Көмір бағасы жыл соңына дейін қымбаттамайды

Павлодар облысында көмір бағасы жыл соңына дейін көтерілмейді. Бүгінде өңір бойынша әр елді мекенде сатылатын қатты отынның шекті бағалары белгіленіп қойған. Көмір жеткізумен айналысатын делдалдар одан аспауы тиіс. Жалпы, аймақта отынның қоры жеткілікті.

Облыс әкімі Әбілқайыр Сқақов «Ertis» телеарнасына берген арнайы сұхбатында коммуналдық тарифтер мен көмір бағасына қатысты мәсе-лелерге айрықша тоқталды. Өңірімізде бүгінде қатты отынның бағасы тұрақты бақылауда тұрғандығын жеткізді.

- Бүгінгі басты міндет - өңірде әлеуметтік маңызы зор азық-түлік тауарлары мен коммуналдық тарифтердің, жанар-жағармай мен көмір бағасының қазіргі деңгейін ұстап тұру. Біздің облыстың аумағы аса үлкен емес. Баға бойынша арнайы мониторинг топтары аймақты бақылауда ұстайды. Егер баға көтерілу фактілері анықталса, облыстық арнайы топ кез келген ауылға 1-2 сағаттың ішінде жетіп бара алады. Заңға сәйкес, жөнсіз қылық көрсеткендерге тиісті шаралар қолданылатын болады. Жақында ғана аймақтағы көмір өндіруші кәсіпорын-дардың, отынды тасымалдаумен айналысатын компаниялардың және коммуналдық бағытта қызмет көрсететін ұйымдардың өкілдерімен кездестік. Мемлекет басшысы Қасым-Жомарт Тоқаев газ, жанар-жағармай және коммуналдық қызметтердің тарифтері мен бағасын алдағы 180 күнде көтермеу туралы тапсырма бергені мәлім. Бұл мәселені қалалар мен аудандардың әкімдері де үнемі бақылайтын болады. Мәселен, «Қазақтелеком» АҚ өзінің клиенттеріне қаңтар айының алғашқы жартысында интернет бойынша сапалы қызмет көрсете алмады. Ол бойынша алдағы уақытта қайта есептеулер жүргізілетіні анық. Көмір мәселесі туралы айтсақ, өңір бойынша былтырдан бері көмір өндіруші компаниялар отын бағасын көтерген жоқ. Екібастұз-дағы «Богатырь Көмір» кенішінде тұрмыстық-коммуналдық көмір бағасын көтеру жөнінде жоспары болған. Жүргізілген келіссөздер нәтижесінде баға көтерілген жоқ. Баянауылдағы «Майкөбе» кенішінде де баға өсуі фактілері тіркелмеді, - деді аймақ басшысы Әбілқайыр Бақтыбайұлының айтуынша, аймақтағы көмірдің бағасы жыл соңына дейін көтерілмейді. Қатты отынды қалалар мен аудандарға жеткізумен айналысатын ұйымдардың саны аса көп емес. Олардың тасымалдау шығындары алдын ала есептеліп, параметрлері шығарылып қойған. Сәйкесінше, әр елді мекенге жеткізілетін көмірдің белгілі бағалары бекітілген. Көмір сатумен айналысатын делдалдар шекті бағадан аспауы керек. Бүгінде барлық станциялар мен қоймаларда қажетті отын қоры жеткілікті. Айтып өтейік, облыстық энергетика және тұрғын үй-коммуналдық шаруа-шылық басқармасы көмір жеткізумен айналысатын теміржол ұйымдарымен арнайы меморандумға отырды. Оған сәйкес көмірдің әр тоннасының босатылу баға-лары белгіленген. Мәселен, Павлодар қаласындағы «А-Вест Павлодар» ЖШС-нде (Товарная көшесі, 25) «Богатырь» маркалы көмірін 8500 теңгеге, «Майкөбе» кенішінің көмірін сортына қарай 10500 теңгеден 15000 теңгеге дейін сатып ала аласыз. «Элит KZ» ЖШС-нде (Шығыс өнеркәсіптік аудан көшесі, 2) майкөбелік көмірдің әр тоннасы 9650- 13500 теңге аралығында босатылуда. Ал Жаңаауыл кентінде орналасқан «Daman Group» серіктестігі екібастұздық көмірді 9000, майкөбелік қатты отынды 11000-14000 теңге аралығында сатуда. Алыс аудандарда бұл баға сәл қымбаттау болуы мүмкін. Дегенмен жоғарыда атап өткеніміздей, әр елді мекен бойынша шекті бағалар бар. Ресми статистикаға жүгінсек, өңірде қаңтар айының басынан бері 8 мың тоннадан астам көмір тиеліп, сатылған. Бұл былтырғы жылдың осы кезеңімен салыстырғанда 2,2 мың тоннаға көп.

Мұрат АЯҒАНОВ.

Количество показов: 628

Возврат к списку