Технологияның түр-түрі бар

СОҢҒЫ ЖАРИЯЛАНЫМДАР

11 медаль!
11:05 24.01.2023 591

Абайлаңыз, көктайғақ!
11:02 24.01.2023 601

Мәселелерді жедел шешу - шарт
11:01 24.01.2023 540

Жаңа әкімдердің жүгі қандай?
10:58 24.01.2023 611

Қолтаңбасы өшпейтін қайраткер
10:55 24.01.2023 805

Автонесие: ескіден жаңасы артық
10:52 24.01.2023 585

Бал өндірісінен «бал тамбай тұр»
10:50 24.01.2023 466

Жұмыс тәулік бойы жүргізілуде
10:49 24.01.2023 602

Ауылда мәдениет үйі салынуда
10:46 24.01.2023 628

Шетелдік көліктерді заңдастыру басталды
18:10 23.01.2023 561

Квота көбейеді
11:02 22.11.2022 2919

Қала дамуы қарқынды
11:01 22.11.2022 2813

Баянауылдық «бай-барымташылар бандасы»
10:59 22.11.2022 2780

Жастар белсенділік танытты
10:55 22.11.2022 2867

ІТ-индустрияны қалай дамытамыз?
10:54 22.11.2022 2822

Қаныштың қамқорлығын көрген...
09:34 22.11.2022 2919

Бүгінгі таңдау - ертеңге бағдар
09:27 22.11.2022 2990

Жан жылуы
09:38 21.11.2022 2725

Жаңа үй салынады
09:37 21.11.2022 2722

Кәсіп бастау тетігі – «Даму»
09:36 21.11.2022 2847

Емханаларға тіркеу аяқталды
09:35 21.11.2022 2778

13.03.2021

Технологияның түр-түрі бар

Облыс орталығындағы колледждер нарық талабына сай келетін студенттерге теориялық әрі тәжірибелік білім беру үшін заманауи технологияларды кеңінен пайдалануда. Оқу орындарында виртуалды түрде басқарылатын техникалар, пилотсыз ұшу аппараттары және тағы да басқа озық құралдармен жабдықталған зертханалар жұмыс істейді.

Облыс әкімі Әбілқайыр Сқақов техникалық және кәсіптік білім беретін оқу орындарында болып, даму жоспарларымен танысты.
Айталық, химия-механикалық колледжде осы саладағы жергілікті кәсіпорындарда еңбек ететін мамандар оқытылады. Студенттер «Павлодар мұнай-химия зауыты», «Каустик» сынды зауыттарда тәжі-рибеден өтіп, кейін осы өндіріс орындарына жұмысқа орналасады. Білім беру мекемесінде тиісті сертификаттары бар зертханалар жұмыс істейді. Кейбір жергілікті компаниялар осы зертханалардың қызметін пайдаланады.

- 2013 жылы колледжде технопарк ашылған болатын. Биылдан бастап мұнда студенттерді «Жас маман» бағдарламасы бойынша дайындаймыз. Оқушылар теориялық білім алып, слесарьлық және механикалық тәжірибеден өтеді. Олар машинист, аппаратшы, жөндеуші слесарь мамандықтарын меңгеріп, кез келген өндіріс орнында еңбек ете алады, - дейді колледж директоры Гүлнар Аманжолова.
Сонымен қатар, алдағы уақытта оқу орнында мемлекеттік-жекеменшік әріптестік аясында пластиктен жасалған бұйымдар өндірісін іске асыратын ресурстық орталық ашылмақ. Инвестор қажетті құрал-жабдықтарды орнатып, соның негізінде студенттерді оқытуға дайын.

Аймақ басшысы Әбілқайыр Сқақов аталмыш жобаға қолдау көрсетілетінін атап өтті.
- Мұндай жобалар - білім беру жүйесінің, бизнес-құрылымдар мен биліктің бірлескен жұмысының нәтижесі. Жобаны уақыт оздырмай жүзеге асыру үшін «Павлодар» әлеуметтік-кәсіпкерлік корпорациясын үшінші серіктес ретінде тартуға болады. Пластик бұйымдар өндірісі туралы идея жақсы, тек оны сәтті орындаудың механизмін қалыптастыру керек. Бұл ретте бюрократиялық кедергілерді болдырмайтын үлгі құру қажет, - деді Ә.Сқақов.

Ал ақпараттық технологиялар колледжінде «TEKRI» компаниясы шығаратын виртуалды шындық негізінде жасалған тренажерлер жұмыс істейді. Оқу орнының түлегі Роман Киселев «Беларус» тракторын құрастыру және бөлшектеудің интерактивті модулін құрастырған болатын. Модуль авторы бұл технологияның қалай жұмыс істейтінін көрсетті. Әбілқайыр Бақтыбайұлы дәл осындай технологияны заманауи ауыл шаруашылығы техникаларын басқаруды үйрету кезінде қолдану туралы ұсыныс білдірді.
- Жергілікті шаруалар бұл бағыттағы жұмысты атқару үшін Грузия, Украина және Беларусь елдерінен мамандарды шақыруға мәжбүр болады. Себебі, біздің өңірде осы іспетті техникалардың «тілін» білетін адаамдарды таба алмайды. Шаруашылықтардағы механиза-
торлар тренажерде дайындықтан өтіп, соңғы үлгідегі ауыл шаруа-шылығы техникаларын басқарудың тетігін үйреніп алса, жақсы болатын еді, - деді аймақ басшысы.
Білім 3.jpg

Сондай-ақ, студенттер шеберханаларда бағдарламалауды, робото-техниканы және 3D модельдеуді тәжірибе жүзінде үйренеді. Таяуда оқу орнының негізінде IT-хаб құрылады.
- IT-хаб бизнес-инкубатордан, құзыреттілік орталығынан, кәсіби бағдарлау және мансап орталы-ғынан тұрады. Мүмкіндігі шектеулі студенттерге қолайлы әрі қолжетімді орта жасалады. Бұл бағытта білім беретін оқытушылар іске кірісуге дайын, - деді оқу орнының басшысы Серік Жартыбаев.
Электроника және коммуни-кациялардың жоғары колледжінде ұтқыр робототехника, пилотсыз ұшу аппараттарын басқару, электроника және т.б. зертханалар бар. Оқу орнының өз «полигоны» бар. Мұнда студенттер талшықты-оптикалық желілерді монтаждауды меңгереді. Бұл оқушылардың өндіріс орындарындағы жұмысын едәуір жеңілдетеді. Колледж түлектері жергілікті ірі телекоммуникация кәсіпорындары тарапынан сұранысқа ие.

Облыс әкімінің баспасөз қызметі.
Суреттерді түсірген - Валерий Бугаев.

Количество показов: 402

Возврат к списку