Суда сақтық керек

СОҢҒЫ ЖАРИЯЛАНЫМДАР

Алтын аға
10:30 04.08.2022 619

Балабақшалар қалай бақыланады?
10:28 04.08.2022 632

Әнші арманы
09:57 02.08.2022 641

«Мектепке жол» акциясы басталды
09:54 02.08.2022 824

Жол жабылмайды
09:52 02.08.2022 626

Мәшһүр Жүсіп және Бекасыл хазірет
09:49 02.08.2022 655

Пәтер кезегін себепсіз жылжытқан
09:47 02.08.2022 636

Денсаулық пойызы келді
09:45 02.08.2022 654

30.07.2022

Суда сақтық керек

Биыл шомылу маусымында төтеншеліктермен су айдындарында 700-ден астам рейд жүргізіліп, 20 мыңға жуық жадынама таратылды. Рейд барысында тыйым салынған жерлерде шомылғаны үшін 44 азамат ескерту түрінде әкімшілік жауапкершілікке тартылса, қоғамдық орындарда ішімдік ішкені үшін 13 азаматқа айыппұл салынды.

Өңірлік коммуникациялар қызметінде өткен баспасөз жиыны барысында облыстық төтенше жағдайлар департаменті азаматтық қорғаныс басқар-масының майоры Теміржан Танжанов биыл шомылу маусымында 8 адамның суға кеткенін мәлім етті. Оқыс оқиғалардың барлығы дерлік жабдықталмаған жағажайларда орын алған.

- Жыл басынан бері сегіз адам суға кетті. Оның ішінде бір бала бар. Өткен жылы шомылу маусымында 16 адам суға батып кетті. Ажал құшқандардың 90 пайызы жабдық-талмаған жағалауларда суға түскен. Облыс аумағында 42 жағажай бар. Оның ішінде 24-і - коммуналдық және 18-і -жекеменшік. Олардың барлығы құтқарушылар жасағымен және қайықтармен қамтамасыз етілген. Сол себепті, жергілікті тұрғындарға шомылуға арналған жерлерде ғана суға түсу керек екендігін ескертеміз, - деді ол. Сонымен қатар, майор көлік инспекциясымен бірлесіп гидроциклдар мен жалға берілетін шағын кемелерге профилактикалық тексеру жұмыстары жүргізілетінін айтты. Ол жүзу құралдарының суға шыққан кезде оның иелері әр жолаушыға құтқару жилетін кигізуге міндетті екенін еске салды.

- Шомылу маусымы бастал-ғаннан бері 5 гидроцикл иесіне айыппұл салынып, әкім-шілік жауапкершілікке тартылды. Сондай-ақ, құтқару жилетімен қамтамасыз етілмеген шағын көлемді қайық иелері ҚР Кодексінің 582-бабы бойынша жазаланады. Ондай заңбұзушылық анықталған жағдайда 10 айлық есептік көрсеткіш мөлшерінде айыппұл салынады. Бүгінгі күнге дейін осындай 13 факті тіркелді. Ал үлкен паромдарға мұндай талап қойылмайды. Себебі оларда құтқару құралдары бар, - деді Теміржан Танжанов. Сонымен қатар, майор түнгі уақытта орталық жағажайда және Усолка шағын ауданында құтқару станциялары жұмыс істейтінін айтты. Департамент қызметкерлері күн сайын жағалау аймақтарында кезекшілікте тұрып, азаматтардың судағы қауіпсіздігін қамтамасыз етуде.

А.ЕЛЕМЕСҰЛЫ.

Количество показов: 665

Возврат к списку