Ұлттық сипатта өтеді

СОҢҒЫ ЖАРИЯЛАНЫМДАР

11 медаль!
11:05 24.01.2023 966

Абайлаңыз, көктайғақ!
11:02 24.01.2023 865

Мәселелерді жедел шешу - шарт
11:01 24.01.2023 915

Жаңа әкімдердің жүгі қандай?
10:58 24.01.2023 994

Қолтаңбасы өшпейтін қайраткер
10:55 24.01.2023 1178

Автонесие: ескіден жаңасы артық
10:52 24.01.2023 936

Бал өндірісінен «бал тамбай тұр»
10:50 24.01.2023 824

Жұмыс тәулік бойы жүргізілуде
10:49 24.01.2023 983

Ауылда мәдениет үйі салынуда
10:46 24.01.2023 1025

Шетелдік көліктерді заңдастыру басталды
18:10 23.01.2023 924

Квота көбейеді
11:02 22.11.2022 3186

Қала дамуы қарқынды
11:01 22.11.2022 2903

Баянауылдық «бай-барымташылар бандасы»
10:59 22.11.2022 2859

Жастар белсенділік танытты
10:55 22.11.2022 3153

ІТ-индустрияны қалай дамытамыз?
10:54 22.11.2022 3178

Қаныштың қамқорлығын көрген...
09:34 22.11.2022 3290

Бүгінгі таңдау - ертеңге бағдар
09:27 22.11.2022 3371

Жан жылуы
09:38 21.11.2022 2812

Жаңа үй салынады
09:37 21.11.2022 2828

Кәсіп бастау тетігі – «Даму»
09:36 21.11.2022 3131

04.03.2021

Ұлттық сипатта өтеді

Облыста Тәуелсіздіктің 30 жылдығы мен Ұлыстың ұлы күні - Наурыз мейрамын атап өтуге қатысты дайындық жұмыстары қызу жүріп жатыр. Тіпті, бірқатар игі іс басталып та үлгерді. Мерекелік бағыттағы шаралар жыл соңына дейін жалғасады.

Облыстық әкімдікте өткен жиын барысында ақпарат және қоғамдық даму басқармасының басшысы Азамат Байтенов өңірдің ірі өндіріс орындары, шағын және орта бизнес, үкіметтік емес, жастар және еріктілер ұйымдары жыл бойы «Қайырымды істер марафоны» жалпыұлттық шарасына қатысатынын айтты.
- Жастарды жұмыспен қамту мен әлеуметтік мәселелерге ерекше назар аударылатын болады. «Uzdik Maman» байқауы, жұмысшы жастардың сайыстары, техникалық колледждер базасында
«WorldSkills» бойынша өңірлік чемпионат ұйым-дастырылады. Сондай-ақ, «Мерейлі отбасы», «Тәуелсіздіктің құрдастары», «Ertis Daryny» байқаулары өтеді. Білім беру және зерттеу жобаларында жетістіктерге жетіп жүрген талантты жастарды ынталандыруға бағытталған шаралар да қамтылды, - деді А.Байтенов.
Мерейтойлық күнтізбеге Жамбыл Жабаевтың 175 жылдығы, Қажымұқан Мұңайтпасовтың 150 жылдығы, Әлихан Бөкейхановтың 155 жыл-
дығы, Ыбырай Алтынсариннің 180 жылдығы, Мұқағали Мақатаевтың 90 жылдығы және Семей ядролық полигонының жабылғанына 30 жыл толуына арналған іс-шаралар енгізілді.
Облыстағы театрлар өз премьераларын Тәуелсіз-діктің 30 жылдығына арнамақ. Атап айтқанда, Ж.Аймауытов атындағы қазақ музыка-драма театрында «Желтоқсан желі», А.Чехов атындағы драма театрында «Возрождение» спектакльдері сахналанады.
Облыстық мәдениет, тілдерді дамыту және архив ісі басқармасының басшысы Самал Бегалинова Наурыз мейрамы аясында ұйымдастырылатын шараларға тоқталды. Мәселен, «Jebe» қоғамдық бірлестігі ұлттық нақыштағы киімдерді насихаттайтын «Ең әдемі киім – ұлттық киім» акциясын өткізуді жоспарлап отыр. Үйді ұлттық нақышта безендіру бойынша «Шаңырақ Best» байқауы және «Наурыз көже» ұлттық тағамдарын дайындау сайысы ұйымдастырылады.
- «Ertis» телеарнасында «Наурыз-Думан» онлайн-концерті көрсетіледі. Көрермендерге аудан-қала-лардағы шығармашылық ұжымдардың қатысуымен 14-21 наурыз аралығында 8 концерттік бағдарлама ұсынылады. Ж.Аймауытов атындағы қазақ музыка-драма театры «Наурыз көктем» театрландырылған тележобасын қойып, ол 22 наурызда «Ирбис» телеарнасы арқылы көрермен қауымға жол тартады, -
деді С.Бегалинова.
Сонымен қатар, 19 наурызда «Көрпе Fest» этно-фестивалінің жеңімпаздарын марапаттау рәсімі өтеді. Бұл байқауға 200-ден астам қолөнерші қатысуда. Ал 21 наурызда облыс орталығында белгілі жерлесіміз, ақын, әнші әрі композитор Естай Беркімбаевтың ескерткіші ашылады. Осы күні Естай атындағы Мәдениет сарайында, «Шаңырақ» орталығы мен аудан-қалаларда домбыра ойнауды дәріптейтін дәстүрлі ән орталықтары жұмысын бастайды.

Облыс әкімінің баспасөз қызметі.

Количество показов: 417

Возврат к списку