Техникаң сай ма, шаруа?

СОҢҒЫ ЖАРИЯЛАНЫМДАР

11 медаль!
11:05 24.01.2023 597

Абайлаңыз, көктайғақ!
11:02 24.01.2023 607

Мәселелерді жедел шешу - шарт
11:01 24.01.2023 546

Жаңа әкімдердің жүгі қандай?
10:58 24.01.2023 617

Қолтаңбасы өшпейтін қайраткер
10:55 24.01.2023 811

Автонесие: ескіден жаңасы артық
10:52 24.01.2023 591

Бал өндірісінен «бал тамбай тұр»
10:50 24.01.2023 468

Жұмыс тәулік бойы жүргізілуде
10:49 24.01.2023 608

Ауылда мәдениет үйі салынуда
10:46 24.01.2023 634

Шетелдік көліктерді заңдастыру басталды
18:10 23.01.2023 566

Квота көбейеді
11:02 22.11.2022 2922

Қала дамуы қарқынды
11:01 22.11.2022 2813

Баянауылдық «бай-барымташылар бандасы»
10:59 22.11.2022 2780

Жастар белсенділік танытты
10:55 22.11.2022 2868

ІТ-индустрияны қалай дамытамыз?
10:54 22.11.2022 2828

Қаныштың қамқорлығын көрген...
09:34 22.11.2022 2925

Бүгінгі таңдау - ертеңге бағдар
09:27 22.11.2022 2996

Жан жылуы
09:38 21.11.2022 2726

Жаңа үй салынады
09:37 21.11.2022 2724

Кәсіп бастау тетігі – «Даму»
09:36 21.11.2022 2848

Емханаларға тіркеу аяқталды
09:35 21.11.2022 2778

01.04.2021

Техникаң сай ма, шаруа?

Бүгінде диқандар жаппай көктемгі егіс жұмыстарына дайындалуда. Маңызды шаруалардың бірі – техниканың сақадай сай болуы. Жасыратыны жоқ, қазір өз қаражатыңа ауыл шаруашылығы техникаларын сатып алу қиын. Ал техникаң болмаса, ісің өрге баспайтыны тағы бар. Мұндай жағдайда лизинг арқылы ұпайыңды түгендеуге мүмкіндік зор.

Бүгінде нарықтағы трактордың бағасы - кемі 7-8 миллион теңге, комбайн 15-30 миллион теңге аралығында екенін ескерсек, шаруасын енді ғана дөңгелетіп жатқан азаматтарға лизингтің көмегі көп. Ең бастысы, кепілдік затың болса жеткілікті. «Аграрлық несие корпорациясы» АҚ Павлодар облысы филиалы басшысының орынбасары Ізбасар Жүсіпбековтің айтуынша, «Агротехника» бағдарламасы бойынша техникалар 14 пайыздық мөлшерлемемен үлестіріледі. Оның 10 пайызы субсидияланады. Демек, шаруалар техниканы небары 4 пайызбен сатып алады. Бір артықшылығы, шаруалар бағдарлама шеңберінде бөлінген қаражатқа қол жеткізгеннен кейін нарықтан бастапқы белгіленген бағадағыдан арзан техниканы тауып ала алады. Яғни, біраз ақшасы қалтасында қалады. Сондай-ақ, несие берешегін жылдың кез келген уақытында бөліп-бөліп қайтаруға мүмкіндігі бар. Май ауданының ауыл шаруашылығы, кәсіпкерлік және ветеринария бөлімінің мәліметінше, соңғы бір-екі жылда жергілікті шаруалар 70-ке жуық техника сатып алған. Биыл да өтініш бергендер аз емес. Десе де, кейбір кезде кепілдік зат пен алғашқы жарнаны төлеу жағы қолбайлау болатынын жасырмайды. Павлодарлық шаруалардың қолындағы техникалардың ескі екенін ауыл шаруа-шылығы басқармасындағылар да жиі айтып жүр. Атап айтсақ, бүгінде облыс бойынша тракторлардың 88 пайызы, комбайнның 78 пайызы ескі. Көбі 15 жылдан бері қолданыста жүр. Көктемгі дала жұмыстары кезінде техникаң сыр берсе, орта жолда опық жеп қалуың әбден мүмкін. Облыстық ауыл шаруашылығы басқармасының маманы Қанат Ибраевтың мәліметінше, 1985 жылы бір тракторға 92 гектардан келсе, 2018 жылы жүктеме 132 гектарға дейін өскен. Комбайнның жүктемесі де осы аралықта 131-ден 521-ге артқан. Яғни, жыл сайын егіс алқабы артқанменен, техника паркінің әлеуетін арттыру жағы бәсеңдеп тұр.

- Бүгінде облыста 13 мыңнан аса трактор, 2000-ға жуық комбайн, 176 егін егу кешені, 4467 тұқымсепкіш, 869 дестелегіш бар. Жыл сайын техника сатып алғандардың артқаны байқалады. Әсіресе, жаңадан құрылған шаруашылықтар мемлекеттік бағдарламалар шеңберінде техникасын түгендеуге көшкен. Жеке қаражатына сатып алғандардың дені - ірі шаруа қожалықтары, - дейді Қ.Ибраев. Еліміздің агроөнеркәсіп кешенін дамытудың 2025 жылға дейінгі бағдар-ламасына сәйкес, алдағы 2 жылда еңбек өнімділігін екі есеге арттыру көзделген. Межеге қол жеткізудің бірден-бір жолы - техника паркінің жаңартылуы екені сөзсіз.

Оралхан ҚОЖАНОВ.

Количество показов: 522

Возврат к списку