Партия қатары толықты

ҚР Тұңғыш Президенті күніне орай облыс орталығында «Nur Otan» партиясына салтанатты қабылдау өтті. Өңірдің 30 тұрғыны партиялық билеттерді иеленді. Саяси ұйымның қатарын толықтырғандар арасында спортшылар, дәрігерлер және өңірдің өнеркәсіптік кәсіпорындарының қызметкерлері бар.

Аймақ басшысы, «Nur Otan» партиясы облыстық филиалының төрағасы Әбілқайыр Сқақов ұйымның жаңа мүшелерін құттықтап, олардың әрқайсысы өңіріміздің және еліміздің дамуына елеулі үлес қосатынына сенім білдірді.

- Біз тәуелсіздік жылдарында Қазақстанның демократиялық, зайырлы, құқықтық және әлеуметтік мемлекет ретінде даму арқылы айтарлықтай жетістіктерге қол жеткізгенін мақтан ете аламыз және бұл Елбасының көреген саясатының арқасында мүмкін болды. Тұңғыш Президенттің басшылығымен «Nur Otan» билеуші партия ретінде қалыптасып, 20 жыл ішінде қазақстандықтардың әл-ауқатын арттыру және Тәуелсіздігімізді нығайту жөніндегі ауқымды реформаларды табысты түрде жүзеге асырды. Отанымыздың игілігі жолындағы жұмысымыз сіздермен бірге ары қарай табысты жалғасатынына сенімдімін, - деп атап өтті Ә.Сқақов. Жақында ғана Белградта өткен бокстан әлем чемпионатында күміс медаль олжалаған боксшы Серік Теміржанов та партиялық билетті иеленді.

- «Nur Otan» партиясының қатарында өз жерлес-теріме көмектесе алатыныма өте қуаныштымын. Спортта да, қоғамдық өмірде де бар күш-жігерімді салуға уәде беремін. Баршаңызға табыс тілеймін, - деді спортшы. Салтанатты жиын барысында өтіп бара жатқан жылдың қорытындысы бойынша Павлодар облысының үздік бастауыш партия ұйымдары (БПҰ) да атап өтілді. «Business Hub» БПҰ төрайымы Жәмилә Ерназароваға, Железин ауданының бастауыш партия ұйымының басшысы Қанат Айсақовқа және «ЕЭК» АҚ құрамына кіретін «Шығыс» кенішінің БПҰ төрағасының орынбасары Евгений Глебовқа дипломдар табыс етілді. Бүгінгі таңда Павлодар облысында «Nur Otan» партиясының 47 мыңнан астам мүшесі бар.

Облыс әкімінің баспасөз қызметі.

Количество показов: 1442

Возврат к списку

Сарыарқа самалы, 20 қаңтар, бейсенбі

Раздел не найден.