Мектепке дайындық қанша тұрады?

СОҢҒЫ ЖАРИЯЛАНЫМДАР

Алтын аға
10:30 04.08.2022 618

Балабақшалар қалай бақыланады?
10:28 04.08.2022 631

Әнші арманы
09:57 02.08.2022 640

«Мектепке жол» акциясы басталды
09:54 02.08.2022 821

Жол жабылмайды
09:52 02.08.2022 624

Мәшһүр Жүсіп және Бекасыл хазірет
09:49 02.08.2022 653

Пәтер кезегін себепсіз жылжытқан
09:47 02.08.2022 634

Денсаулық пойызы келді
09:45 02.08.2022 653

06.08.2022

Мектепке дайындық қанша тұрады?

Білім күні жақындаған сайын дүкендер мен базарлардың сөресі мектепке қажетті заттар мен киім-кешекке лық толатыны белгілі. Таңдауда шек жоқ. Тек ата-аналардың қалтасы көтерсе болғаны. Шаһардағы дүкендер мен базарларға бас сұғып, бағаларын зерделеп көрдік.

Оқуға баратын баланың басты қажеттілігі мектеп формасы екені анық. Әр бала өз талғамы бойынша киінуді қалап, өзімен шамаластарынан қалғысы келмейді. Тіпті, кей жағдайларда ата-аналарына ауыртпалық салып жататыны да рас. Әуелі оқуға қажетті кеңсе тауарларын сүзіп шықтық. Жұқа 12 беттік дәптер үлкен кеңсе заттарын сататын сауда үйлері мен базарларда 45 теңге, ал әлеуметтік дүкенде 40 теңге тұрады. Қалам бағасы базарда 50 теңгеден басталып, 200 теңгеге дейін жетеді. Түрлі түсті қарындаштар базарда 450-2000 теңге аралығында болса, арнайы дүкендерде ол қымбат, кейбір түрі 7000 теңгеге дейін сатылып жатқанын көрдік. Қазір электронды күнделік шығуына орай қағаз күнделікке сұраныс азайған. Дегенмен оны алатын ата-аналар да бар. Күнделіктер оқу бағдарламаларына орай бес және алты күндік деп бөлінеді. Жұқа түрі 300 теңге болса, қатты мұқабалысы орта есеппен 550-1500 теңгені құрайды. Қалың дәптерлер көлеміне байланысты бағаланады. Мысалы, 48 беттік 250 теңге, 96 беттік - 270 теңге тұрса, ал сауда үйлерінде сәл қымбаттау. Кітап сыртын қаптайтын тыстар жиынтығы 800, дәптерге арналғаны 400 теңге екенін аңғардық. Бұдан бөлек ұсақ- түйек заттардың да құны едәуір артқан. Мәселен, ең қарапайым сызғыш 115, өшіргіш 100, қарындаш желім 150 тг, қайшы 250-300, түрлі түсті қағаздар 300-теңгеден басталады. Пеналдың бағасы да өсіп, әдемілері 5000 теңгеге дейін жеткен. Бұдан соң мектеп формасы, спорттық киім, аяқ киім мен сөмкелердің бағасын да шолып шықтық. Көптеген киім-кешек, ұсақ-түйек заттар қымбаттаған. Мәселен, қыздардың шашына тағатын банттар базарда 1000 теңге тұрса, ал сауда үйлерінде бағасы одан да жоғары. Әрине, көп нәрсе материалға және өндіруші елге байланысты. Мысалы, базардағы блузкаларды (Қырғызстан өндірісі) ортаңғы сынып оқушылары үшін 5000-7000 теңгеге сатып алуға болады. Түрік мемлекетінде шығарылған әлгіндей жейделер шамамен 9000-10000 теңге тұрады. Белдемшелер базарда орташа есеппен 4500 теңгеден басталып, 7500 теңгеге дейін жетеді. Базар мен дүкендегі сарафандар 8000 теңге шамасында. Желеттер 4500 теңгеден, ал жемпірлер 6500 теңгеден басталады. Ұлдарға арналған қырлы шалбар базарда 6500, ал кейбір дүкендерде 4500 теңгеден сатылып жатқанын көрдік. Ер балаларға арналған жейделердің ең арзаны 4500 теңге. Спорттық киімдер базарда ер балалар үшін 8 мыңнан, қыздарға арналғаны 7,5 мың теңгеден басталып сатылуда. Спорттық аяқ киімдері орта есеппен 8000-9000 теңгені құраса, мектеп рюкзактары орташа есеппен 9-10 мың теңге тұрады. Жоғарыдағы бағалар ең арзаны және орташа есептеліп көрсетілгені деп ұғыңыз. Осы бағаның өзімен есептегенде бір баланы киіндіруге шамамен 100 мың теңгеге жуық ақша қажет болады екен. Базарлар мен арнайы дүкендерде, сауда үйлерінде, өкінішке қарай, мектепке қажет киімдер мен оқу құралдары үшін сатып алушыларға ешбір жеңілдік жасалмайды екен. Сатушылардың айтуынша, алдағы уақытта жаңадан импорт тауарлар келеді. Олардың бағасы қазіргіден де қымбат болатыны анық. Ендеше балаңызды мектепке дайындау үшін қаржыңызды молырақ дайындаңыз, құрметті ата-ана!

Аяулым ТӨЛЕГЕНОВА.

Количество показов: 426

Возврат к списку