Биыл Баянауыл ауданында туризм саласын дамыту мақсатында жаңа визит-орталық салынады деп жоспарлануда. Осыған орай жақында ауданға арнайы мамандар келіп, геодезиялық жұмыстарды жүргізуді бастап кетті.
Қазіргі таңда аталмыш орталыққа және құрылыс жұмыстарына қажетті құрал-жабдықтар жеткізілуде.
— Әзірге нысан салынатын жерді зерделеу жұмыстары жүріп жатыр. Бұл жоба 2 жылға арналған. Қасиетті өлкеміздің тарихын танытып, алыс-жақыннан келушілер үшін ақпарат беретін жаңа орталықтың құрылыс барысы әрдайым назарымызда болады, — деп атап өтті аудан әкімі Ардақ Кісентаев.
Мамандардың айтуынша, осындай туристік орталықтар салу арқылы саяхатшылар санын арттыруға, жаңа жұмыс орындарын ашуға және туризм саласында еңбек ететін білікті мамандар қатарын көбейтуге мол мүмкіндік тумақ. Сол арқылы өңір экономикасы да едәуір ілгерілемек.
Н.ШОДЫР.