Қазақтың әйгілі ғарышкерлері Тоқтар Әубәкіров, Талғат Мұсабаев, Айдын Айымбетов ағалардың өмірімен таныстық, олардың ғарышқа ұшуы жайлы мәліметтер қызықты болды. Сол кісілердің атымен топтарға бөлініп, ғарыш әлемі жайлы сұрақ-жауаптармен өз ара жарысқа түстік.

Ең алғаш ғарышқа ұшқан «Лайка» атты ит туралы естіп, білдік. Ол ақылды ит болған екен. Сосын ғарыш жайлы бейнеролик көрдік, сөзжұмбақ, жұмбақ шешіп, өлеңдер оқыдық, постер арқылы түсінгендерімізді айттық.

Ғарышкер болу оңай емес екен. Біліміңмен қатар денсаулық та мықты болу керек. Денені шынықтырып, дұрыс тамақтанып, жаман әдеттерден аулақ болу керек. Біз бәріміз де ғарышкер болғымыз келді. Жақсы оқып, тәрбиелі болсақ, ізденсек, денсаулығымыз мықты болып, спортпен айналыссақ, ғарышқа ұшуға жол ашық екен. Сөйтіп, бәріміз де есейгенде ғарышкер боламыз деп шештік!

Айғаным ҚАЛҚАМАН, 5-сынып тәрбиешісі, Ш.Айманов атындағы мектеп-интернаты, Баянауыл ауданы.

saryarka-samaly.kz