Еңбек иелеріне - лайықты марапат

СОҢҒЫ ЖАРИЯЛАНЫМДАР

11 медаль!
11:05 24.01.2023 1200

Абайлаңыз, көктайғақ!
11:02 24.01.2023 1064

Мәселелерді жедел шешу - шарт
11:01 24.01.2023 1137

Жаңа әкімдердің жүгі қандай?
10:58 24.01.2023 1241

Қолтаңбасы өшпейтін қайраткер
10:55 24.01.2023 1409

Автонесие: ескіден жаңасы артық
10:52 24.01.2023 1137

Бал өндірісінен «бал тамбай тұр»
10:50 24.01.2023 1085

Жұмыс тәулік бойы жүргізілуде
10:49 24.01.2023 1225

Ауылда мәдениет үйі салынуда
10:46 24.01.2023 1280

Шетелдік көліктерді заңдастыру басталды
18:10 23.01.2023 1146

Квота көбейеді
11:02 22.11.2022 3396

Қала дамуы қарқынды
11:01 22.11.2022 2970

Баянауылдық «бай-барымташылар бандасы»
10:59 22.11.2022 2916

Жастар белсенділік танытты
10:55 22.11.2022 3372

ІТ-индустрияны қалай дамытамыз?
10:54 22.11.2022 3420

Қаныштың қамқорлығын көрген...
09:34 22.11.2022 3544

Бүгінгі таңдау - ертеңге бағдар
09:27 22.11.2022 3629

Жан жылуы
09:38 21.11.2022 2887

Жаңа үй салынады
09:37 21.11.2022 2941

Кәсіп бастау тетігі – «Даму»
09:36 21.11.2022 3347

17.11.2022

Еңбек иелеріне - лайықты марапат

Бүгінде облысымыздың агроөнеркәсіп кешені жаңа сатыға көтеріліп, мемлекетімізбен қатар өңір экономикасын дамыту және халықтың тұрмыс сапасын арттыруда жетекші күшке айналғаны белгілі. Бұл ретте аймағымызда адал еңбек иелері атанған ауыл шаруашылығы қызметкерлерінің кәсіби мерекесі қарсаңында арнайы көрме ұйымдастырылды. Сонымен қатар, сала үздіктері марапатқа ие болды.

Естай атындағы мәдениет сарайында «Ертіс ырысы – 2022» атты агроөнеркәсіптің жетістіктер көрмесі өтті. Оған өңірлердің ауыл шаруашылығы өндірісінің қойылды. Сондай-ақ, аталмыш көрмеде Астана қаласынан келген «Animalstat» ЖШС директоры Хамза Шубаев ауылшаруашылық малдарды сәйкес-тендірудің бірегей әдісін ұсынды. Оның айтуынша, чиптендіру – сәйкестендірудің заманауи жүйесі. Бұл ауылшаруашылық малдардың барлық түріне, яғни жынысы, салмағы, жасы мен тобына қарамастан, төлдер мен ірі малға қолданылады.

- Жылдың төрт мезгілінде де бір реттік шприцтегі микрочипті терінің астына салуға болады. Мұндағы нөмірді жоғалту, қолдан ұқсатып жасау мүмкін емес. Ұрлыққа қарсы елеулі көмек. Ал стерильді шприцтегі чиптер ауыл шаруашылығындағы малдарға қауіпсіз, сапалы биоматериалдан жасалған, - дейді ол. Сонымен қатар, Павлодар өңірі бойынша аудан, қалалық жерде орналасқан ірі шаруа қожалықтарымен тығыз байланыс орнатқанын да жеткізді. Бұл тұста облыс әкімі Әбілқайыр Сқақов қаңғыбас иттерді бақылау әрі олардың санын нақтылау үшін аймағымызда аталған чиптеу әдісін қолдану қажет екенін айтты. Ауыл шаруашылығы, тамақ және қайта өңдеу өнеркәсібі қызметкерлері күніне орай ұйымдастырылған көрмеден соң салтанатты жиын өтті. Аймақ басшысы агроөнеркәсіп қызметкерлерін құттықтап, облысымызда егін жинау маусымы сәтті аяқталғанын мәлімдеді. Екінші жыл қатарынан 1 миллион тоннадан астам астық жиналғанын атады.

- Павлодар облысы республика көлемінде қарақұмық және тары жинау бойынша көштің басында тұр. Соңғы үш жылда суармалы жерлердің көлемі 1,5 есеге ұлғайды. Сонымен қатар, 14 сүт фермасы іске қосылып, азық-түлік өнімдерін шығару көлемі 65 млрд теңге сомасынан 111 млрд теңгеге дейін ұлғайды. Мұның барлығы әр отбасының дастарқанын құт пен берекеге толтырған адал еңбектің иегерлері ауыл шаруашылығы қызметкер-лерінің жұмысының жемісі, - деді Әбілқайыр Бақтыбайұлы. Салтанатты шара аясында «Облыс алдындағы сіңірген еңбегі үшін» белгісімен Железин ауданы әкімінің орынбасары Баулыбай Аужанов пен Баянауыл ауданының ардагері Бекет Есманов марапатталды. Ақсу қаласындағы «Ер-Али» ШҚ басшысы Әлия Турапекова, Май ауданындағы «Бірлік» ШҚ басшысы Қадыр Мусапов, Успен ауданындағы «Руслан» ШҚ басшысы Ахмед Мырзаханов және Шарбақты ауданындағы «Абзал» шаруа қожалығының басшысы Абзал Төлеубеков облыс әкімінің Құрмет грамотасына ие болды. Облыс басшысының Алғыс хатын «Ислам» шаруа қожалығының басшысы Харон Каимов, «ЕртісАгро» ШҚ механизаторы Вадим Лаврентьев, «Камиев» ШҚ басшысы Бақытжан Камиев, «Әубәкір» шаруашылығының басшысы Жомарт Қанафин, «Апай ЛТД» ұйымынан Ертөстік Дүйсекеев иеленді. Аймақтың агроөнеркәсіптік кешенінің дамуына елеулі үлес қосқаны және жоғары көрсеткіштерге қол жеткізгені үшін өңірлер арасынан озық деп мойындалған Баянауыл ауданы ІІІ дәрежелі диплом иеленсе, ІІ орынды Ақтоғай ауданы алды. Бұл аталым бойынша Май ауданы ең үздік деп танылды. Сондай-ақ, көзге түскен еңбек иелеріне «Ауыл шаруашылығы саласының үздігі» белгісі, Ауыл шаруашылығы министрінің Құрмет грамотасы, «Еңбек даңқы» және «Елеулі еңбегі үшін» салалық медалі, ауыл шаруашылығы қызметкерлерінің орталық кәсіподақ кеңесінің марапаттары табысталды. Марапаттау шарасы Ертіс-Баян өнерпаздарының қатысуымен өткен мерекелік концертке ұласты.

Махаббат ТӨЛЕБАЙ.

Количество показов: 3112

Возврат к списку