Елдегі тұрақтылық маңызды

Мемлекет басшысы Қасым-Жомарт Тоқаевтың Жарлығымен кеше еліміздің барлық облыстарында төтенше жағдай режимі алынып тасталғаны мәлім. Қазір аймағымызда жағдай тұрақты. Облысымызда төтенше жағдай кезеңінде қандай заң бұзушылықтар тіркелді? Осы және де өзге сұрақтар төңірегінде облыстық полиция департаменті бастығының міндетін атқарушы Жасқайрат Қайыровпен әңгімелестік.

- Жасқайрат Иманбекұлы, төтенше жағдай кезінде өңірде қанша заң бұзушылықтар тіркелді?

- Ең алдымен қызметтік міндетін адал атқарып, Отан алдындағы антына берік болғандары үшін полиция қызметкерлеріне алғыс айтамын. Қайсарлығы мен кәсіби-лігін танытқан әрбір құқық қорғау қызметкерлерінің еңбектері елеулі болуы тиіс. Облыс орталығында қаңтардың 5-і күні бейбіт митинг кезінде кейбір азаматтар тәртіп-сіздік көрсеткен еді. Құқық қорғау органдарының кәсіби және жедел іс-әрекеттерінің арқасында құқық бұзушылар қамауға алынып, барлық бейнежазбалар зерттелді. Әрқайсысына қатысты Қазақстан Республикасының заңнамала-рына сәйкес іс қозғалды. Шектеу шараларына қарамастан заң бұзушылар болды. Осылайша, полиция қызметкерлері 1555 азаматты ұстады. 870 азамат Қазақстан Республикасының бейбіт митингілер ұйымдастыру және өткізу тәртібі туралы заң бұзғаны үшін жауапқа тартылды. Оларға қатысты ҚР-ның 488-бабы 6 бөлігі бойынша әкімшілік іс қозғалды. Сондай-ақ 4 шетелдік азаматқа қатысты 488-баптың 8 бөлігі бойынша әкімшілік іс қозғалып, Қазақстан Республикасынан тыс жерлерге шығарылды. Нәтижесінде, 327 адам 15 тәулікке дейін қамауға алынды. Барлық айыпталушы азаматтар Павлодар қаласының арнайы мекемелеріне қамалды. 288 тәртіп бұзушының әрқайсысына 30 айлық есептік көрсеткіш көлемінде әкімшілік айыппұл салынды. 685 азамат пен 349 автокөлік коменданттық сағатты бұзғаны үшін, Қазақстан Республикасының Әкімшілік Кодексінің 476-бабы бойынша әкімшілік іс қозғалып, материалдар сотқа жолданды. Автокөлік-
тер айып тұрағына қойылды.

- Қазір қандай іс-шаралар жүргізілуде?

- Облыста осы уақытта «Құқықтық тәртіп» профилактикалық іс-шарасы өткізілуде. Негізгі мақсаты қылмысқа қарсы күресті күшейту, құқық бұзушылықтардың алдын алу және қоғамдық қауіпсіздікті қамтамасыз ету болып табылатын «құқықтық тәртіп» жедел алдын алу іс-шарасының бірінші күнінің қорытындысы бойынша полиция қызметкерлерімен 331 әкімшілік құқық бұзушылық анықталды. Бірінші кезекте тәртіп бұзушылар көші-қон заңнамасын сақтамаған. Құқық қызметкерлері тіркеусіз немесе құжаттарсыз тұрудың 137 фактісін тіркеді. Уақытша бейімдеу және детоксикация орталығына 115 азамат қамауға алынды. «Құқықтық тәртіп» жедел-профилактикалық іс-шаралар аясында бөлімнің барлық жеке құрамы күшейтілген жұмыс түріне көшіріліп, облыс, қала, аудан бойынша қоғамдық тәртіпті оның ішінде көшеде жасалатын қылмыстық құқық бұзушылықтардың алдын алу мен жол қозғалысы ережелерін сақтау мақсатында жұмыстар жүргізіледі. Сондай-ақ учаскелік полиция инспекторларымен әкімшілік аймақтарын-
дағы профилактикалық есепте тұрған тұлғаларды тексеру жұмыстары атқарылады.

- Президент Қасым-Жомарт Кемелұлы құқық қорғау жүйесін реформалау, қайта құру жұмысын тапсырды. Бұл күштік құрылымдарға қандай өзгеріс әкеледі?

- Мемлекет басшысы үнде-уінде елімізді дамытудың басым бағыттарын белгілеп, өз бағдарламасында ең алдымен қауіпсіздікке, экономикалық және саяси мәселелерге назар аударды. Сонымен қатар стратегиялық міндеттердің бірі құқық қорғау жүйесін түбегейлі реформалау керектігін атап өтті. Барлық құқық қорғау органдары бір мақсат үшін – азаматтарымызды, конституциялық құрылыс пен егемендікті одан әрі тиімді қорғау жолында үйлесімді жұмыс істеуі керек екенін айтты. Бүгінгі күннің шындығы сол, лаңкестік қатерлерге қарсы тұру және азаматтардың қауіпсіздігін қамтамасыз ету үшін полицияның жауынгерлік әзірлігін күшейтіп, материалдық-техникалық базасын нығайту қажет. Полиция қызметкерлерінің құқықтық қорғалуын арттыру мәселесін көтеруді уақыт талабы деп санаймын. Сонымен қатар, қызмет ерекшеліктеріне байланысты тәртіп сақшылары қызметтік міндеттерін атқару кезінде өз өмірлерін жиі қатерге тігеді. Сондықтан, ел басшысы билік өкілдеріне шабуыл жасағаны және олардың заңды талаптарына бағынбағаны үшін тұлғалардың жауапкершілігі жөнінде заңды қатайту – қажетті шара екеніне тоқталды. Жаңа реформа халық пен полиция қызметкерлерін жақындата түспек. Біздің күшіміз – бірлікте!

- Әңгімеңізге рахмет.

Алтынбек ЕЛЕМЕСҰЛЫ.