Қоқыс алаңы саябаққа айналады

Облыс орталығында «Тазалық марафоны» айлығы барысында сенбілік өтті. Шамамен 1,5 мыңнан астам адам Суворов зираты мен Малайсары батыр көшесіндегі 53, 55-інші тұрғын үйлер арасындағы аумақты тазартуға қатысты. Нәтижесінде Павлодар қаласында тағы бір заңсыз қоқыс алаңы жойылып, үй маңаттары мен аулалар ретке келтірілді.

Аймақ басшысы Әбілқайыр Сқақов Суворов зираты мен Малайсары батыр көшесін-дегі 53, 55-үйлер арасындағы аумақты тазарту барысымен танысты. Жалпы, Малайсары батыр көшесіндегі 53 және 55-үйлердің артындағы бос жатқан аумақтың көлемі шамамен 62 гектарды құрайды. Бұл аймақтағы жиналған қоқысты шығару үшін 60 арнайы техника жұмылдырылды. Нәтижесінде 1200 тоннадан астам қоқыс шығарылды. Сенбілікке қоғамдық ұйым-дардың өкілдері, мемле-кеттік қызметшілер, қаланың белсенді тұрғындары атсалысты. Тұрғындар рұқсат етіл-меген қоқыс алаңдары басым екенін жеткізді. Облыс әкімінің айтуынша, болашақта бұл жерде саябақ құрылуы мүмкін.

- Бірақ, алдымен аумақты қоқыстан тазартуымыз керек. Шығыс шағын ауданында демалыс орындары жоқ. Егер әрбіріміз өзімізге және айналамызға тазалық мәдениетін сіңіре алсақ, осы бағытта жұмыс істеуге болады. Кейбір адамдар қоқыс тасып, оны тастау қалыпты жағдайға айналған жерді қала шеті деп есептейді. Мұндағы кез келген бос жер қоқыс төгетін алаңға айналып кеткен. Бүгін сол аумақтың біріне тазарту жұмыстарын жүргіздік. Жыл бойы қоқыстарды тастап, кейіннен бір күнде оны тазарту мүмкін емес. Кемінде айына бір мәрте тазалық шараларын жүргізу керек. Алдағы уақытта қала билігі абаттандырумен айналысса, ал тұрғындар тазалық пен тәртіпті бақылайтын болады. Жергілікті полиция қызметімен өзара іс-қимылды қосымша нығайтатын боламыз, - деді аймақ басшысы. Жақын маңдағы үйлердің тұрғындары облыс және қала басшылығына жеке гараждарға іргелес аумақта да мәселе барын мәлімдеді. Бұл аумақтар да рұқсат етілмеген полигонға айналған екен. Әбілқайыр Сқақов бұл олқылықтың алдын алып, көмектесуге дайын екенін жеткізді. «Тазалық марафоны» айлығына қоғам белсен-ділері, спортшылар және мәдениет өкілдері де қатысты. Спортшы Анастасия Карабыштың сөзінше, бұл орындарға қоқыстар бір жыл уақыт мерзімінде жиналмаған.

- Әрине, тазалық кезінде адамдардың жауаптылығы маңызды екені даусыз. Егер бастапқыда қоқыс тасталмағанда, қала шеті қоқыс орнына айналмайтын еді. Дегенмен, жаппай сенбіліктерді жиі өткізіп тұрсақ, таза аймаққа қол жеткіземіз. Балалар таза аулаға шыға алады. Сол себепті, өз үлесімді қосуға келдім. Барша қала тұрғындарын тазалық шарасына қатысуға шақы-рамын, - деді спортшы ару.Суворов зиратының айналасындағы жағдай да осыған ұқсас. Мұнда да түрлі қоқыс жиналған. Тіпті, апта сайын қоқыс толы жәшіктер жиналып қалатын көрінеді. Облыс әкімі бұл аумақты екі апта ішінде тазалауды талап етті. Сондайақ, қала әкімі Асайын Байхановқа жергілікті полиция қызметімен бірлесіп, жүк көліктерінің қозғалысы мен заңсыз қоқыс алаңдарын бақылауға алуды тапсырды. Бұдан соң облыс әкімі Жаңаауыл кентіне барды. Асайын Байхановтың айтуынша, бұрын бұл шағын ауданда қатты жабынды жолдар болмаған. Бүгінде кентішілік жолдарға асфальт төсеу жұмыстары аяқталуға жақын. Жалпы ұзындығы 4,2 шақырым жол жөнделіп жатыр. Павлодар қалалық тұрғын-үй коммуналдық шаруашылық бөлімінің басшысы Арслан Қалиақпаров әзірге теміржолға дейінгі жол мен шағын тұйық көше жолы аяқталмағанын айтты.

- Жаңаауылдағы жеті көше жолына асфальт төселеді. Жұмысты бір аптадан кейін аяқтау жоспарланып отыр, - деді бөлім басшысы. Әбілқайыр Сқақов барлық жұмыстарды сапалы әрі мерзімінде орындауды тапсырды.

Махаббат ТӨЛЕБАЙ.

Суретті түсірген – Валерий Бугаев.

Количество показов: 681

Возврат к списку