Ұлттық спорттың жағдайы қалай?

СОҢҒЫ ЖАРИЯЛАНЫМДАР

11 медаль!
11:05 24.01.2023 595

Абайлаңыз, көктайғақ!
11:02 24.01.2023 605

Мәселелерді жедел шешу - шарт
11:01 24.01.2023 544

Жаңа әкімдердің жүгі қандай?
10:58 24.01.2023 616

Қолтаңбасы өшпейтін қайраткер
10:55 24.01.2023 809

Автонесие: ескіден жаңасы артық
10:52 24.01.2023 589

Бал өндірісінен «бал тамбай тұр»
10:50 24.01.2023 468

Жұмыс тәулік бойы жүргізілуде
10:49 24.01.2023 607

Ауылда мәдениет үйі салынуда
10:46 24.01.2023 632

Шетелдік көліктерді заңдастыру басталды
18:10 23.01.2023 565

Квота көбейеді
11:02 22.11.2022 2922

Қала дамуы қарқынды
11:01 22.11.2022 2813

Баянауылдық «бай-барымташылар бандасы»
10:59 22.11.2022 2780

Жастар белсенділік танытты
10:55 22.11.2022 2867

ІТ-индустрияны қалай дамытамыз?
10:54 22.11.2022 2826

Қаныштың қамқорлығын көрген...
09:34 22.11.2022 2923

Бүгінгі таңдау - ертеңге бағдар
09:27 22.11.2022 2994

Жан жылуы
09:38 21.11.2022 2725

Жаңа үй салынады
09:37 21.11.2022 2724

Кәсіп бастау тетігі – «Даму»
09:36 21.11.2022 2848

Емханаларға тіркеу аяқталды
09:35 21.11.2022 2778

05.11.2022

Ұлттық спорттың жағдайы қалай?

Өңірімізде ұлттық спорт түрлері қарқынды дамып келеді. Оған балуандардың, көк-паршылардың республикалық деңгейдегі жарыстардан үнемі олжалы оралуы дәлел. Жергілікті спортшылар саны да артқан. Аймақта спорттың бұл саласына ден қойған жастар саны да артуда. Даму болғанымен, өзекті мәселелер де бар. Осы және өзге де жайттар туралы М.Қайырбаев атындағы ұлттық спорт клубының басшысы Дархан Жоламановпен сұхбаттасып қайттық.

- Дархан Әдепбайұлы, алдымен өңірімізде ұлттық спорт түрлерін дамыту барысы туралы айтып өтсеңіз...

- Жалпы, осы клубтың басшысы ретінде тағайындалғаныма бір жарым жыл болып қалды. Енді карантин кезінде біраз баяулап қалғанымыз рас. Ал бүгінде ұлттық спорт жақсы қарқында дамып келеді. Атап өтсек, қазақ күресінің спортшылары үлкен белестерден көрінуде. Өткен жылы спорт шебері атағын екі спортшы алса, биыл олардың саны беске жетті. Менің ойымша, бұл - жақсы нәтиже.

- Аудан, ауыл жастарының ұлттық спортқа деген құштарлығы қандай?

- Ұлттық спорттағы жетістік-тердің көбіне осы ауылдың жастары қол жеткізуде. Өйткені, ауылдың балалары аттың құлағында ойнайтыны айдан анық қой. Ат спортын дамытып жатқан да - осы ауылдың жастары.

- Ал қаланың жастарының бет алысы қалай?

- Әрине, қала жастары да бар. Күрес, тоғызқұмалақ сынды спорт түрлерінен биік шыңдарды бағындыруда. Бірақ ат спорт түрлеріне деген белсенділік аз. Мұнда спорт үйірмелері көп. Қысқаша айтқанда, қалада ұлттық спортқа деген жағдай жасалған.

- Ұлттық спорт түрлеріне қатысты қандай қиындықтар бар?

- Бүгінгі таңда ұлттық спорт түрлеріндегі басты қиындық – жаттықтыру-шылардың мәселесі. Қай жағынан алып қарасақ та, спортшылардың мықты болып шығуы бапкерге байланысты. Сондықтан біз өңірдегі жаттықтырушыларды оқу, тәжірибе алмасу семинарларына тұрақты түрде жібереміз. Себебі олар біліктілігін үнемі арттыруы тиіс. Бапкердің тапшылығы да бар. Әсіресе, ат спортында аздық етеді. Сондықтан осы бағытта қазір жұмыс жасаудамыз. Келешекте аудандарды аралап, ат спорты дамып келе жатқан жерлерде бапкерлік штат ашу жоспарымызда бар.

- Өзіңіз де қазақ күрес мектебінің түлегісіз. «Қазақстан барысына» қатысып, едәуір жетістікке жеттіңіз. Жалпы, Павлодардағы қазақ күресінің жағдайы қалай?

- Айтып өткендей, балуандарымыз жақсы нәтиже көрсетуде. Биыл балуандарымыз Қазақстан чемпионатынан 5 алтын, 9 күміс, 14 қола медаль алып келді. Айта кету керек, Қазақстан Республикасы бойынша жасөспірімдер арасындағы 20 құраманың ішінен павлодарлық балуандар 3-ші орынға табан тіреді. Ересектер үздік бестіктен көрінді. Қазақ күресіндегі қуантарлық жағдай – ару қыздарымыз боз кілемде мықтылығын дәлелдеп жүр. Осыған дәлел – ересектер арасындағы Қазақстан чемпионатынан 6 балуан қызымыз жүлделі оралды.

- Өңірімізден «Қазақстан барысына» дайындап жатқан балуандар бар ма?

- Салмақты балуандарымызды дайындап, жағдайларын жасап, жеке жұмыс жасаудамыз. Әзірге 3 балуанымыз бар. Олар – Дәлелханұлы Мұхтар, Ерғантай Еламан және Гайсаев Асылжан.

- Ал көкпарды дамыту барысы қалай?

- Көкпар – өте қиын командалық ойындардың бірі. Оған қарамастан, біздің спортшыларымыз бірінші лига ойындарында 5-орында тұр. Соңғы уақытта көкпарды кеңінен насихаттау мақсатында жарыстарды жиі өткізуді ұйғардық. Қазан айында іріктеу ойындарын өткізіп, жеңімпаз атанған команданы облыстың намысын қорғауға жібердік. Жақында Қарағанды қаласында өткен жарыста көкпаршыларымыз 2-орынды қанжығасына байлады.

- Алға қойған жоспарлармен бөліссеңіз...

- Жергілікті балуандарды үлкен додаларға дайындаудамыз. Жақында қазақ күрес федерациясы жаңа ережелерді енгізді. Балуандардың жыл бойы жинаған жүлделерін ұпай ретінде санап, нормалық ұпай санынан асқан спортшыларға Қазақстан чемпионатына қатысуға мүмкіндік береді. Чемпиондарды Әлем және Азия чемпионатына жібереді.

- Сұхбат бергеніңізге рақмет! Павлодарлық спортшылар биік белестерден көрінеді деген ойдамыз.

Мақсат КӨЛТАЙ.

Количество показов: 2417

Возврат к списку