Қолтаңбасы өшпейтін қайраткер

СОҢҒЫ ЖАРИЯЛАНЫМДАР

11 медаль!
11:05 24.01.2023 1203

Абайлаңыз, көктайғақ!
11:02 24.01.2023 1068

Мәселелерді жедел шешу - шарт
11:01 24.01.2023 1139

Жаңа әкімдердің жүгі қандай?
10:58 24.01.2023 1245

Қолтаңбасы өшпейтін қайраткер
10:55 24.01.2023 1412

Автонесие: ескіден жаңасы артық
10:52 24.01.2023 1139

Бал өндірісінен «бал тамбай тұр»
10:50 24.01.2023 1088

Жұмыс тәулік бойы жүргізілуде
10:49 24.01.2023 1228

Ауылда мәдениет үйі салынуда
10:46 24.01.2023 1282

Шетелдік көліктерді заңдастыру басталды
18:10 23.01.2023 1149

Квота көбейеді
11:02 22.11.2022 3398

Қала дамуы қарқынды
11:01 22.11.2022 2970

Баянауылдық «бай-барымташылар бандасы»
10:59 22.11.2022 2916

Жастар белсенділік танытты
10:55 22.11.2022 3375

ІТ-индустрияны қалай дамытамыз?
10:54 22.11.2022 3422

Қаныштың қамқорлығын көрген...
09:34 22.11.2022 3546

Бүгінгі таңдау - ертеңге бағдар
09:27 22.11.2022 3631

Жан жылуы
09:38 21.11.2022 2888

Жаңа үй салынады
09:37 21.11.2022 2941

Кәсіп бастау тетігі – «Даму»
09:36 21.11.2022 3348

24.01.2023

Қолтаңбасы өшпейтін қайраткер

Биыл ҚР Еңбек сіңірген қоғам қайраткері, облыстың мәдениет саласына елеулі үлес қосқан, «Қызыл ту» (қазіргі «Saryarqa samaly») газетінің бас редакторы болған Балтабай Сейсенбековтің туғанына - 95 жыл. Ел азаматының мерейтойы аясында облыстық Г.Потанин атындағы тарихи-өлкетану музейінде қоғам қайраткерін еске алу кеші өтті. Кешке Балтабай Сейсенбековпен үзеңгілес қызмет атқарған еңбек ардагерлері, облыстық басылым ұжымы, туыс-туғандары, ұрпақтары мен студенттер қатысты.

Шарада сөз алған Г.Потанин атындағы тарихи-өлкетану музейінің басшысы Арман Әлиақпаров Балтабай Сейсенбеков жайлы естелігімен бөлісті.

- Балтабай Бекжанұлының мәдениет саласындағы еңбек жолы 1963 жылдан басталады. Ол облыстың мәдениет басқармасын 18 жылға жуық басқарды. Осы жылдар ішінде мәдениет мекемелерінің материалдық базасы жақсарып, жаңа мәдениет үйлері, клубтар, көптеген музейлер мен кітапханалар ашылды. Мәселен, облыстық филармония, көркемсурет мұражайы, Лебяжі, Баянауыл аудандарының халық театр-лары, Қ.Сәтбаев, С.Торайғыров, М.Көпеев мұражайлары бой көтерді. Ол ауылдық жерлерде мәдениетті дамытуға көп көңіл бөлді. Аймақтық тарихи-өлкетану музейіне жаңа ғимарат берілді, - деді А.Әлиақпаров. Балтабай Сейсенбеков мәдениет саласында жиырма жылдай еңбек еткен соң, журналистика саласына ауысты. 1981-1988 жылдар аралығында облыстық «Қызыл ту» (қазіргі «Saryarqa samaly») газетінің жұмысын ұйымдастырып, басшылық етті. 94 жылдық тарихы бар ата басылымның бас редакторы Нұрбол Жайықбаев біртуар дарын иесінің халқымыз үшін орны бөлек екенін жеткізді.

- Балтабай Сейсенбеков мәдениет саласымен қатар, экономика бағыттарында сыни мақалалар жазды. Барлық оқиғалардың ортасында жүрді. Редакциядан құрметті демалысқа шықты. Жеті жыл облыстық басылымның өркендеуіне үлес қосты. Оны ұмытпау – біздің парызымыз, - деді Н.Жайықбаев. Халықтық қолданбалы өнерді зерттеу және дамыту мақсатымен Балтабай Бекжанұлы музейде қолданбалы өнер орталығын құрып, шеберхана ашты. Жергілікті қолөнершілердің жұмыстары музей экспозициясында лайықты орын алды. Әріптестері оны жоғары мәдениеті мен эрудициясымен ерекшеленетін адал, принципті көшбасшы ретінде еске алады. Жанат Әбдірахманов Балтабай Сейсенбековті өз ортасында сыйлы, ардақты болды деп сипаттайды.

- Баянауыл елінде сондай ардақты адам болған. Үлкен- кішінің барлығын жақсы көрген, сыйлаған. Ол кісі оқыған, ұзақ жол жүріп өткен. Сондықтан ол кісінің айтқан кеңестері бізге сабақ болды. Өзі сондай жұмсақ, кісіге деген көзқарасы ерекше адам еді, - дейді туысы. Облыстың ірі мәдениет қайраткерін есте қалдыру үшін 1995 жылы ол тұрған үйде ескерткіш тақта орнатылды. Мұражай қорында Б.Сейсенбековтің материалдары мен құжаттарымен жеке іс құрылды. Оның өмірі мен қызметі халықтың игілігі үшін қызмет етудің лайықты үлгісі бола алады.

Айдана БОРАНБАЕВА.

Суреттерді түсірген - Есенжол Исабек.

Количество показов: 1288

Возврат к списку