Мұз сарайы жанкүйерлерді күтеді!

СОҢҒЫ ЖАРИЯЛАНЫМДАР

Алтын аға
10:30 04.08.2022 619

Балабақшалар қалай бақыланады?
10:28 04.08.2022 632

Әнші арманы
09:57 02.08.2022 641

«Мектепке жол» акциясы басталды
09:54 02.08.2022 824

Жол жабылмайды
09:52 02.08.2022 626

Мәшһүр Жүсіп және Бекасыл хазірет
09:49 02.08.2022 655

Пәтер кезегін себепсіз жылжытқан
09:47 02.08.2022 636

Денсаулық пойызы келді
09:45 02.08.2022 654

12.10.2021

Мұз сарайы жанкүйерлерді күтеді!

Шайбалы хоккейден ел чемпионатының кезекті турында павлодарлық «Ertis» «Теміртаумен» кездесті. Матчтың басты жаңалығы – көрермендердің аренаға кіруіне рұқсат беріліп, екі жыл үзілістен кейін жанкүйерлер сүйікті командасын мұз сарайында отырып қолдауға мүмкіндік алды.

Оралхан ҚОЖАНОВ

Рұқсаттың берілгені (көрермендер 30 проценттен аспауы тиіс) кездесу басталуға 1-2 сағат қалғанда ғана белгілі болды. Бұл жаңалықты «Ertis» командасының баспасөз қызметі шама-шарқынша әлеуметтік желілер арқылы жедел таратуға тырысты. Павлодарлықтар қуанышты хабарды кеш естісе де, жаппай мұз сарайына ағылды. Спорт нысанына кіру «Ashyq» қосымшасы арқылы реттелді. Сүйікті командасының жейдесін киген балалар кездесудің көркін ашты. Аз уақыттың ішінде 100-ден астам жанкүйер жиналып, матч бойы жерлестерін қолдап отырды. Бір жағынан психологиялық тұрғыдан «Ertis» командасының жас ойыншыларына салмақ түскені рас. Енді ғана еңсе тіктеп, тәжірибе жинақтап келе жатқан жас командаға жанкүйерлердің алдында өнер көрсету қиынға соқты. «Ұтылсақ ұят болады-ау» деген ойлар сананы жаулап алады мұндайда. Кездесу бастала сала теміртаулықтар есеп ашып, жағдайды қиындатып жіберді. Белоцкий командасын алға шығарды. Бірақ теміртаулықтардың қуанышы ұзаққа созылған жоқ. Жергілікті жанкүйерлердің зор қолдауын сезінген Камбулов есепті теңестірді. Бұдан кейін қос команда да сауатты қорғанып, қауіпті шабуылдарды ұйымдастыра білді. Сондай сәттердің бірінде Шафеев шайба соғып, «Теміртау» 1:2 есебімен алға шықты. Алғашқы кезең осындай есеппен аяқталды. Екінші кезеңде шайба соғылмады. Гол тіркелмесе де, қызықты сәттер аз болған жоқ. Ойыншылар жиі тәртіп бұзып, кездесу 5/3, 4/4 форматында жалғасын тапты. Әрине, мұз айдынында аз ойыншы болған сайын шайба соғуға мүмкіндік арта түсетіні белгілі. Десе де, қос команда да жеңілдіктерді мүлт жіберіп жатты. Үшінші кезеңді асыға күткеніміз рас. Себебі, соңғы кездесулерге көз жүгіртсек, павлодарлықтар алғашқы екі кезеңде ұтылып жатып, шешуші кезеңде 2-3 шайба соғып, айды аспаннан бір-ақ шығаратын «әдет» шығарыпты. Мүмкін тактика шығар. Қарсыласы «жеңдік» деп босаңсыған кезде жастар шабуылға лап қоятындай. Соңғы кезең бастала сала теміртаулықтар есепті еселей түсті. Жорабек мергендігімен танылды. Павлодарлықтардың «тосын сыйын» күтіп отырдық. Түйсік алдаған жоқ. Репин шайба соғып, есепті қысқартты (2:3). Бірақ, жерлестеріміз қанша шабуылдағанымен, есепті теңес-тіруге уақыт жетпеді. Соңғы минуттарда қақпашының орнына шабуылшыны шығарғанымен, өз қақпамызға шайба өткізіп алдық. Бос тұрған қақпаны Преснов дәл көздеді. Қорытынды есеп – 2:4. «Теміртау» командасы Павлодардағы екі кездесуде мүмкін болған 4 ұпайды қанжығасына байласа, павлодарлықтар 1 ұпай жинады. Жерлестеріміз келесі кезде-суін 20, 21 қазанда сырт айдында өскемендік «Алтай-Торпеда» командасына қарсы ойнайды.

Количество показов: 1269

Возврат к списку