Жаңа Қазақстанның жарқын жолы

Бұрнағы күні «AMANAT» партиясы облыстық филиалының мәжіліс залында партия активінің отырысы өтті. Жиын барысында Конституцияда орын алатын өзгерістер мен түсіндіру жұмыстары кезіндегі штабтардың жұмыс алгоритмі пысықталды. Сондай-ақ, шараға қатысушылар алдағы референдум мен конституциялық реформаның негізгі бағыттарын талқылады.

Мемлекет басшысы Қасым-Жомарт Тоқаев Қазақстан халқы Ассамблеясының ХХХl сессиясында сөйлеген сөзінде Консти-туцияға өзгерістер енгізу жөнінде референдум өткізуді ұсынған болатын. Осыған орай, «AMANAT» партиясы облыстық филиалы өңірлік партия штабын құрып, Президенттің саяси қадамдарын қолдайтынын жеткізді. Штаб құрамына мәслихат депутаттары, қоғамдық пікір көшбасшылары, партия ардагерлері мен бел-сенді жастар қауымы кірді. Сондай-ақ, қалалар мен аудандарда қоғамдық аумақтық партиялық штабтар құрылды. Филиалдардың атқарушы хатшылары штабтардың жетекшілері болып табылады. Ағымдағы жылдың 3 маусымына дейін облыстық штабтың мүшелері өңірдің барлық аудандарына барып, түрлі салалық топтармен кездесулер өткізіп, ұсынылған Конституциялық түзетулердің мазмұнын халыққа жеткізетін болады. Облыстық партия штабының мүшесі, мемлекеттік қызмет ардагері Бауыржан Қапенов өз сөзінде референдум алдындағы түсіндіру жұмыстарын жүргізу ережелері мен тәртіп-теріне тоқталып, түсініктеме берді. Оның пікірінше, елдің әрбір азаматы референдумға қатысудың маңыздылығын сезінуі тиіс.

- Әрине, қазір ұсынылып отырған Конституцияға енгізі-летін өзгерістер қоғамды одан әрі демократияландыруға, әлеуметтік-экономикалық даму мәселелерінде мемлекеттік органдардың жауапкерші-лігін арттыруға бағытталғаны қуантады, - деді ол. Сондай-ақ, «Ассамблея жастары» ұйымының жетекшісі, өңірлік штабтың мүшесі Рамиль Смайылов өңірдің барлық жастарын Референдумды қолдауға шақырып, бұл Жаңа Қазақстанды құру жолындағы алғашқы қадам екенін атап өтті. Отырысқа қатысқан облыстық штабтың жетекшісі Илья Теренченко мемлекет басшы-сының референдумды өткізу идеясын қолдап, Консти-туцияға енгізілетін түзетулер жобасы саяси институттардың құрылымдық қайта құруларын қамтитынын айтып, мықты Парламент, мажоритарлық сайлау жүйелеріне енгізілетін өзгерістердің оң нәтиже беретініне сенетінін жеткізді. Одан бөлек, жиынған қатысқан штаб мүшелері Ата заңымызда болатын өзгерістер туралы өз пікірлерін айтып, ел ішіндегі өзге де өзекті мәселелерді талқыға салды. Сонымен қатар, халық қалаулылары маңызды күні науқанға белсенді түрде қатысуға шақырды.

Алтынбек ЕЛЕМЕСҰЛЫ.

Референдум

Дулат ӘБЕТЖАНОВ, облыстық мәслихат депутаты:

-  Конституцияға енгізілетін өзгерістер қоғамды одан әрі демократияландыруға, әлеуметтік-экономикалық даму мәсе-лелерінде мемлекеттік орган-дардың жауапкершілігін артты-руға бағытталғаны қуантады. Сондай-ақ, Мемлекет басшысы қабылдаған саяси қадамдар «Халық үніне құлақ асатын мемлекет» қағидатымен көрініс тауып отыр. Конституцияның қазіргі таңда 33 бабына өзгеріс енгізілгелі жатыр. Ата заң тікелей бәрімізге қатысты болғандықтан, әрбір азаматтың пікірін біліп, референдумды жалпы халықтық талқылауға ұсыну - дұрыс бағыттардың бірі. Президентіміздің оң бастамасы деп ойлаймын. Себебі, саяси реформаларсыз, мықты институттарсыз мемлекет ешқашан табысты болмайды.

Ғибадат АРЫНОВ, Май ауданының мәслихат хатшысы:

- Конституцияның әрбір үшінші бабы өзгеріске ұшырайтын болады. Бұл - өте ауқымды жұмыс, ауқымды реформа деп айтуға болады. Сондықтан Конституцияға ұсынылып отырған түзету-лердің ең басты мақсаты ішінара емес, еліміздегі реформаларды жүйелі, ауқымды түрде іске асыруды көздейді. Референдумға келіп дауыс беру - бұл шын мәнінде зайырлы әрі дамыған респуб-лика үшін дауыс беру деген сөз. Яғни осы референдум арқылы біз Президент ұсынған реформаларды қолдаудың маңыздылығын түсінетін боламыз. Халық бұл реформаны қолдайтынын немесе қолдамайтынын дауыс беру арқылы анықтайтын болады.

Нияз МАКРАЕВ, Екібастұз қалалық «AMANAT» партиясы филиалының атқарушы хатшысы:

- Біріншіден, бұл рефе-рендумның енгізілуі - қоғамдағы саяси мәдениеттілікті көтеруге, азаматтардың саяси белсенділігін арттыруға, сонымен қатар саяси аренаға көптеген өзгерістер алып келетін бастамалардың бірі. Әлемде болып жатқан геосаяси өзгеріс-тердің барлығы біздің елдегі саяси-мәдениеттің жаңа бір деңгейін қалыптастыру қажет екенін көрсетеді. Екіншіден, тікелей Парламенттің ішіндегі үлкен өзгерістер - Сенат пен Мәжіліс арасындағы қарым-қатынас мәселесі. Бұдан былай, Мәжіліс тікелей заңнаманы қабылдайды.

Алексей ЛОДОЧНИКОВ, жас блогер, республикалық штаб мүшесі:

- Бүгін өтіп жатқан шараның негізгі мақсаты – ел дамуындағы жаңа қадамдар бойынша кеңесу. Референдумға орай «AMANAT» партиясы жанынан қоғамдық штаб құрылды. Қоғамдық штаб мүшелері үгіт-насихат жүргізіп, халықпен кездесетін болады. Барған жерде елдің аманатын тыңдап, сараптап, басшылыққа жеткізіп отыратын боламыз. Жаңа Қазақстанды құруда жастар қауымы белсенді түрде атсалысуы керек. Себебі, жастар – елдің қозғаушы күші, зайырлы мемлекеттің басты ресурсы. Сондықтан, барлық жастарды референдумға қатысып, Ата Заңымызға енгізілетін өзгерістер мен толықтыруға қолдау көрсетуді сұраймын. Жаңа Қазақстанды бірге құрайық!