Таңдау жасар сәт таяды

Санаулы күннен соң елімізде Президент сайлауы өтеді. Саяси партиялардан, қоғамдық бірлестіктерден ұсынылған алты кандидат пен олардың жақтастары үгіт-насихат жұмыстарының үшінші толқынын бастады. Бұл бағыттағы жұмыстар 19 қараша сағат 00.00-ге дейін жалғасады.

Президенттікке кандидат Қарақат Әбденнің ел өңірле-ріндегі сайлауалды сапарлары жалғасуда. Таяуда ол Шымкент қаласының сайлаушыларымен жүздесіп, өзінің бағдарламасын таныстырды. Қала тұрғындары, туристік сала мамандары, қазақ ұлттық тағамдарына негізделген мейрам-ханалардың өкілдері мен кәсіпкер әйелдер қатысқан кездесу барысында қоғамдағы өзекті мәселелер мен туризмді дамыту сұрақтары талқыланды. Кандидат сайлаушылармен кездесуден соң өңірдің тыныс-тіршілігімен танысып, қалада өтіп жатқан «Көксарай» футбол турнирінің жеңімпаздарымен кездесті. Бұдан бөлек, аймақтағы сайлауалды штабының өкілдерімен жүздесіп, үгіт-насихат жұмыстарының нәтижелерімен танысты. Сонымен қатар, Қарақат Әбденнің сайлауалды штабы Трансфузиология ғылыми-өндірістік орталы-ғында 10 мың милилитрге жуық қан тапсырып, донор атанды. ҚР президенттігіне кандидат Қасым-Жомарт Тоқаевты қолдау мақсатында ҚР Парламенті Мәжілісінің депутаты, республикалық қоғамдық штаб мүшесі Дмитрий Колода бастаған Халықтық коалиция өкілдері Солтүстік Қазақтан облысындағы Тайынша ауданына барды. Штаб мүшелері денсаулық сақтау саласының қызметкерлерімен, Тайынша ауданының жұртшылығымен, «EMCAgro» және «BioOperations» ЖШС ұжымымен кездесті. Сондай-ақ, еліміздің барлық өңірінде «Bir Tolqyndа» диалог алаңының отырыстары өтіп, соның барысында жастар Президенттікке кандидат Қасым-Жомарт Тоқаевтың сайлауалды бағдарламасын талқылады. Айта кетейік, бұған дейін ТМД Байқаушылар миссиясы штабы басшысының орынбасары Олег Кулеба бастаған халықаралық байқаушылар кандидаттың респуб-ликалық қоғамдық штабының жұмысымен танысты. ҚР Президенттігіне Жалпыұлттық социал-демократиялық партиясы атынан кандидат Нұрлан Әуесбаев Ақмола облысы Ақкөл қаласында сайлаушылармен кездесу өткізді. Шара барысында жиналған қауымға сайлауалды бағдарламасының басым бағыттары жөнінде баяндады. Кездесу барысында президенттік биліктен бас тарту, бюджеттік процедураларды жетілдіру, заңсыз баюға қатысты жазаны қатаңдатуды мәселелері талқыланды. Сонымен қатар, партия белсенділері Петропавл қаласындағы «Дария», «Коммунальный» және «Колхозный рынок» базарларында кандидаттың сайлауалды бағдарламасы бойынша түсіндіру жұмыстарын жүргізді. ҚР Президенттігіне кандидат Мейрам Қажыкен Теміртауда болып, «АрселорМиттал Теміртау» қызметкерлерімен кездесті. Үміткер экономиканы, жалақы және зейнетақы жүйесін реформалау жөніндегі жоспарларымен бөлісті. Бұл ретте өнеркәсіп қызметкерлерінің проблемаларына, өндірістік қауіпсіздікке баса мән берді. Одан бөлек, Теміртаудың Достық үйінде жекеменшік кәсіпорындардың қызметкерлерімен және салалық кәсіподақтартың мүшелерімен жүздесті. Кандидаттың сайлауалды штабының жетекшісі Әбіл Кекілбаев Мейрам Қажыкеннің кандидатурасын қолдау бойынша еліміздің 14 өңірінде штаб жұмыс істеп тұрғанын атап өтті. Қалған аймақ-тардағы жұмысты кандидаттың сенімді өкілдері атқарады. Олардың саны 140-тан асады. Үгіт-насихат жұмысы көпшілік орындар мен кәсіпорындар, қоғамдық ұйымдар ұжымы арасында ұйымдастырылып жатыр. Ал «Ауыл» халықтық-демокра-тиялық патриоттық партиясының республикалық қоғамдық штабының отырысы барысында Президенттікке кандидат Жигули Дайрабаевтың үгіт-насихат науқанының барысы талқыланды. Партия өкілдері осы бағыттағы шаралар аясында еліміздің барлық 20 өңірі қамтылғанын атап өтті. Олар барлық 88 қалада және 166 ауылдық жерде үгіт-насихат шараларын ұйымдастырады. Өңірлік штабтар 2 500-ден астам іс-шараны қамтитын үгіт-насихат жоспарын әзірлесе, оның 70 пайызы бүгінде аяқталды. Штабтар сайлау күні саяси науқанның барысын қадағалайтын бақылаушыларды даярлау бойынша жұмыс жүргізуде. Осы уақытқа дейін Жигули Дайрабаев агроөнеркәсіптің өндірістік орталықтарына барып, олардың қызметімен танысты, жұмысшы ұжымдарымен сұхбаттасты. Сонымен қатар, ол әр аймақтың тұрғында-рымен кездесіп, өзінің сайлауалды бағдарлама-сының негізгі бағыттарын баяндап, сайлаушылардың сұрақтарына жауап берді. Кандидат осы аптада Атырау, Батыс Қазақстан және Маңғыстау облысының сайлаушыларымен кездесуді жоспарлап отыр. Президенттіктен үміткер Салтанат Тұрсынбекова Ақтауда жалғызбасты аналармен кездесу өткізді. Үміткер Ішкі істер министрлігіне сілтеме жасай отырып, бірнеше цифрды атады. Айталық, 2021 жылы Қылмыстық кодекстің 139-бабы бойынша алимент төлемегені үшін 300-ден астам борышкер қылмыстық жауапкершілікке тартылды, олардың жартысына бас бостандығын шектеу не айыруға қатысты нақты мерзімдер белгіленді. Ал 6 мыңнан астам борышкер әкімшілік жауапкершілікке тартылды. Бұл ретте қарыздың жалпы сомасы жүздеген миллиард теңгені құраса, сот орындаушыларының атқаруында жүздеген мың іс жатыр. Кандидаттың айтуынша, алимент өндірудегі негізгі мәселелердің бірі – борышкердің кірісін анықтаудың тиімді әдістерінің жоқтығы. Егер борышкердің жұмысы болмаса және жұмыс іздеуге тырыспаса, онда алименттік қарыз орташа республикалық жалақыға сүйене отырып айқындалады. Сонымен қатар, үміткер Yessenov университетінің оқытушыларымен, студенттерімен және түлектерімен кездесті. Соның барысында ауыл жастарының қалаға үдере көшуі, елді мекендерде алғашқы медициналық көмектің қолжетімділігі сынды мәселелер сөз болды.

Шолуды жасаған –
Құндыз ҚАБЫЛДЕНОВА.

Дайындық қызу

Баянауыл ауданы аумақтық сайлау комиссиясы 2022 жылғы 20 қарашаға белгіленген Қазақстан Республикасы Президентінің кезектен тыс сайлауына дайындық жүргізуде. Ауданда 39 сайлау учаскесі бар.

Аудан бойынша сайлаушылар саны - 15452 адам. Алғашқы дауыс берушілер саны - 86 адам. Тұрғылықты мекенжайы бойынша тіркелген, бірақ өтініштері, вахталық жұмыс кестесі, оқу орны бойынша, жұмыс бабымен өзге аймақта дауыс беретіндер саны – 123. Есептен шығару куәлігін алғандар жоқ. Сайлау учаскесінде дауыс беруге арналған үй-жайды, дауыс беруге арналған пункт нұсқау-лыққа сәйкес жарақтандырылған. Дауыс беру учаскелері мүмкіндігі шектеулі жандар кедергісіз кіріп-шығуына пандустармен, белгі тақтайшалармен және қажетті құралдармен жабдықталған. Дауыс беру учаскелерінің орналасуы: мектептерде - 11, мәдениет үйлері мен клубтарда – 19, ауыл әкімдеріне қарасты ғимараттарда – 8, Ұлттық парк ғимаратында – 1. Ақпараттық жұмыстармен аудан халқы толық қамтылған. Аудан бойынша барлығы 3 билборд және 23 баннер орналасқан, - деді Баянауыл аудандық аумақтық сайлау комиссиясының төрағасы Талғат Қалышбеков. Ағымдағы жылғы 20 қарашадағы сайлау жөнінде барлық сайлаушыларды ақпаратпен мейлінше толық қамтып, сайлаушылардың сайлау белсенділігін арттыру көзделген. Осы бағытта әлеуметтік желі, ақпарат құрал-дары арқылы әр сайлаушыға ашық ақпарат берілуде. Сайлау учаскелерінде жеке кабинкалар, шрифт брайлері, жеке компьютер (құлаққаптар) қойылған.

А.ДУМАНҚЫЗЫ,

Баянауыл ауданы.

Әзірлік жүруде

Акция аясында11 қазаннан бастап аумақтық сайлау комиссиясы және учаскелік сайлау комиссиясы мүшелері Қазақстан Республикасы Орталық сайлау комиссиясы сайтында онлайн қашықтықтан және тестілеу бойынша оқытудан өтті.

Биылғы 30 қазаннан бастап Аққулы ауданында 24 учаскелік сайлау комиссиясы жұмысын бастады. Учаскелік сайлау комиссияларының барлық үй-жайлары Мемлекеттік рәміз-дермен, тұрақты және тасымалданатын жәшіктермен, дауыс беруге арналған кабиналармен, ақпараттық стендтермен, қажетті ақпараттық құжаттамамен, кеңсе тауарларымен жабдықталған.

- 31 қазан мен 4 қараша аралығында аумақтық сайлау комиссиясының мүшелері учаскелік сайлау комиссиясы мүше-леріне «Дауыс беру күні» рөлдік ойыны арқылы практикалық жаттығулар мен көшпелі клас-
терлік семинарлар ұйымдастырды. Аудан бойынша сайлаушылар саны - 8164 адам. Сайлау елдің саяси өміріне өзгеріс әкеледі. Қоғамдық пікір, саяси көзқарастар, сондай-ақ ережелер мен заңдар өзгерді, оның ішінде конституциялық реформалар туралы референдум осы өзгерістердің бір кезеңі болып табылады. Әрбір сайлаушы өзінің белсенді сайлау құқығын пайдалана отырып, өзінің азаматтық позициясын көрсетіп, дұрыс таңдау жасайды деп үміттенеміз, - дейді Аққулы аудандық аумақтық сайлау комиссиясының төрағасы Гүлжанат Қалиева. Сонымен қатар, аудандық аумақтық сайлау комиссиясы төрағасы сайлау бюллетенінде «Барлығына қарсы» деген баған пайда болғанын атап өтті. Дауыс беруге арналған үй-жайды жабдықтау кезінде мүмкіндіктері шектеулі азаматтар болып табы-латын сайлаушылардың кедергісіз кіруі және онда дауыс беру үшін барынша қолжетімділікпен қамтамасыз етілген. Бірінші қабатқа кіреберісте пандустар, тактильді көрсеткіштер төселген. Жасырын дауыс беруге арналған кабиналармен (құлақаспаптар, ұлғайтқыштар, шамдар, компьютерлері бар ақпараттық бұрыш-тармен) жабдықталған. Аққулыда тұрғылықты мекен-жайы бойынша тіркелген, бірақ өзге аймақта дауыс беретіндер саны – 83, олар - негізінен студенттер, вахтамен жұмыс істейтіндер.

Аяулым ТӨЛЕГЕНОВА,

Аққулы ауданы.