Жастар - ел келешегі

СОҢҒЫ ЖАРИЯЛАНЫМДАР

17.05.2022

Жастар - ел келешегі

«АМАNАТ» партиясының облыстық филиалында Торайғыров университетінің студенттері мен магистранттарының қатысуымен Конституцияға енгізілетін өзгерістер мен толықтырулар жайлы ашық пікірталас алаңы өтті.

Шараға қатысушылар ел дамуындағы Конституцияның рөлі мен жаңа Қазақстанды құрудағы конституциялық реформаның маңыздылығын талқылады. Алдағы референдумның өткізілуі – талқылаудың негізгі тақырыбы болды. Атап айтқанда, студенттер мен оқытушылар құрамы дауыс беру белсенділігі елдің одан әрі даму бағытына қалай әсер ететіні туралы пікір білдірді. Өңірлік партиялық штабтың мүшесі, PhD докторы, Торай-ғыров атындағы университеттің «Құқықтану» кафедрасының доценті Гүлнәр Шамсутдинова жаңа Қазақстанның жаңа ережелерін белгілейтін тарихи кезеңді бастан өткеріп жатқанын атап өтті.

- Жаңа Қазақстан – әділетті Қазақстан. Президент атап өткендей, конституциялық реформалар барлығына тең мүмкін-діктер мен тең жағдайларды қамтамасыз етуге бағытталған. Мемлекеттік жүйені жетілдіріп, қоғам мен биліктің тиімді диалогы орнатылмақ. Осылайша біз Екінші Республиканы құрамыз. Конституциялық реформа барлық өзгерістерді сәтті жүзеге асыру үшін қажет. Қазіргі реформаның ерекшелігі – Президенттің өкілеттіктерін шектеу арқылы супер-президенттік басқару формасынан түпкілікті кету, - деді ол. Өз кезегінде «АМАNАТ» партиясы облыстық филиалының жауапты хатшысының орынбасары, облыстық штаб төрағасының орынбасары Айнұр Мұхамедиярова жергілікті атқа-рушы органдар азаматтардың ерік білдіруі үшін жағдай жасап, алдағы референдум туралы ақпараттандыру бағы-тында жұмыстар атқарылып жатқандығын айтты.

- Бүгінде референдумды өткізу бойынша жұмыстар басталып кетті. Штабтар да құрылды. Кесте жасалып, жұмыс жоспары бекітілді. Осыған орай әр ауданда, әр ұйымда түсіндіру жұмыстары өткізіледі, - деді Айнұр Мұхамедиярова. Сондай-ақ, шара барысында саясаттану мамандығының студенттері Мемлекет басшысының Жолдауында белгіленген елдің жүйелі трансформациясына ықпал ететін және оның одан әрі дамуын айқындайтын саяси реформалардың бағыттарына назар аударды. Студенттер сондай-ақ, конституциялық реформалар уақыт талабына сай елдің болашағы үшін маңызды саяси бастамалар болып табылатынын жеткізді.

- Конституцияға өзгерістер мен толықтырулар жобасын талқылау ең алдымен жастар үшін маңызды. Бүгінгі жастар – еліміздің жаңа ұрпағы. Оларға азаматтық бірегейлік, кәсіби құзыреттілік, инновациялық мүмкіндіктер және елімізде болып жатқан саяси үдерістерге өз көзқарасы тән. Жаңа Қазақстанды құру үшін әрқай-сымыз өзімізден бастауымыз керек. Екінші Республика – бұл тағдырдың бізге берген екінші мүмкіндігі. Біздің буын осы мүмкіндікті пайдаланып, өз ұрпақтарына әркімнің дауысы естіліп, әркімнің құқығы қорғалатын, либералдық құндылықтары бар демократиялық мемлекетті қалдыруға міндетті, - деп қорытындылады жастар қауымы. Спикерлер мен студенттер өз сөздерінде конституциялық референдум – бұл саяси бағдар-ламаның қисынды жалғасы және оны өткізу қолданыстағы саяси модельдің жүйелі түрде өзгеруіне негіз болады деген пікірге келді.

Алтынбек ЕЛЕМЕСҰЛЫ.

Количество показов: 666

Возврат к списку