Әуелбек ауылында осы жылы «Жангөбек» кәсіпорны жаңа инвестициялық жобасын жүзеге асыру көзделген. Бұл жоба бойынша 746 гектар суару учаскесі салынып, жалпы инвестиция көлемі 250 млн теңге болмақ.
Жоба нәтижесінде 10 тұрақты және 10 маусымдық жұмыс орны құрылады. Бүгінгі күні суару учаскесіне су құбырлары тартылып, 4 жаңбырлатқыш машина сатып алынып, орнатылды. Учаскедегі ішкі су жүйесін жүргізу бойынша құрылыс-монтаждық жұмыстар келесі жылға жоспарланған. Жоба аясында астық пен көкөніс дақылдарын егу де көзделіп отыр.
Одан бөлек, Ақтоғай ауданының мәдениет және спорт бөліміне аудандық бюджеттен Өтес ауылы клубының жанындағы ғимараттың техникалық сараптамасын жүргізуге қаражат бөлу жоспарланған.
А.БОРАНБАЕВА.