Ән мәтінін қалай дұрыстаймыз?

СОҢҒЫ ЖАРИЯЛАНЫМДАР

Алтын аға
10:30 04.08.2022 619

Балабақшалар қалай бақыланады?
10:28 04.08.2022 632

Әнші арманы
09:57 02.08.2022 641

«Мектепке жол» акциясы басталды
09:54 02.08.2022 824

Жол жабылмайды
09:52 02.08.2022 626

Мәшһүр Жүсіп және Бекасыл хазірет
09:49 02.08.2022 655

Пәтер кезегін себепсіз жылжытқан
09:47 02.08.2022 636

Денсаулық пойызы келді
09:45 02.08.2022 654

28.07.2022

Ән мәтінін қалай дұрыстаймыз?

Мәдениет пен өнердегі зиялы қауым соңғы уақытта отандық эстрадада орындалып жүрген жаңа әндердің мағынасы сұйылып, тыңдарманға пайдасы жоқ ессіз туындылардың көбейіп бара жатқанын жиі айтады. Әндерді жарыққа шығармас бұрын әуелі оны сүзгіден өткізіп, көркемдік комиссияда талқылануы керек деп есептейді. Кейбір әншілер ескі қазақ әндерін түсініксіз бағытта өңдеп, оны отандық телеарналар да еш талғамсыз қабылдап алып, эфирге беріп жататыны - ойлантатын мәселе. Өнер әлеміне қадам басқан әншілердің туындыларын көркемдік тұрғыдан зерделейтін арнайы комиссия құру бұл олқылықтың орнын толтыра ала ма?

Асығат ТҰРҒАНБЕК, ақын, жас ақындар клубының жетекшісі:

- Жалпы, мәдениет саласындағы бүгінгі жайсыз жағдай-лардың орын алуы - зиялы қауым өкілдеріне үлкен сын. Қазағымыздың бойына сіңген қара өлеңге кір келіп, оның құрылысы, мағынасы мүлде өзгеріске ұшырады. Оның үстіне жұртшылық дәстүрлі ән, терме, жыршылық өнердің майын тамызып орындайтын дарындыларды бағаламайды. Тіпті, керемет дауыс иелерін шетелдіктер мойындаған соң ғана талантына оң көзқараспен қарай бастаймыз. У-ду әндер - бүгінгі қоғамның сұранысы. Бүгінгі тыңдарманның ой-өрісі ойын-күлкіге әуес. Ал жас әншілер ел көңілінен шығатын әндерге сұранып, «жұлдыз боламын, тойға шығамын, жақсы қаражат табамын» деген мақсатта сахнаға шығады. Сондықтан мәдениеттен алшақтамай, ұлттық руханиятымызды көтеру үшін туындылардың тәлім-тәрбие беруіне көңіл бөлгеніміз абзал. Мұны өзгертуге ерекше құбылыс керек. Яғни, мемлекеттік құзырлы бақылау комиссиясын немесе електен өткізетін орталық ашылғанын орынды деп есептеймін.

Амангелді ҚОЖАНОВ, И.Байзақов атындағы облыстық филармонияның басшысы:

- Иә, қазіргі жұртшылықта еркіндік ұғымы шектен тыс қалыптасуда. Мағынасыз ән мәтіндерінің жарыққа шығуына ақындарды кінәлауға келмейді. Ақындар әншінің қалауына байланысты мәтін жазады. Көпке топырақ шашқаным емес, десе де, көпшіліктің санасы мен ойының тіркесі «ұйқым келмейді» болуда. Оның «хит» болуына да өзіміз себепкерміз. Таяқтың да екі ұшы бар демекші, олқылық біздің, яғни, тыңдарман тарапынан да бар екені жасырын емес. Қазіргі газет, кітап оқымайтын тобыр топты тоқтату мүмкін емес. Мұның бір ғана жолы – заң тұрғысынан шектеу не тоқтау қою, жеке заң қабылдау. Бізге шетелдік әуенге, түрлі ағымдарға тым әуестеніп, соңынан еріп кетуге болмайды. Ұлттық қасиетімізге сай жаңа бағыттар, өзгеше стиль керек. Бұл бағытта ізденіп жүрген жастар баршылық. Соларды қолдау қажет. Жалпы, мемлекет тарапынан әндердің сөзіне қатысты заң нормаларын шығаруды құптаймын.

Балнұр АТАЖАНОВА, тыңдарман:

- Бүгінгі күннің жастары ана тілі мен ұлттық әндерді әркімнің қорлауына жол бермейді. «Әнші – халықтың әдеби көрінісінің келбеті» деп бекер айтпайды. Атың шықпаса, жер
өрте демекші, жеңіл, мағынасыз әндерді тыятын жолды табуымыз қажет. Әрине, жастардың талғамы заманға сай өзгерді. Десе де, бір ғана әнге сүйеніп, жаңаша бағытта дүние ұсынған жастардың барлығына күйе жағуға болмас. Талантты, көркем жазатын өнер иелері бар. Ата-анамнан естуімше, бұрындары көркемдік кеңес жаңа шыққан әнді тыңдап, сахнада халыққа айтуға бола ма, болмай ма деп кеңес берілген екен. Осы үрдіс қайта жаңданса, дауысы мен талғамы жоқ, мәдениеттен хабары жоқ «жұлдыздар» азаяды деп ойлаймын. Бұл тұста, еліміздегі музыкалық телеарна басшыларын да қатаң қадағалау қажет.

«Алаңды» үйлестірген – Махаббат ТӨЛЕБАЙ.

Количество показов: 641

Возврат к списку