Әнші арманы

СОҢҒЫ ЖАРИЯЛАНЫМДАР

Алтын аға
10:30 04.08.2022 615

Балабақшалар қалай бақыланады?
10:28 04.08.2022 628

Әнші арманы
09:57 02.08.2022 637

«Мектепке жол» акциясы басталды
09:54 02.08.2022 819

Жол жабылмайды
09:52 02.08.2022 622

Мәшһүр Жүсіп және Бекасыл хазірет
09:49 02.08.2022 651

Пәтер кезегін себепсіз жылжытқан
09:47 02.08.2022 632

Денсаулық пойызы келді
09:45 02.08.2022 650

02.08.2022

Әнші арманы

Бұқар жырау атындағы әдебиет және өнер музейінде республикалық, облыстық байқаулардың жүлдегері, дәстүрлі әнші Самал Жақыпованың шығармашылығына арналған «Әнші арманы» атты ән кеші өтті.

Әнші Самал Кәдетқызы 1977 жылы Қарағанды облысы Қарқаралы ауданында дүниеге келген. Мектепті аяқтаған соң, Қарағандыдағы Тәттімбет атындағы өнер колледжінде білім алады. Ал 2003 жылдан бастап Баянауыл ауданы Торайғыр атындағы мәдениет үйінде қызмет етеді. Киелі домбыраның қос ішегімен үндесіп, астасып жатқан дәстүрлі әнді тыңдаған сәтте жүрегің жібімей, ал көңілің шабыттанбай, шаттанбай тұра алмасы анық. Кеш барысында Самал Жақыпова Сейітжансалдың «Қанаталдысын», Абайдың «Өзгеге, көңілім, тоярсың», Есенқұл Жақыпбектің «Алдай-ау» термесін, Рамазан Стамғазиевтің «Дариға дәурен» әнін орындады. Әнші өнер жолына келуіне туған ағасы Жұматай Кәдетұлының ықпалы зор болғанын баса айтты. Дәстүрлі ән өнерінің қыр-сырын үйреткен ұстазы Мейірхан Адамбековті еске алып, алғысын білдірді. Музей әдіскері Назымгүл Шапағат «Көзіңнің мөлдірін-ай» әнін және Иса Байзақов атындағы филармонияның дәстүрлі әншісі Дәуренбек Слямғали халық әні «Гауһартасты» орындады. «Қағандық» ұйымының төрағасы Еркеғали Жанғазы құттықтау хаты мен кәдесыйды Самал Кәдетқызына тарту етті. ҚР Мәдениет қайраткері Балтабай Сыздықов құттықтау сөзін айтып, «Батадан асқан сөз болмас» кітабын сыйлады. Ал «Нұр-Ана әлемі» қоғамдық бірлестігінің төрайымы Бақытжамал Максилова жүрек жарды лебізін жеткізіп, «орамал тон болмайды, жөн болады» деп орамал жапты.

- Самал жас кезінен жарқ етіп, көзге түсті. Облыстық, республикалық дәстүрлі әншілер сайыстарына, Майра, Естай, Жаяу Мұсаның байқауларына қатысып жүрді. Ерекше әуезді дауысы мен тембрі бар. Көбіне арқаның әндерін айтады. Мәдидің «Қаракесегін» ерекше толқыныста орындайды. Соңғы кезде өзінің ән қоржынына Сайлау Байбосын ағамыздың «Ерейментау аруы» деген керемет туындысын қосқан екен. Мәдениет саласында көп жылдан бері жемісті қызмет етіп жүр. Өнер жолы қиын, шығармашылықты алып жүру оңай емес. Өзінің сара жолын салып келе жатқан, артымыздан ерген сіңлімізге шығармашылық табыс, отбасына амандық тілейміз! Әлі де шығатын шыңдары алда деп есептеймін. Өзінің талпынысымен осы киелі дәстүрлі ән өнерін алып келе жатыр, - деді мәдениет саласының ардагері, ақын Алмагүл Бұзаубаева. Дәстүрлі әннің беделі әркез биік болғаны жөн. Өйткені, оның мазмұны да, берер нәрі де, сәні де әлдеқайда құнды әрі жоғары. Ұлттың ұлттық болмысын, өткені мен бүгінін танытатын да осы дәстүрлі ән-жыры болып қала бермек.

Аяулым ТӨЛЕГЕНОВА.

Суретті түсірген - Есенжол Исабек.

Количество показов: 569

Возврат к списку