Жер құрсауы жібіп, тоң еріген тұста соқа ұстап, жер жыртқан қауым үшін шаруа қыза түсері анық. Қазіргі таңда облыс бойынша барлық елді мекендерде егіс егетін жерлер белгіленіп, жер жырту жұмыстары басталмақ. Бұл ретте, егістік басындағы шаруаларды тұқыммен, тыңайтқыштармен қамтамасыз ету маңызды.
Облыстық ауыл шаруашылығы басқармасының басшысы Дархан Дощановтың айтуынша, өткен жылы 2025 жылғы өнімге егістік дайындау бойынша агротехникалық жұмыстар жүргізілді, 189,8 мың гектар алқапта бу өңделді және 235,0 мың гектар күзгі сүдігер жыртылды.
— Ауыл шаруашылығы саласының ел экономикасын дамытуға және халықтың әлеуметтік жағдайының артуына тигізер әсері зор. Ағымдағы жылдың көктемінде 1 035,9 мың гектар аумақта ылғал жабылды. Оның ішінде бу – 189,8 мың гектар, қараша – 244,3 мың гектар, сабан – 518,6 мың гектар, көпжылдық шөптер 83,1 мың гектарды құрайды. Бұдан бөлек, көктемгі дала жұмыстары барысында 295,2 мың гектар жер жыртылады.Бұл мақсатта 1 024 агрегат жұмылдырылады. Орташа тәуліктік өндірістігі 26 930 гектарды құраса, бұл жұмыстарға 11 жұмыс күні қажет болады. Сондай-ақ, 545,0 мың гектар жерге егіс алдындағы өңдеу жүргізіледі. Бұған 1 251 агрегат тартылмақ. Оның орташа тәуліктік өндірісі 50 425 гектарды құраса, бұл жұмыстарға 11 жұмыс күнінен қажет болады, — деді Дархан Тілеуұлы.
Сонымен қатар, басқарма басшысы өңірлерде берік жемшөп базасын құру бойынша жұмыстар жүргізіліп жатқанын айтып, бұл үшін ағымдағы жылы жемшөп дақылдарының алаңын 58,7 мың гектарға ұлғайту және оларды 304,3 мың гектарға дейін жеткізу жоспарланғанын жеткізді.
— Ауыл шаруашылығы дақыл-дарының болжамды егіс алқабы 2025 жылы 1 687,3 мың гектар алқапты құрайды, бұл дәнді, майлы және жемшөп дақылдарының егістігін кеңейту есебінен өткен жылғы деңгейден 123,0 мың гектарға артық. Оның ішінде дәнді дақылдар – 953,2 мың гектар, майлы дақылдар – 395,6 мың гектар, жемшөп дақылдары – 304,3 мың гектар, картоп – 26,0 мың гектар, көкөністер мен бақша дақылдары 8,4 мың гектарды құрайды. Ауыл шаруашылығы дақылдарының егіс алқаптарын әртараптандыруды жүргізу шеңберінде майлы дақылдар алқаптарын 93,2 мың гектарға ұлғайту жоспарлануда, бұл жалпы егіс алқабын жоспарлы көрсет-кіштен 131 пайызға (әртараптандыру бойынша болжам — 302,4 мың гектар) немесе 395,6 мың гектарға дейін жеткізуге мүмкіндік береді. Оның ішінде күнбағыс алқаптарын 21,1 мың гектарға ұлғайту және оларды 349,1 гектарға дейін жеткізу күтілуде, — деді ол.
Бұдан басқа, Дархан Дощанов 2025 жылы минералды тыңайтқыштарды енгізу көлемі 122 300 тоннаны құрайтынын атап өтті. Бұл суармалы және суарымсыз өсірілетін ауыл шаруашылығы дақылдарының егіс алқаптары бойынша нормативтерге сәйкес келеді. Ағымдағы күні жоспардың 11 109 тоннасы немесе 9 пайызы сатып алынды.
— Көктемгі дала жұмыстары кезінде маңызды мәселелердің бірі – диқандарды тұқым материалымен қамтамасыз ету. 2025 жылғы егінге 164,5 мың тонна тұқым себілді. Оның ішінде дәнді дақылдар — 107,5 мың тонна, майлы дақылдар – 1,8 мың тонна, жем-шөп – 0,9 мың тонна және картоп — 54,4 мың тонна. Сондай-ақ,
«Галицкое» элит тұқым шаруа-шылығында 1-ші репродукциядағы 725 тонна, және «Бақауов» тұқым шаруашылығында 760 тонна дәнді дақыл тұқымдары бар. Ұсынылған тұқым үлгілерінің 27,0 мың тоннасы немесе жалпы себілген тұқым көлемінің 17 пайызы толық талдаудан өтті. Бұл бағыттағы жұмыс жалғасуда.
Минералды тыңайтқыштардың негізгі көлемі көктемде 60 пайыздан асады, бұл 73 402 тоннаны, жазғы кезең 30 пайыз немесе 36 701 тоннаны, күзгі кезең 10 пайызды немесе 12 234 тоннаны құрайды. Сондай-ақ, «Қазазот» АҚ, «Қазфосфат» АҚ зауыттарында тыңайтқыштарды аванстық есеп бойынша босату және АШМ арқылы бөліп төлеу бағдарламасы бойынша республикалық бюджеттен жалпы сомасы 2,0 млрд теңгеге қаражат көзделген. Ағымдағы күнге арнайы бюджет қаражатына 447 млн теңге, «Қазазот» АҚ — 47 млн теңге, «Қазфосфат» АҚ — 397 млн теңге аударылды. Бұл 602 тонна аммиак селитрасы мен 3000 тонна аммофос сатып алуға мүмкіндік береді, — деп толықтырды ол.
Алтынбек МҰҚЫШЕВ.
Сурет газет мұрағатынан алынды.