Инвестиция - игергенге игілік

ЖЕДЕЛ ЖАҢАЛЫҚТАР

Ән айтылып, күй төгілген күн
04.12.2021

Қолма-қол ақшаға қайтып ораламыз ба?
04.12.2021

Ахуал тұрақты
04.12.2021

Әділдік жолында
04.12.2021

Қысқы кезеңге дайынбыз!
04.12.2021

Азаттық бәрінен қымбат!
04.12.2021

Полицей болу оңай ма?
04.12.2021

Бір оператор қалуы тиіс
04.12.2021

Қауіпсіз қозғалыс қадамдары
04.12.2021

Дүбірлі айтыс басталды
04.12.2021

Ерікті болу - жүрек қалауы
04.12.2021

Сарыарқа самалы, 4 желтоқсан, сенбі
04.12.2021

Тарих тұлпарының қос тізгіні
02.12.2021

Нұрлы ғұмыр
02.12.2021

Бокстың болашағы зор
02.12.2021

Футболды бюджет есебінен қаржыландыру дұрыс па?
02.12.2021

Ауру мал аулаңыздан аулақ жүр ме?
02.12.2021

Жас ғалымдар табанды болуы керек
02.12.2021

Жаңарған оқу ордасы
02.12.2021

Тіл мәртебесі - ел мерейі
02.12.2021

Дауды шешудің баламалы жолы
02.12.2021

Баланы күтіп-бағу – ата-ананың міндеті
02.12.2021

Ел тірегі - Елбасы
02.12.2021

Партия қатары толықты
02.12.2021

«Ainalaiyn»-ның авторларына алғыс!
02.12.2021

Індетті жеңудің жалғыз жолы
02.12.2021

Сәукеленің сәні бөлек
02.12.2021

Сарыарқа самалы, 2 желтоқсан, бейсенбі
02.12.2021

«Мемлекет мерейі - жастар қолында»
30.11.2021

Жетістікке бастаған жеңілдік
30.11.2021

Әр салада серпін бар
30.11.2021

Жүкті әйелдер жиі ауырады
30.11.2021

Бағаны негізсіз өсірген
30.11.2021

«Алыстағы ағайынға ақ тілек»
30.11.2021

«Өзгерістің басында бір өзі тұрды»
30.11.2021

Теміртаудағы Елбасы мұражайы
30.11.2021

Сарыарқа самалы, 30 қараша, сейсенбі
30.11.2021

Мәдидің жетістігі
27.11.2021

Аламанда ойы ұшқырлар табысады
27.11.2021

Үлгілі «Баян сұлу»
27.11.2021

Әйелдің бақыты – отбасында
27.11.2021

Қауіпсіздікке кім жауапты?
27.11.2021

Миллиард теңге «желге ұшты» ма?
27.11.2021

Дені - Павлодар қаласында
27.11.2021

Бүгінгі жетістік – ертеңге бағдар
27.11.2021

Сарыарқа самалы, 27 қараша, сенбі
27.11.2021

Астық өткізудің артықшылығы неде?
25.11.2021

Ревакциналау басталды
25.11.2021

Жер берілуі мүмкін
25.11.2021

Ақылы жүйеге қосылды
25.11.2021

Ғажайып өнер әлемі
25.11.2021

Ұлттық мұраның ұлықтаушысы
25.11.2021

Елдіктің жеті тұғыры
25.11.2021

Әрбір өзгеріс – игілік жолына
25.11.2021

Үздіктер озған аламан
25.11.2021

Көлік картасы тиімді бола ма?
25.11.2021

«Ұлтқа қызмет етуден артық бақыт жоқ»
25.11.2021

«Достық» шаттық сыйлайды!
25.11.2021

Сарыарқа самалы, 25 қараша, бейсенбі
25.11.2021

Құпияға толы қорғандар
23.11.2021

Инвестиция - игергенге игілік 25.02.2021

Инвестиция - игергенге игілік

Өткен жылы өңірде бірқатар ірі инвестициялық жобаның іске асуы нәтижесінде импорттық өнімдерге тәуелділіктен арылатын болдық. Арылып қана қоймай, өзгелердің тауарларымен терезесі тең түсетін сапалы өнім дайындап, оны шетелдерге эскпорттайтын жағдайға жеттік. Іргелі істердің жүзеге асуы экономикалық өсім беруімен қатар, жаңа жұмыс орындарын құрып, қазынаға түсетін салық көлемін көбейтуге оң ықпал етіп отыр. 

Павлодарда трактор құрастырылады 

Өткен ғасырдың 60-ыншы жылдары облыс орталығында іске қосылған трактор зауытының аты кезінде «дүрілдеп» тұратын. Бұл өндіріс орнында жасалған ауыл шаруашылығы техникалары кеңестік одақ елдерінде үлкен сұранысқа ие болды. Тіпті, бір кездері павлодарлық кәсіпорын жылына ДТ-75 маркалы көліктің 55 мың түрін шығарған еді. 
Бірақ бұл зауыт 1990 жылдардағы қиындықтарға төтеп бере алмады. Сондықтан кәсіпорынды жауып, ұжымды таратуға тура келді. Ал оның өндірістік алаңдары басқа тауар түрлерін дайындайтын жеке кәсіп-керлерге жалға беріле бастады. 2000 жылдар басында Павлодарда белорустық МТЗ-82 маркалы трактор құрастыру да қолға алынғанмен, іс өрге баспады. 
Араға 20 жылдан астам уақыт салып Павлодар қайтадан тракторлар өндірісінің орталығына айналмақ. Олай дейтініміз – өткен жылы трактор құрастыратын «KSW Agrotech» жауапкершілігі шектеулі серіктестігі техникалық түрде іске қосылды. Кәсіпкерлікті қолдаудың картасы аясында жүзеге асқан бұл жобаға 0,4 млрд. теңге инвестиция құйылды. 
Жобаның жай-күйіне үңілсек, оның әлеуеті зор екенін аңғару қиын емес. 300 жылқының күшіне тең келетін тракторлар егістік жұмыстарында таптырмас құрал болғалы тұр. Жергілікті кәсіпорын бұл істі қытайлық «Wan E» компаниясымен бірге қолға алған болатын. «KSW Agrotech» директоры Рустам Ибрагимов Қазақстанда құрастырылған техниканың бірден-бір басымдығы ретінде оның бағасын айтқан еді. Қос тарап келісімшартқа қол қойған кезде павлодарлық тракторлар шетелдік баламаларынан үш есеге арзан болатыны айрықша аталып өтті. 
- Америкалық, еуропалық трактордың бағасы – 500-700 мың АҚШ доллары шамасында. Ал Павлодарда құрастырылған техника 150 мың АҚШ доллары болады. Оған қоса, біз шаруаларға тракторларды лизингке немесе ауыл шаруашылығы өнімдеріне айырбас-тау арқылы бере аламыз. Соның есебінен жергілікті тракторды шетелдіктерге сатуға мүмкіндік болады, - деген еді Р.Ибрагимов. 
Былтырғы пандемия бұл жоспарға да, бағаға да өзгерістер енгізуі мүмкін, әрине. Десе де, техника құрастыру кәсібін кеңейтуге қатысты жоспар орындалады деген сенім мол. Атап айтқанда, жергі-лікті компания алдағы бірнеше жылда өндіріс қуаттылығын арттырып, «Павлодар» арнайы экономикалық аймағында тағы бір зауыт ашуды көздеген-ді. Сол арқылы жаңа 150 жұмыс орны құрылып, жылына 30 мың трактор шығарылмақ. 
Инвестициялық жобалар машина жасау саласында ғана емес, құрылыста да сәтті жүзеге асып келеді. Айталық, бұған дейін тұрғын үй, басқа да әлеуметтік және кәсіпкерлік нысандардың құрылысы барысында көп жағдайда семейлік кәсіпорын-дарда дайындалған кірпіштер қолданылса, бұдан былай павлодарлық өнімнің үлесі басым болмақ. Себебі былтыр «HagiPavlodar» жауапкершілігі шектеулі серіктестігі құны 2 млрд. теңге болатын зауыт салды. Бұл кәсіпорында әр ай сайын 3 млн. кірпіш өндіріледі. Сол сияқты «АстраТех» ЖШС де айына 3 млн. кірпіш шығаратын кәсіпорынды іске қосты. Бұл инвестициялық жобаға 1 млрд. теңге көлемінде қаржы жұмсалды. Одан бөлек, бұл өндіріс орындары кеспетас, жиектас сынды құрылыс материалдарын дайындауды қолға алды. Осындай жаңа кәсіпорындардың жұмысы нәтижесінде жергілікті құрылыс компаниялары өнімдерді сырттан тасымай-ақ, өзімізден алатын болды. 
Жалпы, өткен жыл инвестиция тарту саласы үшін жаман бола қойған жоқ. Керісінше, пандемияға қарамастан, бұл бағыттағы ауқымды жұмыстар жүргізіліп, көрсеткіштер едәуір артты. Инвесторлармен онлайн форматта кездесулер жиі ұйымдастырылып, кәсіпкерлердің көкейінде жүрген сауалдарға жауап берілді, олардың мәселелері оң шешімін тапты. 
Облыстық кәсіпкерлік және индустриалдық-инновациялық даму басқармасы ұсынған мәліметке сүйенсек, былтыр негізгі капиталға құйылған инвестиция көлемі 485,9 млрд. теңгені құрады. Оның 92 млрд. теңгесі - бюджеттік, 393,9 млрд. теңгесі – жеке қаражат. 
Сонымен қатар, Кәсіпкерлікті қолдау картасы аясында жоспарланған 8 жобаның барлығы техникалық түрде іске қосылды. Бұл жобалардың жалпы сомасы 8,7 млрд. теңгені құрайды. Олардың қатарында жоғарыда аталған трактор құрастыру, кірпіш өндірісі жобалары да бар. 

 Ең тиімді аймақ

Облысқа инвестиция тарту туралы сөз қозғағанда «Павлодар» арнайы экономикалық аймағын айналып өту мүмкін емес. Осыдан 10 жыл бұрын химия, мұнай-химия және металлургия бағытында құрылған бұл аймақ осы уақыт аралығында 80 млрд. теңге көлемінде жеке инвестиция тартты. Оның 18,7 млрд. теңгесі – шетелдік кәсіпкерлердің қаржысы. 2011 жылдан бастап 10-нан астам кәсіпорын 166,6 млрд. теңге болатын өнім шығарып, қазынаға 9,6 млрд. теңге салық төледі. Мұнда жаңа 1567 жұмыс орны ашылды. 
Өткен жылы «Павлодар» еліміздегі ең тиімді аймақ болып танылған еді. Қазынадан қарастырылған әр теңгеге елдегі өзге аймақтар орта есеппен алғанда шамамен 3 теңге инвестиция құйса, біздің өңірдегі аймақтағы бұл көрсеткіш 10 теңгеден төмен болып көрген емес. Яғни, бюджеттен бөлінген әр теңге текке кетіп жатқан жоқ. Керісінше, қаржы «қазанына» пайда әкеліп отыр. Оған мына бір дерек дәлел: арнайы аймақ құрылғалы мемлекет оның дамуына 8,1 млрд. теңге жұмсады. Ал инвесторлар оған 80 млрд. теңге қаражат құйды. Демек, табыс шамамен 10 есе артық болып отыр. 
«Павлодар» АЭА бұл бағыттан қайтпақ емес. Өткен жылы карантиндік шектеулер болғандықтан, әдеттегідей көп меймандар қабылдап, аймақтың мүмкіндіктерін молынан таныстыра алмады. Десе де, бұл тығырықтан шығар жолды тапты. Бұған дейін облыс әкімінің орынбасары Сәкен Шаяхметов атап өткендей, экономикалық аймақтың визуалды картасы жасалды. Бұл әлемнің кез келген түкпіріндегі инвесторға Павлодарға келмей-ақ, заманауи технологиялардың көмегімен аймақты «аралауға» мүмкіндік берді. 
Ал бәрін өз көзімен көруді қалайтын кәсіпкерлерге арнайы аймақтың есігі әрдайым ашық. Мәселен, былтыр түркиялық «Panda Aluminyum» компаниясының өкілдері келіп, әлеуетін байқады. Алюминий профильдерінің өндірісі үшін жасалған мүмкіндіктермен танысты. Ал «Моннет групп» компания-сының өкілдері ферроқорытпа зауытын салу мәселелерін талқылады. Бұл ретте «Павлодарда» кәсіп бастаған компаниялар негізгі салық түрлері мен кеден төлемдерінен босатылып, оларға дайын инфрақұрылымы бар жер телімдері ұсынылатынын баса атап өткен жөн. Ресей мен Қытайдың нарықтарына жолдың ашылып, логистикалық тұрғыдан тиімді орналасуы да инвесторларды тартады. 
Осындай мүмкіндіктерді қалт жібер-меген бес бірдей кәсіпкер былтыр арнайы экономикалық аймақта жаңа өндіріс орындарын іске қосты. Микросфера, композиттік коагулянттар, белсендендірілген көмір, пестицидтер және дихлоризоциануратты қышқыл шығару жұмысы басталды. Бұл жобалардың жалпы құны 5,3 млрд. теңгені құрайды. 
Мәселен, «АSCOR» жауапкершілігі шектеулі серіктестігі су тазартуда пайдаланылатын коагулянттар өндіреді. Зауыт директоры Татьяна Бушинаның айтуынша, бұл кәсіпорында жылына 13 мың тонна алюминий хлоридінің полиоксиді шығарылады. 
- Біздің кәсіпорын Технологиялық талдамалар жөніндегі ұлттық агенттіктің тарапынан 478 млн. теңге грант ұтып алған болатын. Бұл – инвестицияның тең жартысы. Былтыр италиялық құралдарды жеткізуге қатысты қиындықтар болғанмен, жыл соңына 
қарай зауытты техникалық түрде іске қосып көрдік, - дейді өндіріс орнының басшысы. 
Соңғы уақытта микросфераға – мұнай ұңғымаларын қазу мен құрылыс жүргізу кезінде қажет материалға сұраныстың артып келе жатқанын ескерген ресейлік инвесторлар Павлодарда «KazCenosphere`s» зауытының негізін қалады. Бұл жобаға 2,3 млрд. теңге қаржы бөлді. Кәсіпорын басшылығының айтуына қарағанда, жердің ұзақ уақытқа жалға берілуі әрі инженерлік желілердің тартылуы инвестициялық шығындарды едәуір азайтып отыр. Сәйкесінше, бұл өндірісті дамытып, қуаттылықты арттыруға мол мүмкіндік береді. 
Инвестициялық жобалар бойынша жұмыс биыл да жалғасын тапты. Қазіргі уақытта арнайы экономикалық аймақта 9 жобаны жүзеге асыру үшін тиісті шаралар жүргізілуде. Олардың жалпы құны 42 млрд. теңгеден асып жығылады. Егер жоспарлы іс ойдағыдай атқарылса, таяу уақытта «Павлодарда» бояу өнімдерін, қорғасын-мырышты аккумуляторлар шығару, хлорды өңдеу бойынша жаңа кәсіпорындар жұмысын бастайды. 

Инвестиция – бір кәсіпорынның іске қосылуына құйылған қаражат қана емес, тұтас өңірдің әлеуметтік-экономикалық дамуына серпін беретін қомақты қаржы. Себебі инвестициялық жобалардың жүзеге асуы арқылы жаңа жұмыс орындары құрылады, салық көлемі артады, әлеуметтің әл-ауқаты жақсарады. Сондықтан облыс әкімі Әбілқайыр Сқақов бұл мәселеге баса назар аударып, жауапты мемлекеттік органдарға инвестиция көлемін арттыра түсуді тапсырып отыр. Аймағымызда кәсіпкерлерге жан-жақты жағдай жасалғанын ескерсек, биыл өңірде ірі өндіріс орындарын салушылардың қатары көбеюі керек.

Құндыз ҚАБЫЛДЕНОВА


Количество показов: 304

Возврат к списку