Үкімет басшысының орынбасары өңірімізге келді

СОҢҒЫ ЖАРИЯЛАНЫМДАР

Алтын аға
10:30 04.08.2022 615

Балабақшалар қалай бақыланады?
10:28 04.08.2022 628

Әнші арманы
09:57 02.08.2022 637

«Мектепке жол» акциясы басталды
09:54 02.08.2022 819

Жол жабылмайды
09:52 02.08.2022 622

Мәшһүр Жүсіп және Бекасыл хазірет
09:49 02.08.2022 651

Пәтер кезегін себепсіз жылжытқан
09:47 02.08.2022 632

Денсаулық пойызы келді
09:45 02.08.2022 650

26.07.2022

Үкімет басшысының орынбасары өңірімізге келді

Бүгін Павлодар облысына ҚР Премьер-Министрінің орынбасары Ералы Тоғжанов жұмыс сапарымен келді. Павлодар қаласында 2025 жылға дейін халық табысын арттыру бағдарламасын жүзеге асыру бойынша жиналыс өтті.

Павлодарда ҚР Премьер-Министрінің орынбасары Ералы Тоғжановтың төрағалығымен 2025 жылға дейін халық табысын арттыру бағдарламасын жүзеге асыру бойынша жиналыс өтті. Жиынға орталық және жергілікті мемлекеттік органдардың, даму институттарының, ірі өнеркәсіптік кәсіпорындардың, шағын және орта бизнестің өкілдері қатысты. Кешенді жоспардың шеңберінде Павлодар облысында мектеп оқушыларын кәсіби бағдарлау экожүйесі құрылды. «Жаңа мамандықтар атласы» - мектеп түлектеріне еңбек нарығында заманға сәйкес қабілеттерді игеруге мүмкіндік береді. Аталмыш жоба білім алушыларға өмірдегі өз орнын табуға бағытталған. Осылайша, өткен оқу жылында 20 мың жоғарғы сынып оқушылары кәсіби диагностикадан өтті. Вице-премьер Бағдарламада жастардың құзыреттілігін дамыту, олардың жұмыспен қамтылуын арттыру, жұмыс істейтін халықтың, оның ішінде, тұрғындардың әлеуметтік осал топтарының дағдыларын дамыту мәселелеріне ерекше көңіл бөлінетінін атап өтті. Жалпы алғанда, білім берудің үздіксіз моделі болашақ мамандарды өз кәсібін дұрыс таңдауға мүмкіндік береді. Е. Тоғжанов «Жаңа мамандықтар атласы» түлектер мен жұмыс берушілер үшін басты бағдар болатынын атап өтті. Өңірде жүзеге асырылып жатқан пилоттық жоба еліміздің басқа облыстары үшін табысты мысал болуы керек.

«Бағдарлама, ең алдымен, халықтың табысын арттыруға және нәтижелі жұмыспен қамтуды қамтамасыз етуге бағытталған. Жалпы алғанда, өңдеу өнеркәсібінде 126 мың жаңа жұмыс орындары құрылатын 713 жоба жүзеге асырылады. 50 ірі кәсіпорындардың жанынан шағын және орта бизнес белдеулері құрылады. Бұл кәсіпкерлік субъектілерінің табысын арттыруға, тауарларды кепілді түрде сатуға, өнімділікті арттыруға мүмкіндік береді», - деді Ералы Тоғжанов. ҚР Премьер-Министрінің орынбасары Ералы Тоғжанов «2025 жылға дейін халықтың табысын арттыру бағдарламасы» шеңберінде Павлодар облысына жұмыс сапары кезінде көп балалы аналармен кездесіп, «Бақытты отбасы» отбасыларды қолдау орталығының қызметімен танысты. Одан соң корпустық және металл жиһаз жасап шығаратын зауытты аралады. Кәсіпорында Павлодар химия-механикалық колледжінің студенттері дуалды оқыту аясында еңбек етуде. Үкімет басшысының орынбасары облыс орталығындағы басқа да бірқатар әлеуметтік және өндірістік нысандарда болып, жұмысымен танысты. Толығырақ газетіміздің алдағы нөмірінен оқи аласыздар.

Количество показов: 697

Возврат к списку