Кездесулер жалғасуда

СОҢҒЫ ЖАРИЯЛАНЫМДАР

11 медаль!
11:05 24.01.2023 1202

Абайлаңыз, көктайғақ!
11:02 24.01.2023 1066

Мәселелерді жедел шешу - шарт
11:01 24.01.2023 1139

Жаңа әкімдердің жүгі қандай?
10:58 24.01.2023 1244

Қолтаңбасы өшпейтін қайраткер
10:55 24.01.2023 1411

Автонесие: ескіден жаңасы артық
10:52 24.01.2023 1139

Бал өндірісінен «бал тамбай тұр»
10:50 24.01.2023 1087

Жұмыс тәулік бойы жүргізілуде
10:49 24.01.2023 1227

Ауылда мәдениет үйі салынуда
10:46 24.01.2023 1282

Шетелдік көліктерді заңдастыру басталды
18:10 23.01.2023 1148

Квота көбейеді
11:02 22.11.2022 3397

Қала дамуы қарқынды
11:01 22.11.2022 2970

Баянауылдық «бай-барымташылар бандасы»
10:59 22.11.2022 2916

Жастар белсенділік танытты
10:55 22.11.2022 3374

ІТ-индустрияны қалай дамытамыз?
10:54 22.11.2022 3421

Қаныштың қамқорлығын көрген...
09:34 22.11.2022 3545

Бүгінгі таңдау - ертеңге бағдар
09:27 22.11.2022 3630

Жан жылуы
09:38 21.11.2022 2887

Жаңа үй салынады
09:37 21.11.2022 2941

Кәсіп бастау тетігі – «Даму»
09:36 21.11.2022 3348

07.11.2022

Кездесулер жалғасуда

ҚР Президенттігіне кандидат ретінде тіркелген 6 үміткер мен оларды қолдау жөніндегі штаб өкілдері жер-жерді аралап, тұрғындармен жүздесіп, өздерінің сайлауалды бағдарламаларын таныстыруда. Бұл ретте кандидаттардың соңғы күндер дересінде атқарған жұмыстары мен өткізген кездесулеріне аз-кем шолу жасаған едік.

Ел аумағында Қасым-Жомарт Тоқаевты қолдау жөніндегі 5 мыңнан астам үгіт-насихат іс-шарасы өтті. Бұрнағы күні республикалық қоғамдық штабтың РҚШ мүшелері Қарағанды облысындағы бизнес өкілдерімен, шахтерлермен және студент жастармен кездесті. Республикалық қоғамдық штабтың басшысы Ерлан Қошанов құрамына белгілі қоғам қайраткерлері, Парламент Мәжілісінің депутаттары, сарапшылар, журналистер кіретін РҚШ мүшелері өңірлерде кандидаттың сайлауалды бағдарламасының негізгі ережелерін түсіндіріп, шараларды белсенді өткізіп жатқанын атады. Өз кезегінде штаб мүшесі, белгілі ғарышкер Тоқтар Әубәкіров 20 қарашада қазақстандықтар маңызды таңдау жасайтынын атап өтті.

- Бұл таңдау еліміздің алдағы 7 жылдағы даму бағытын айқындайды. Барша қазақстандықтардың азаматтық белсенділік танытып, сайлау учаскелеріне келуі маңызды, – деді ол. Сондай-ақ, жақында біздің өңірге Президент атанудан үмітті Қарақат Әбден келді. Ол алдымен Екібастұз қалалық ауруханасы жанындағы перзентханаға барып, жас аналармен және медицина қызметкерлерімен кездесті. Облыс орталығындағы дарынды балаларға арналған музыкалық колледжде болып, ұстаздар қауымымен тілдесті. Бұдан бөлек, Қарақат Әбден өзінің Павлодар қаласындағы сенімді өкілдерімен кездесті. Үміткердің өңірдегі сайлауалды штабында 200-ден астам волонтер жұмыс істейді

- Сайлауалды бағдарламамның әлеуметтік бағдары басым болғандықтан, онда денсаулық, білім салаларына ерекше көңіл бөлінген. Әсіресе ана мен сәби өлімінің алдын алу, медицина мен білімді дамыту басты назарда болмақ, - деді үміткер. Бұрнағы күні ҚР Президенттігіне кандидат Жигули Дайрабаев Ақмола облысы Аршалы ауданы Анар ауылындағы сайлаушыларымен кездесті. Кездесуде кандидат жұртшылыққа сайлауалды бағдарламасының негізгі бағыттарын таныстырды.

- Біз - экспортқа бағдарланған елміз. Сол себепті астық бағасын тұрақтандыру мақсатында экспортты жабуға болмайды. Сонымен қатар, мемлекет тарапынан барынша қолдау көрсетіліп, шикізат сатып алу бағасындағы айырмашылық өтелуі тиіс. Өңдеу кәсіпорындарына шикізатты кез келген уақытта қажетінше сатып алатындай жағдай жасалу керек және бұл ұн мен макарон өнімдерінің соңғы бағасына әсер етпеуі тиіс,– деді кандидат. Ал үміткер Нұрлан Әуесбаев бұл күні Шымкент қаласы Қазығұрт шағын ауданында сайлаушылармен кездесу өткізді. Кандидат Қазақстандағы басты мәселе адал бизнесті тұншықтыратын, экономиканың дамуына жол бермейтін, халықтың әл-ауқатына кері әсер ететін жаппай сыбайлас жемқорлық екенін атап өтті.

- 1990-ыншы жылдары көптеген ірі кәсіпорындар күлкілі сомаға жекешелендірілді. Бағдарламада осындай компаниялардың акцияларын халыққа өткізу туралы мәселені қарастырдық. Бұған IPO арқылы қол жеткізуге болады, - деді ол. Ал президенттікке кандидат Салтанат Тұрсынбекова Түркістан қаласындағы «Шапағат» мүмкіндігі шектеулі жандар қоғамдастығының «Ғиззат» мотивациялық орталығында болды. Ресми деректерге сүйенсек, Қазақстанда мүгедектігі бар 697 мыңға жуық азамат тұрады. Олардың 419 мыңнан астамы - еңбек жасындағы тұрғындар.

- Бұл - қоғамның үлкен бір бөлшегі, оны қоғамға біріктіру керек. Бірде-бір азамат оқшауланбауы керек. Мұқтаж жандарға қамқорлық жасалған жерде ғана басқалар бақытты бола алады, – деді С.Тұрсынбекова. ҚР Президенттігіне кандидат Мейрам Қажыкеннің үгіт-насихат жұмыстары Семей қаласында жалғасты. Кандидат «Семей инжиниринг» зауытының еңбек ұжымымен кездесті.

- Мемлекет әрбір азаматқа өзін-өзі дамыту үшін қолайлы жағдайлар мен мүмкіндіктер жасауы керек. Азаматтың өзі әлеуметтік серіктестік, атап айтқанда кәсіподақтар, кәсіпкерлер қауымдастығы, азаматтық қоғам институттары арқылы өмір сүру жағдайларын өзгерте алатын процестерге қатысуы керек. Бұл - біздің алға қойған мақсатымыз, - деді үміткер. Айта кетейік, кандидаттардың үгіт-насихат жұмыстары 19 қараша сағат 00.00-ге дейін жалғасады. Олар осы уақытқа дейін дауыс берушілермен кездесіп, олардың талап-тілектерін тыңдап, сайлауалды бағдарламаларын таныстыра алады.

Шолу жасаған – Құндыз ҚАБЫЛДЕНОВА.

Количество показов: 2956

Возврат к списку