Өнерде шекара жоқ

СОҢҒЫ ЖАРИЯЛАНЫМДАР

Алтын аға
10:30 04.08.2022 615

Балабақшалар қалай бақыланады?
10:28 04.08.2022 628

Әнші арманы
09:57 02.08.2022 637

«Мектепке жол» акциясы басталды
09:54 02.08.2022 819

Жол жабылмайды
09:52 02.08.2022 622

Мәшһүр Жүсіп және Бекасыл хазірет
09:49 02.08.2022 651

Пәтер кезегін себепсіз жылжытқан
09:47 02.08.2022 632

Денсаулық пойызы келді
09:45 02.08.2022 650

04.08.2022

Өнерде шекара жоқ

Облыстық «Шаңырақ» халық шығармашылығы орталығының ұйымдастыруымен алдағы аптада «Sheksiz» атты заманауи өнер фестивалін өткізу жоспарлануда. Жоба заманауи өнер саласының негізгі жеті бағытын қамтиды. Кешке елімізге белгілі хитмэндер Qanay және Kalifarniya-ны шақыру жоспарлануда.

Бұл туралы Өңірлік коммуникациялар қызметінде өткен брифингте облыстық «Шаңырақ» халық шығармашылығы орталығы басшысының міндетін атқарушы Замира Солтан мәлімдеді.

- Жоба 7 бағыттан тұрады. Олар: рэп, битбокс, заманауи би, диджейлік өнер, мобилография, этно-фьюжн, Street art (Граффити), скейтборд. Көрермендерге ыңғайлы болуы үшін саябақ ортасына сахна орнатылып және 6 арнайы алаңдар жасалады. Кешкі уақытқа жоспарланған фестиваль қорытындысын хедлайнерлердің қатысуымен өтетін концерттік бағдарламаны да саябақта - орталық сахнадан ұсыну жоспарланған. Бір ерекшелігі, фестиваль барысында көрермендер саябақта серуендей жүріп, көңілдеріне ұнаған өнер түрін тамашалай алады. Жобаның аты айтып тұрғандай, шығармашылықтың, өнердің шекарасы жоқ. Біз білетін дәстүрлі өнерден бөлек, жаңа салалар, бағыттар жас ұрпаққа ерекше әсер ететінін мойындауымыз қажет. Сондықтан, осынау заманауи өнердің көмегімен оларды ынталандыруға, өткір тақырыптарды көтеруге, мәселелерді шешуге, жастарды тарихымызды зерттеуге үндеп, бойында патриотизм сезімін оятуға, білім алуға және үйренгенін жүзеге асыруға талпындыру маңызды, - дейді З.Солтан. Замира Амангелдіқызының айтуынша, іс-шараның мақсаты - өңіріміздегі өнердің заманауи бағыттарын дамыту, шығармашылық жолын жаңадан бастаған жастарды қолдау, аймағымыздың тумалары болып табылатын танымал әртістер мен жас буын өнерпаздардың арасында байланыс орнатып, тәжірибе алмасуға мүмкіндік жасау. Сондай-ақ, заманауи өнердің біздің болмысымыз бен шынайы өмірдегі проблемаларымызға әсер ету жолдарын анықтау. Жоғарыда аталған жанрлар бойынша кәсіби мамандардың шеберлік сағаттарын, «Заманауи өнердің қазіргі қоғам мәселелеріне әсері» тақырыбында «Ойталқы» өткізу жоспарланған. Онда шығармашыл тұлғалар аймағымыздың мемлекеттік органдары өкілдерімен бірлесе жұмыс істейтін болады. Сондай-ақ, жоба барысында «Sheksiz» фестивалінің әнұраны жазылмақ. Жоба барысында жас мобилографтар іс-шараны кәсіби түрде бейне және фотосуретке түсіре алады. Мұнда менторлар мобилография бойынша ең үздік жұмысты анықтайды. Кейін екі бағыт бойынша жеңімпаздар марапатталатын болады. Фестиваль соңы өнер жұлдыздары және жергілікті әртістердің қатысуымен ашық аспан астындағы мерекелік концертпен қорытындыланады. Жобаның хедлайнерлері ретінде концертке жастар арасында аса танымал Qanay және Kalifarniya-ны шақыру жоспарлануда.

Айдана БОРАНБАЕВА.

Количество показов: 503

Возврат к списку