Жеңіс лентасы таратылады

Облыс көлемінде мамыр айындағы мерекелер бойынша 800-ден астам іс-шара жоспарланып отыр. Аталарымыздың ерлігін насихаттау мақсатында жаңа үлгідегі 25 мың «Жеңіс лентасы» таратылады. Сондай-ақ, өңіріміздегі Ұлы Отан соғысының 17 ардагеріне 1 млн теңгеден бірреттік әлеуметтік көмек көрсетіледі.

Бұл туралы Өңірлік коммуникациялар қызметінде өткен брифингте айтылды. Облыстық ақпарат және қоғамдық даму басқармасының басшысы Балтабай Қаппасовтың сөзінше, қиын өмірлік жағдайға тап болған адамдарға көмек көрсету үшін әлеуметтік акциялар, қайырымдылық жәрмеңкелері, жұмыссыздар үшін бос жұмыс орындары жәрмеңкелері жоспарланып отыр.

- Алдымен жұмыс іздеп жүрген жастарды Жастар бастамаларын дамыту орталығының алаңында өтетін бос орындар жәрмеңкесіне шақырамыз. Оған қоса, балалар үйі мен әлеуметтік мекемелерге бару көзделіп отыр. Ал 1 мамырда Екібастұз қаласында «Достық» аллеясы таныстырылады, - деді ол. Облыстық мәдениет, тілдерді дамыту және архив ісі басқармасының басшысы Самал Бегалинованың айтуынша, Железин ауданында «Халықтың қуаты – бірлікте» атты облыстық ақындар айтысын өткізу жоспарланып отыр.

- А.Чехов атындағы орыс драма театры «Метод Гронхольма» және Ж.Аймауытов атындағы қазақ музыка-драма театры «Қымбатты Елена Сергеевна!» қойылымда-рының премьераларын ұсынады. Оған қоса, аймағымыздың бүлдіршіндеріне арнап жерлесіміз, әнші Меруерт Түсіпбаеваның қатысуымен «Думанды елім» телевизиялық байқауы өтеді. Одан өзге И.Байзақов атындағы филармония мен «Шаңырақ» халық шығармашылығының концерттік залдарында «Бейбітшілік – ел тірегі» атты концерт ұйымдастырылады. Ал жаппай өңіріміздің мәдениет үйлерінде «Татулық – достық тірегі» атты шаралар жалғасады, - деді Самал Балғабайқызы. Сонымен қатар, басқарма басшысы 7 мамыр - Отан қорғау-шылар күнінде жалпы саны 290 шара өтетінін атап өтті. Бұл шаралардың барлығы ҚР Қарулы күштерінің 30 жылдығына арналмақ. Павлодар қаласы әкімінің орынбасары Светлана Гладышеваның сөзінше, Қазақстан халқының бірлігі күнінде Достық үйінде, Естай атындағы мәдениет сарайында, Орталық қалалық және Гагарин саябақтарында түрлі іс-шаралар болады. «Жеңіс лентасы» акциясы ұйымдастырылып, тұрғындарға жаңа үлгідегі 25 мыңнан астам лента таратылады. Сондай-ақ, Павлодардағы Ertis Promenade сахнасында өтетін шаралар 1 маусымнан басталатынын атап өтті.

- Аптасына үш мәрте, яғни жұмадан жексенбіге дейін кон-церттер өткізу жоспарлануда. Бұл ретте әр жұма күні қалалық және аудандық ұжымдар, ал сенбіде павлодарлық өнерпаздар, жексенбі күндері кино көрсеті-леді. Сонымен қатар, еркін форматта өнерімен танылып жүрген «көше» әншілерін жексенбі күні өткізілетін арнайы бағдарламаны ұйымдастыруға шақырамын, - деді ол. Кино көрсетілімдерін ұйымдастыру үшін «Қазақфильм» ұжымы 30 картина ұсынған екен. Облыстық жұмыспен қамтуды үйлестіру және әлеуметтік бағдарламалар басқармасының басшысы Альмира Дисюпова аймағымызда Ұлы Отан соғысының 17 ардагері бар екенін, оның 10-ы Павлодар қаласында тұратынын айтты. Ардагерлердің әрқайсына 1 млн теңге көлемінде бірреттік көмек беріледі. Сонымен қатар, тәжік-ауған аумағында ТМД-ның сыртқы шекарасын қорғаған, Ирак жеріндегі бітімгершілік операциясына қатысқан әскери қызмет-шілеріне, Ұлы Отан соғысының қатысушыларына және мүгедектеріне теңестірілгендерге 150 мың теңгеден қаражат төленеді.

Махаббат ТӨЛЕБАЙ.

Количество показов: 880

Возврат к списку