Ауданда көктемгі су тасқынын болдырмау мақсатында ауқымды жұмыс жүргізілуде.
Өткен жылы Аққулы-Баймолдин автожолында жиналатын қар суын бұру үшін ұзындығы 200 метр, ені 2 метр арна жасалған. Жол төсемін көтеру және су өткізу құбырын орнату мақсатында Аққулы-Қазы жолының 0-15 шақырым учаскесін жөндеу жоспарланған.
Төтенше жағдайлар бөлімінің басшысы Ш.Абдоловтың сөзінше, Аққулы ауылының солтүстік бөлігі ерекше назарға алынған. 10 сәуір мен 5 мамыр аралығында Шүлбі су қоймасынан су жіберіледі. Аудан орталығында үйінділер жасалып, тұрғын үйлер айналасындағы үйінділер жаңартылды.
— Инертті материалдар қажетті көлемде дайындалды. Бұл ретте 2 мыңнан астам қапшық әзірленді. Жанар-жағармай қоры жеткілікті. Су тасқыны салдарын жоюға 84 адам мен 35 техника жұмылдырылады. Қазір ауданда жолды қардан тазалау жұмыстары жүргізілуде, — дейді Ш.Абдолов.
А.АСҚАРҚЫЗЫ.