Кәсіпкерлерді қолдау – негізгі қызмет

СОҢҒЫ ЖАРИЯЛАНЫМДАР

11 медаль!
11:05 24.01.2023 1214

Абайлаңыз, көктайғақ!
11:02 24.01.2023 1079

Мәселелерді жедел шешу - шарт
11:01 24.01.2023 1151

Жаңа әкімдердің жүгі қандай?
10:58 24.01.2023 1255

Қолтаңбасы өшпейтін қайраткер
10:55 24.01.2023 1423

Автонесие: ескіден жаңасы артық
10:52 24.01.2023 1151

Бал өндірісінен «бал тамбай тұр»
10:50 24.01.2023 1099

Жұмыс тәулік бойы жүргізілуде
10:49 24.01.2023 1239

Ауылда мәдениет үйі салынуда
10:46 24.01.2023 1294

Шетелдік көліктерді заңдастыру басталды
18:10 23.01.2023 1160

Квота көбейеді
11:02 22.11.2022 3409

Қала дамуы қарқынды
11:01 22.11.2022 2976

Баянауылдық «бай-барымташылар бандасы»
10:59 22.11.2022 2921

Жастар белсенділік танытты
10:55 22.11.2022 3386

ІТ-индустрияны қалай дамытамыз?
10:54 22.11.2022 3432

Қаныштың қамқорлығын көрген...
09:34 22.11.2022 3557

Бүгінгі таңдау - ертеңге бағдар
09:27 22.11.2022 3642

Жан жылуы
09:38 21.11.2022 2891

Жаңа үй салынады
09:37 21.11.2022 2947

Кәсіп бастау тетігі – «Даму»
09:36 21.11.2022 3359

15.11.2022

Кәсіпкерлерді қолдау – негізгі қызмет

Елімізде жеке ісін бастап, кәсібін дөңгелетуді қалайтын азаматтар үшін қаржылай қолдаудың сан алуан түрі бар. Алайда кейбір тұрғындар тиімді тетіктер туралы біле бермейді. Сондай сәтте «Даму» кәсіпкерлікті дамыту қорының қызметкерлері көмекке келіп, кеңес беріп, бизнес-жобалардың жүзеге асуына жан-жақты қолдау көрсетеді.

Жасыратыны жоқ, бүгінде өз бизнесімен айналысуды қалайтын азаматтардың қатары қалың. Ол үшін елімізде жайлы жағдай да бар. Айталық, екінші деңгейлі банктен жеке кәсіпті бастау, кеңейту үшін алған несиенің бір бөлігін мемлекет өзі өтеп береді. Сол сияқты банкке кепілдік қоярға мүлкі жоқ азаматтарға «Даму» кәсіпкерлікті дамыту қоры кем дегенде жартысына кепілдік береді. Осы бағыттағы ауқымды жұмыстармен айналысып жүрген білікті мамандардың бірі – қаржылай қолдау жөніндегі менеджер Ақбота Жылқыбеков. Ол 2006 жылдан бастап қаржы саласында табысты еңбек етіп келеді.

- Мектеп кезінен бастап есеп-қисапқа жақсы болдым. Математикалық теңдеулерді шешу, есептердің жауабын табу мен үшін қызық болатын. Сондықтан да болар, қаржы саласының қызметкері атануды жөн көрдім. Сөйтіп, сол тұста С.Торайғыров атындағы Павлодар мемлекеттік университетіне осы мамандық бойынша оқуға түсіп, 2006 жылы оны сәтті аяқтадым. Еңбек жолымды «Halyk Bank» АҚ-ында бастадым. 2018 жылдан бері «Даму» кәсіпкерлік дамыту қорында қызмет атқарып келемін. Әр саланың өз қызығы мен қиындығы бар. Сол сияқты қаржыға қатысты жұмыстардың да сан алуан қыры кездеседі. Мамандық таңдау мүмкіндігі қайта берілсе, бәрібір осы саланы таңдайтын едім, - дейді А.Жылқыбеков. Ақбота Мұратұлының айтуынша, соңғы уақытта тұрғындардың қаржылық сауаттылығы артып келеді. «Даму» қорының көмегіне жүгінетін азаматтардың дені мемлекеттік қолдау түрлері туралы аз-кем біледі. Өз кезегінде қор қызметкерлері тиімді бағыт-бағдарды көрсетеді.

- Бізге келетін тұрғындарға қойылатын басты сұрақ – «Сіз қандай бизнес түрімен айналысуды қалайсыз?». Осы сауалға берілетін жауапқа байланысты ары қарайғы қадамдарды белгілейміз. Айталық, кейде кәсіп бастауға ниетті азаматтар өзіне қажет сомадан артық несие алуды жоспарлауы мүмкін. Сол кезде нақты қандай көлемдегі қаражат қажет екенін есептеп, кеңес береміз. Жалпы, бизнес-жоспардың іске асу барысын толық қадағалап, қолдан келер көмекті көрсету үшін барымызды саламыз. Себебі, кез келген жеке кәсіп түрі жаңа жұмыс орындары, тұрақты табыс, нарыққа қосымша өнім мен қызмет түрін береді. Ал оған жету үшін жайлы жағдайдың барлығы бар. Мәселен, қазір кәсіпкерлер екінші деңгейлі банктен несиені 21 пайыздық мөлшерлемемен алады. Оны белгіленген мерзімде тұрақты түрде өтесе, 15 пайызын мемлекет кәсіпкердің өзіне қайтарып береді. Демек, бизнес өкілдері несиенің небары 6 пайызын төлейді. Тәжірибе көрсеткендей, сол арқылы жеке ісін бастаған азаматтарға түсетін қаржылай салмақ едәуір жеңілдейді. Сонымен қатар, банкке кепілге қояр мүлкінің сомасы аз болса, «Даму» кәсіпкерлік дамыту қоры кепілдеме береді. Сол арқылы несие алу мүмкіндігі туады. Осындай қаржылай қолдау тетіктері елдегі кәсіпкерлер санының артуына оң ықпал етеді. Кеңес беріп, жобаның жүзеге асуына атсалысқан істердің нәтижесін көргенде, қордың қолдауы нәтижесінде ашылған жаңа нысанның жұмысын байқағанда өзім бизнес бастағандай қуанамын. Бұл – ерекше сезім, - дейді менеджер. Қордағы тәжірибелі әрі алдыңғы қатарлы қызметкерлердің бірі жұмысқа жаңа қабылданған жастарға, екінші деңгейлі банктерден ауысып келген мамандарға тәлімгерлік етіп, бар білгенімен бөлісуді де парызым деп есептейді. Сондай-ақ, мемлекеттік бағдарламаларға қандай да бір өзгерістер енгізіліп, несиелерге қатысты жаңашылдықтар пайда болғанда банктерге барып, оқу-семинарлар ұйымдастырады. Мәселен, қор қызметкерлері осы жылдың наурызынан қазанға дейін жұмысы тоқтап тұрған, «Береке» банкі боп қайта құрылған бұрынғы «Сбербанк» АҚ барып, қажетті мәліметтермен бөлісті. Осындай маңызды саланың басы-қасында жүріп, тұрғындардың қаржылық сауаттылығының артуына себепкер болып, елдегі шағын және орта бизнестің дамуына сүбелі үлес қосып жүрген қор қызметкерлерінің еңбегі ерен. Кәсіби мереке күні олардың еңбектеріне табыс тілей отыра, кәсіпкерлер санының көбейе түсуіне тілектестік білдіреміз.

Құндыз ҚАБЫЛДЕНОВА

Количество показов: 3017

Возврат к списку