Мұрагерге жинақты алуға бола ма?

СОҢҒЫ ЖАРИЯЛАНЫМДАР

Алтын аға
10:30 04.08.2022 619

Балабақшалар қалай бақыланады?
10:28 04.08.2022 632

Әнші арманы
09:57 02.08.2022 641

«Мектепке жол» акциясы басталды
09:54 02.08.2022 823

Жол жабылмайды
09:52 02.08.2022 625

Мәшһүр Жүсіп және Бекасыл хазірет
09:49 02.08.2022 655

Пәтер кезегін себепсіз жылжытқан
09:47 02.08.2022 636

Денсаулық пойызы келді
09:45 02.08.2022 654

04.08.2022

Мұрагерге жинақты алуға бола ма?

Бірыңғай жинақтаушы зейнетақы қорында жинақтары бар адам дүниеден өткен жағдайда, ҚР заңнамасында белгіленген тәртіппен ондағы қаражат мұрагерлік бойынша туыстарына беріледі. Қаржы екiншi деңгейлі банктердің мұрагер көрсететiн карточкалық шотына аударылады. Тек бұл ретте жинақтан 10% жеке табыс салығы шегерілетінін есте сақтау керек.

2020 жылдан бастап «қайтыс болуды тіркеуге байланысты қызметтерді көрсету кезінде оңтайландырылған процесті пилоттық режимде жүзеге асыру кезінде уәкілетті органдардың өзара іс–қимылы туралы» бірлескен бұйрық қолданысқа енгізілді. Бұл туралы Өңірлік коммуникациялар қызметінде өткен брифингте «БЖЗҚ» АҚ ПОФ-тың директоры Владимир Питраков мәлімдеді.

- Марқұм адамның зейнетақы жүйесіндегі қаражатты алу үшін туысы алты ай ішінде нотариуске өтініш беруі керек. Олар мұрагерлікті сол уақыт ішінде бекітеді. Заң күшіне енгеннен кейін 10 күннің ішінде қаражат мұрагердің иелігіндегі шотқа түсетін болады. Қаржы аудару кезінде аударылған соманың 10%-ы салық ретінде алынады, - деді В.Питраков. Егер БЖЗҚ-да жинақ ақшасы бар Қазақстанның бұрынғы азаматы ҚР-нан тысқары басқа мемлекетке көшіп, шетел азаматтығын алса, онда оған қордан зейнетақы жинақтары төленеді. «Қор қайтыс болған адамдар туралы мәліметтерді ақпараттық жүйелерді интеграциялау арқылы немесе «Электрондық үкімет» порталында өлімді мемлекеттік тіркеу туралы электрондық анықтамаларды тексеру арқылы алады. Қайтыс болған адам мен өтініш берушінің арасындағы туыстық байланыстар туралы ақпараттық жүйелерде мәліметтер болмаған жағдайда, оларды сәйкестендіру мақсатында өтініш берушінің қайтыс болған адаммен туыстығын растайтын құжаттарды ұсынуына болады», - дейді В.Питраков. Бірлескен бұйрықты орындау шеңберінде, БЖЗҚ 2020 жылдан бастап қайтыс болған салымшылар бойынша (Қазақстан Республикасынан тыс жерлерде берілген қайтыс болу туралы куәліктерді ұсыну жағдайларын қоспағанда) жерлеуге арналған біржолғы төлемді алуға өтініш білдірген кезде жеке тұлғалардың мемлекеттік Деректер қоры ақпараттық жүйесінде тіркелген қайтыс болу туралы мәліметтерді басшылыққа алады. Егер онда мәліметтер табылмаса, қор тиісті бас тарту себебін көрсете отырып, өтініш иесіне құжаттарды қабылдаудан бас тарту туралы қолхат береді. Алушы, сондай-ақ БЖЗҚ-да зейнетақы жинақтары бар және зейнеткерлік жасқа толмаған адам (ерлер 63 жасқа толғанда, әйелдер 2022 жылы 60,5 жасқа толғанда) қайтыс болған жағдайда, оның отбасына не жерлеуді жүзеге асырған адамға БЖЗҚ мынадай төлем жасайды: Белгіленген айлық есептік көрсеткіштің 52,4 еселенген мөлшері шегінде, бірақ жеке зейнетақы шотындағы (бұдан әрі-ЖЗШ) қаражаттан аспайтын жерлеуге арналған біржолғы төлем. Егер жерлеуге арналған біржолғы төлем жүзеге асырылғаннан кейін алушының шотындағы зейнетақы жинақтарының қалдығы тиісті қаржы жылына арналған республикалық бюджет туралы заңда белгіленген ең төмен зейнетақы мөлшерінен аспайтын соманы құраса, бұл қалдық жерлеуге арналған төлем ретінде төленеді. Ағымдағы жылдың 1 тамызындағы жағдай бойынша БЖЗҚ салымшылардың тұрғын үй жағдайларын жақсарту үшін зейнетақы жинақтарын пайдалануға 1 327 799 өтінішіті орындады. Қазақстандықтардың арнайы шоттарына 3,1 трлн теңгеден астам қаржы аударылды. Павлодар облысының тұрғындарынан мақсатты пайдалану - тұрғын үй жағдайын жақсарту бойынша барлығы 93 668 өтініш келіп түсті. Оның ішінде 67 553 өтініш бойынша салымшылардың арнайы шоттарына 95 млрд 691 млн теңге аударылған.

- Бірыңғай жинақтаушы зейнетақы қоры өзінің салымшылары мен алушыларына 18,4 миллион теңгенің қызметтерін көрсетті. Олардың ішінде 12,6 млн теңгенің операциялары - электронды форматта, 4,4 миллионы автоматты режимде көрсетілді. Осылайша, қазақстандықтар зейнетақы қызметтерінің 93%-ын қашықтан алды, - дейді зейнетақы қорының өңірлік филиалы директорының орынбасары Нұржамал Дүйсембаева. БЗЖҚ әрбір салымшыға өзінің болашақ зейнетақысын болжауға мүмкіндік беретін зейнетақы калькуляторын да құрастырып берді. Зейнетақы калькуляторын Қордың офистерінде, www.enpf.kz сайтында, мобильді қосымшада, Қордың ақпараттық дүңгіршектерінде қолдануға болады.

Айдана БОРАНБАЕВА.

Количество показов: 506

Возврат к списку