаса да ендігі жылы тағы тапсыруға мүмкіндігің бар», «Біз сені жақсы көреміз, өмірде оқуға түсе алмаған адам қаншама?» деген сөздерді жиі айту керек. Одан бөлек, оқуға түсе алмаса да, жетістіктерге қол жеткізген адамдардың тарихын айтуға болады», - дейді психолог.

Ата-ана баласымен мынадай жұмыстар атқаруы керек:

Егер қажетті ұпай жинай алмасам, мынадай перспективалар қарастыру - ҰБТ-ны қайта тапсыру, басқа білім ордасына түсу, репетитормен сабақ бастау, жұмысқа тұру, бизнес бастау, арнайы курстардан өту және т.б., яғни жағдайды түзетуге болатын бірнеше нұсқа дайындау керек.

Әртүрлі күтпеген жағдай болуы мүмкін. Аутотренинг, яғни адамға жақсы әсер ететін, өзін-өзі сендіре алатын сөздер айту. Мысалы, «Менің қолымнан бәрі келеді», «Мен әлі-ақ көптеген жетістікке қол жеткіземін». Шынында да, жақсы әсер ететін сөздерді таңдау маңызды.

«Осында және қазір» өлшемімен өмір сүру керектігі туралы ақпарат берген жөн. Өмірде емтихан тапсыру қажет болатын жағдай өте көп. Өмірде бәрі мінсіз бола бермейтінін ескеріп, ата-ана, оқушы, мұғалім барлық жағдайға өзін психологиялық жағынан дайындап, стресс алудың алдын алу қажет екенін түсінген жөн», - дейді Анаргүл Мәуліқызы.

Сонымен қатар, маман грантқа не ақылы түрде жоғары оқу орнына түскен достарына қызыға қараудың да керек емесін айтады. Себебі өмірдің бұл кезеңі әлі мәреден алыс екенін, әлі бәрін қуып жетіп, оза шабуға болатынын ұмытпау керектігін ескертті.

«Ең бастысы, қазіргі сәтпен өмір сүріп, басқа мүмкіндік қарастырып, өз-өзін дамыту, ендігі жылы оқуға тапсыруға мүмкіндікті қолдану, дайындалу, қысқа мерзімді курстардан өтіп, кәсіп бастап көру. Адам әрқашан да әр салада өз-өзін іздейді, сондықтан қайғыра бермеу керек. Өз-өзін басқамен салыстырмай, өз күшіне сенуге ынталану қажет», - дейді психолог.

Мысал ретінде, маман бүгінде белгілі бір проблемаларға байланысты оған жүгінген клиенттерінің ішінде кезінде жоғары оқу орнына түсе алмағандар барын айтты. Ал олар қазір өз ісінің маманы не үлкен кәсіпкерге айналған.

«Өмірде алда не күтіп тұрғанын ешкім білмейді. Дегенмен, жақсы ой мен өз-өзін жігерлендіріп, еңбек еткен адам қашан да жетістікке жетеді. Психология саласындағы еңбек жолымда соған көзім анық жетті», - деп түйіндеді Анаргүл Мәуліқызы.

Өз тілшіміз.

Количество показов: 1117

Возврат к списку