Жастарға - жаңа мүмкіндік

Павлодарда креативті өнертапқыш жастардың идеялары мен инновациялық жобаларын жүзеге асырудың жаңа мүмкіндігі пайда болды. С.Торайғыров атындағы облыстық кітапханада ашылған Maker Space шығармашылық зертханасына кез-келген оқушы мен студенттерге өздерінің жаңа жобаларын дамыту бойынша келіп жұмыс істеуіне болады.

Тілеуберді САХАБА

Ерекше жоба ел Тәуелсіздігінің 30 жылдығы, Қазақстан мен АҚШ арасындағы дипломатиялық қарым-қатынастың 30 жылдығы және С.Торайғыров атындағы облыстық кітапхананың 125 жылдығы мерейтойлары аясында жүзеге асырылды. Орталықтың ашылу салтанатына облыс әкімінің орынбасары Сәкен Шаяхметов, АҚШ-тың Қазақстандағы елшілігі миссиясы басшысының орынбасары Джуди Куо қатысты. Жаңа жоба аталған елшілік пен «Chevron» компаниясы арасындағы меморандум аясында іске асып отыр.

- Бұл аймағымыздағы білімге, ғылымға құштар жастарды дамыту бағытындағы ең маңызды қадамдардың бірі. Жобаның мақсаты - өңірімізде креативті экономиканы дамыту. Осы бағытта барлық мүмкіндіктерді қолданып жатырмыз. Бұл орталық креативті экономикадағы жаңа бағыттың жолға қойылуына мүмкіндік береді. Мұндай орталық елімізде алғаш ашылып отырған жоқ, басқа өңірлерде де бар. Бұл АҚШ елшілігімен бірге атқарған істердің басы ғана, әлі талай жобаны бірлесіп атқарамыз деген ойдамын, - Сәкен Шаяхметов. Елшілік өкілі Джуди Куоның айтуынша, елімізде осындай 10 орталық ашу жоспарланған. Бұл – бесіншісі.

- Біз павлодарлық жастарға жаңа технологиямен жұмыс жасауға мүмкіндік беріп отырғанымызға қуаныштымыз. Жастар – елдің болашағы. Осы салаға қызығушылығы бар жастар дамитын болады. Оның ішінде қыз балалар мен әйелдер де осы саланың дамуына өз үлестерін қосса деймін, - деді ол. Облыстық кітапхана директоры Шолпан Шахметованың айтуынша, орталық тегін қызмет көрсетеді. Мұнда студенттер робот құрастыру, 3D модельдеу, ағаш және темір өңдеу жұмыстарымен айналыса алады. Кабинетте қажетті құралдың барлығы бар. Алдағы уақытта мектеп оқушылары мен колледж және жоғары оқу орны студенттеріне экскурсия ұйымдастырмақ.

Количество показов: 395

Возврат к списку

Сарыарқа самалы, 26 қазан, сейсенбі

Раздел не найден.