Жобаның жемісі мол

СОҢҒЫ ЖАРИЯЛАНЫМДАР

11 медаль!
11:05 24.01.2023 1212

Абайлаңыз, көктайғақ!
11:02 24.01.2023 1077

Мәселелерді жедел шешу - шарт
11:01 24.01.2023 1149

Жаңа әкімдердің жүгі қандай?
10:58 24.01.2023 1253

Қолтаңбасы өшпейтін қайраткер
10:55 24.01.2023 1421

Автонесие: ескіден жаңасы артық
10:52 24.01.2023 1148

Бал өндірісінен «бал тамбай тұр»
10:50 24.01.2023 1096

Жұмыс тәулік бойы жүргізілуде
10:49 24.01.2023 1236

Ауылда мәдениет үйі салынуда
10:46 24.01.2023 1292

Шетелдік көліктерді заңдастыру басталды
18:10 23.01.2023 1158

Квота көбейеді
11:02 22.11.2022 3406

Қала дамуы қарқынды
11:01 22.11.2022 2975

Баянауылдық «бай-барымташылар бандасы»
10:59 22.11.2022 2921

Жастар белсенділік танытты
10:55 22.11.2022 3383

ІТ-индустрияны қалай дамытамыз?
10:54 22.11.2022 3430

Қаныштың қамқорлығын көрген...
09:34 22.11.2022 3556

Бүгінгі таңдау - ертеңге бағдар
09:27 22.11.2022 3640

Жан жылуы
09:38 21.11.2022 2891

Жаңа үй салынады
09:37 21.11.2022 2946

Кәсіп бастау тетігі – «Даму»
09:36 21.11.2022 3358

15.11.2022

Жобаның жемісі мол

Шарбақты ауданында биыл «Ауыл – ел бесігі» мемле-кеттік бағдарламасы сәтті жүзеге асты. Мәселен, бір ғана Галкин ауылында аз уақыттың ішінде мәдениет үйі, мектеп жөнделді. Сонымен қатар, ауылішілік көше жолдары асфальтталып, елді мекеннің әлеуеті артты. Қазіргі таңда мұнда дене шынықтыру-сауықтыру кешенінің құрылысы жүруде.

Мәдениет үйі жөнделді

Галкин ауылдық мәдениет үйінің қабырғасы 1982 жылы қаланған. Тек 2006 жылы жергілікті бюджеттен қаражат бөлініп, күрделі жөндеуден өткен. Ал ғимарат шатыры мен терезелері 2015 жылы ауыстырылған.

- Мәдениет үйінің бұрынғы жағдайы нашар болды деп айтуға келмейді. Жыл сайын қызметкерлермен бірге орташа деңгейде жөндеу жүргізіп келдік. Осы жылы «Ауыл – ел бесігі» бағдарламасының аясында бұл жер басқаша кейіпке енді. Атап өтер болсақ, су жүйесі орнатылып, есік пен терезе, көрермендерге арналған зал орындықтары жаңарды. Жаңа еден салынды. Ішкі және сыртқы безендіру заманауи талапқа сәйкес таңдалды. Барлық күрделі жұмыстарды орындау үшін 95 млн теңге қаражат жұмсадық. Мердігер «Актив-А» ЖШС сәуір айында басталған жұмыстарды қазан айының соңында аяқтады, - дейді ауылдық мәдениет үйінің басшысы Гүлнар Астаева. Оның айтуынша, екі қабатты ғимаратың ішінен ауыл ардагерлері мен зейнеткер-леріне арналған кабинет берілген. Олар «Надежда» атты топ құрып, аудандық және ауылда өткен мерекелік концерттерде өнер көрсетіп жүр.

- Сонымен қатар, галкиндіктер үшін дене шынықтыру-сауықтыру орталығы салынып жатыр. Мұның құрылысы аяқталғанша мәдениет үйінде жастар мен оқушылар үшін теннис, күрес үйірмелері жұмыс істейді. Сондай-ақ, вокал және би, ұлттық аспаптар сынды қосымша сабақтар өтеді. Барлық үйірме, 200 орындыққа шақталған концерттік зал бірінші қабатта орналасса, екінші қабатында ауылдық кітапхана мен ардагерлер кабинеті бар, - деп атап өтті Г.Астаева.

Жол сапасы жақсарды

Галкин ауылында барлығы 943 адам тұрады. Елді мекенде 235 үй, 11 көше бар. Бүгінгі күні мұндағы 7 көшенің жолына орташа жөндеу жұмыстары жүргізілді. Мердігер ұйым «ПКФ Гордорстрой» ЖШС 78 996 млн теңгеден астам сомаға Амангелді, Ленин және Мәншүк Мәметова көшелеріне жол салды. Сонымен қатар, Жамбыл, Алтынсарин, Жакишев және Молдағұлова көшелерінің бойына асфальт жүргізуге 115 696 млн теңге қаражат бөлінді. Мұны «Дорстрой» ЖШС атқарды. Осыдан бір жыл бұрын «Дипломмен – ауылға!» бағдарламасымен жұмысқа орналасқан Назарбай Жиналғанұлының сөзінше, аталмыш елді мекеннің келбеті көрсе көз тоятындай-ақ.

- Негізінен, ауыл азаматтары үшін басты мәселе – жол. Алғаш рет бұл жерге келген кезде көше жолдары болмаған еді. Кейбірінде тек қиыршық тастармен болды. Қазіргі кезде орталық көше жолдары, екінші кезектегі ауылішілік жолдар жөнделді. Одан бөлек, бұрындары суық әрі ескі ғимараты бар мәдениет үйіне күрделі жөндеу жүргізілді. Оған қоса, мерекелік кештерді өткізуге қолайсыздық тудырды. Міне, аз уақытта ауылдық округ орталығындағы мәдениет мекемесі көрікті орынға айналды. Қызығы, көршілес ауылдардан қоныс аударушылар бар, - дейді жас маман.

Спорт кешені салынуда

Атап өтер болсақ, қазіргі таңда ауыл жастары мен тұрғындарына арналған дене шынықтыру-сауықтыру кешенінің құрылысы басталды. Ауылдық округ әкімі Дәурен Нұрсейітовтің сөзінше, бұл орталықтың жобасы екі жылға жоспарланған.

- Галкиндіктердің басым бөлігі мектеп, медициналық орталық, мәдениет үйі және «Ертіс орманы» резерватында еңбек етеді. Келесі жылы дене шынықтыру-сауықтыру кешенінің ашылуымен бірге жаңа жұмыс орындары құрылады деп күтілуде. Осы мақсатты «Ауыл - ел бесігі» бағдарламасы шеңберінде 222 млн теңгеден астам қаражат жұмсалуда. Ғимарат құрылысын «Промжилстройкомплекс» ЖШС алдағы жылдың мамыр айында аяқтауы тиіс, - дейді Дәурен Қалдыбайұлы.

Махаббат ТӨЛЕБАЙ

Количество показов: 2809

Возврат к списку