Самокаттарға талапты қатаңдату керек пе?

СОҢҒЫ ЖАРИЯЛАНЫМДАР

Алтын аға
10:30 04.08.2022 614

Балабақшалар қалай бақыланады?
10:28 04.08.2022 627

Әнші арманы
09:57 02.08.2022 636

«Мектепке жол» акциясы басталды
09:54 02.08.2022 818

Жол жабылмайды
09:52 02.08.2022 621

Мәшһүр Жүсіп және Бекасыл хазірет
09:49 02.08.2022 650

Пәтер кезегін себепсіз жылжытқан
09:47 02.08.2022 631

Денсаулық пойызы келді
09:45 02.08.2022 649

04.08.2022

Самокаттарға талапты қатаңдату керек пе?

Қазақстанда ұзақ талқылаулардан кейін «Электр самокаттары» ұлттық стандартының жобасы әзірленді. Жол қозғалысы туралы заңға тиісті өзгерістер де биылдан қалмай енгізіледі. Құжатта электр самокаттарының максималды жылдамдығы бекітіліп, оны қолдану шарттары жазылды. Жаңа заңнамаға сәйкес 16 жасқа толмаған жасөспірімдердің электр самокатымен жүруіне тыйым салынады. Дегенмен, кейбір қоғам белсенділері заңды одан әрі қатаңдату керек деп есептейді. Шағын көлік құралдарының жылдамдығын шектеу түйткілді мәселенің шешімі бола ала ма? Сауалдың жауабын «Алаң» қатысушыларынан сұрап көрдік.

Ербол СЕЙПІЛОВ, Доңғалақты және ауыл шаруашылығы машиналарын стандарттау жөніндегі техникалық комитетінің төрағасы:

- Бұл стандартты әзірлеуге Ішкі істер министрлігі бастамашы болды. Осы стандарттың аясында біз самокаттың максималды жылдамдығын сағатына 25 шақырымға дейін деп бекіттік. Бұл стандарт заңнамадағы нормативтік құжаттарда, жол жүру ережелерін реттеу мақсатында әзірленіп жатыр. Сонымен қатар, жаяу жүргіншілер режимінің мүмкіндігін де қарастырдық. Скутерді өндірушінің өзі самокатты тікелей пайдаланатын адамның бойына, салмағына және жасына қатысты нұсқауларды қамтамасыз етуі керек. Ал техникалық жағынан қойылатын талап – самокаттың жарыққа шағылысатын таңбасының болуы. Заңнамаға самокаттарда
жарық фаралары мен сигналдың міндетті түрде болуы туралы толықтырулар мен өзгерістер енгізілді. Электр самокатын жалпыға ортақ жолдарда пайдалануға болады. Бірақ жол апаттарының алдын алу үшін самокат иелері қарапайым жол қозғалысы ережесін сақтауы керек.

Алма МҰСАБЕКОВА, облыстық полиция департаменті баспасөз қызметі басшысының міндетін атқарушы:

- Жаңа талапқа сай электр-самокаттың жылдамдығы төмендейді. Сондай-ақ, самокат иелеріне қозғалыс құралына жарықтандырғыш орнатуы міндеттеледі. Бұған дейін аталған көлік түріне арналған ереже бекітілген болатын. Мәселен, сағатына 50 шақырым жылдамдықпен жүретін самокатты басқару үшін A1 санатындағы жүргізуші куәлігі болуы тиіс. Сонымен қатар, электр самокаттарға қосымша адам отырғызуға, жүк тасымалдауға және тіркеме ілуге тыйым салынады. Бұл талаптар Қазақстанның жаңа стандартына «электрсамокат» ережелері болып енгізілді. Құжатта электрсамокат – «электр көліктері» деп жазылған. Жаңа құжат жол қозғалысы ережелерін толықтырып, электр самокатпен болатын оқыс оқиғалардың санын азайтуға және алдын алуға бағытталған. Аталған стандарт самокаттардың жылдамдығы мен басқа да қауіпсіздік талаптарына сәйкестігін реттейді.

Нұрхан ЖӘМІНОВ, көлік жүргізуші:

- Жаңа заң жобасы электр самокаттары мен мопед, скутер сынды шағын көлік құралдарының жылдамдығын реттемек. Бұл өте дұрыс. Себебі, мұндай қос дөңгелекті көліктерді басқарушылардың басым бөлігі - жасөспірімдер. Ал жастар жылдамдықты ұнататыны даусыз. Сондықтан, оны заң бойынша шектеу керек. Содан соң, электр самокаттар жаяу жүргіншілерге арналған жолдармен не болмаса вело жолақтармен жүруі керек деп ойлаймын. Себебі, мұндай шағын көліктерді үлкен жолда автомобиль жүргізушілері байқамай қалуы ғажап емес. Сондай-ақ, самокатшылар жол үстінде түрлі маневрлерге барып, жол қозғалысын бұзып жатады. Осының барлығын заң жүзінде реттеп, белгілі бір нормаға сәйкестендіру қажет. Бұлай болмағанда мұның арты қайғылы жағдайларға әкеп соғуы әбден мүмкін.

«Алаңды» үйлестірген – Алтынбек ЕЛЕМЕСҰЛЫ.

Количество показов: 496

Возврат к списку