Ауыл күл-қоқыстан арылды

Сәу 3, 2025

Қар кетіп, железиндіктер де етек-жеңін жинап, айналасын күл-қоқыстан тазартуға кірісіп кетті. Алғашқылардың бірі болып, «Таза Қазақстан» акциясы аясында елді мекендерін ретке келтіруді Веселая роща ауылдық округі қолға алды.

Ауылдық округ әкімдігінің жетекші маманы Жанна Айдарханованың айтуынша, елді мекендегі ғимараттарға, үйлерге іргелес аумақтар күл-қоқыстан тазартылды. Ауылдағы шаруа қожалығы қол ұшын созып, қоқыс шығаруға техникасын ұсынған. Екі күн бойы қоғамдық жұмысқа тартылған азаматтар ауылда қыс бойы жиналған қоқыстан арылтқан.

Енді ауылдық округке қарасты елді мекендерде абаттандыру жұмыстары қолға алынбақ. Ұлы Отан соғысы ардагерлеріне арналған ескерткіш, бөлімшелердегі Даңқ обелискілеріне жөндеу жұмыстары жүргізілмек. Ауылдағы стадионның қоршауы, қақпасын ретке келтіру, ажырап кеткен тұстарын дәнекерлеу жоспарланған.

Г.МАҒЖАН.